16.12.2021 | 
Հասարակություն
ԵՊՀ-ՈՒՄ ԱՄՓՈՓՎԵՑ «ՀԵՏՊԱՏԵՐԱԶՄՅԱՆ ՀԱՅԱՍՏԱՆԸ ՀԱՐԵՎԱՆ ՊԵՏՈՒԹՅՈՒՆՆԵՐԻ ԱՉՔԵՐՈՎ» ԴԱՍԸՆԹԱՑԸ
ԵՊՀ-ՈՒՄ ԱՄՓՈՓՎԵՑ «ՀԵՏՊԱՏԵՐԱԶՄՅԱՆ ՀԱՅԱՍՏԱՆԸ ՀԱՐԵՎԱՆ ՊԵՏՈՒԹՅՈՒՆՆԵՐԻ ԱՉՔԵՐՈՎ» ԴԱՍԸՆԹԱՑԸ
ԵՊՀ պատմության ֆակուլտետում այսօր տեղի է ունեցել «Հայաստանի գեոստրատեգիական դրությունը 44-օրյա պատերազմից հետո (տարածաշրջանային անվտանգության համալիրների հայեցակարգերի դիտանկյունից)» թեմայով բանախոսությունը, որը վարում էր պատմ. գիտ. թեկնածու, դոցենտ Մենուա Սողոմոնյանը:

Բանախոսությունն անցկացվում էր ԵՊՀ պատմության ֆակուլտետի ՈՒԳԸ-ի կողմից նախաձեռնած «Հետպատերազմյան Հայաստանը հարևան պետությունների աչքերով» խորագրով դասընթացի տեսական ամփոփման շրջանակում:

Հանդիպման սկզբում ներկաներին ողջունեց ԵՊՀ պատմության ֆակուլտետի ՈՒԳԸ նախագահ Տաթև Հակոբյանը, որն անչափ կարևորեց նմանաբնույթ հանդիպում-դասախոսությունների միջոցով հետպատերազմյան Հայաստանի առջև ծառացած արտաքին և ներքին մարտահրավերների քննարկումը:

 

Այնուհետև հանդիպման բանախոս Մ. Սողոմոնյանը, շնորհակալություն հայտնելով ներկաներին ցուցաբերած մասնակցության համար, փաստեց, որ պատմությունը չպետք է ներկայացնել միայն որպես իրադարձություն, այլ պետք է այն ինչպես հարկն է վերլուծել՝ հաշվի առնելով բոլոր հայեցակարգերը: 

«Պատմաբանի համար շատ կարևոր է պատմության վերլուծությունը նաև միջազգային հարաբերությունների զարգացման համատեքստում, որպեսզի նա կարողանա ավելի լավ պատկերացնել երկրի ներսում և նրանից դուրս տեղի ունեցած զարգացումները»,- ասաց բանախոսը:

 

Նա ներկայացրեց միջազգային դիվանագիտության մակարդակային 3 հիմնական մոտեցումները՝ համակարգային, պետական/միավորային և անձնային. «Ձեր հետագա հետազոտությունները կարող եք իրագործել՝ հաշվի առնելով թվարկած մակարդակները պատմական իրադարձության համընդհանուր պատկերն ունենալու համար»:

Այնուհետև նա անդրադարձավ վերլուծության դիրքերից 44-օրյա պատերազմի սկսման եռամակարդակ մեկնաբանմանը՝ ներկայացնելով ինչպես այդ շրջանում տեղի ունեցած աշխարհաքաղաքական զարգացումները, այնպես էլ երկրի ներսում և անձերի մակարդակում կատարված փոփոխությունները:

Բանախոսության վերջում «Հետպատերազմյան Հայաստանը հարևան պետությունների աչքերով» դասընթացի մասնակիցները հավաստագրեր ստացան։

Այլ նորություններ
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ԿՈՒՆԵՆԱՆ ԱՇԽԱՏԵԼՈՒ ԲԻՈՏԵԽՆՈԼՈԳԻԱՅԻ ՈԼՈՐՏՈՒՄ
ԵՊՀ շրջանավարտների և կարիերայի կենտրոնն ինֆորմատիկայի և կիրառական մաթեմատիկայի ֆակուլտետի ուսանողների համար կազմակերպել էր տեղեկատվական հանդիպում՝ «Բիոտեխ ծրագրային ապահովման ճարտարագիտությունը թվային ճշգրիտ բժշկության մեջ» խորագրով:
ԵՊՀ-ՈՒՄ ԱՄՓՈՓՎԵՑԻՆ «Ի՞ՆՉ Է ՄՏԱԾՈՒՄ ՍՓՅՈՒՌՔԸ 21-ՐԴ ԴԱՐՈՒՄ» ԹԵՄԱՅՈՎ ՀԵՏԱԶՈՏՈՒԹՅՈՒՆՆԵՐԻ ԱՐԴՅՈՒՆՔՆԵՐԸ
Ինովացիոն լուծումների և տեխնոլոգիաների կենտրոնում (ISTC) տեղի ունեցած միջոցառման ժամանակ ծավալվեցին Հայկական սփյուռքին առնչվող առանցքային թեմաների վերաբերյալ քննարկումներ։