29.04.2019 | 
Գիտություն
ԵՊՀ-ՈՒՄ ԴԱՍԱԽՈՍՈՒԹՅՈՒՆ ԿԱՐԴԱՑ ՔՐԻՍՏԻՆ ՊՇԻԽՀՈԼՑԸ
ԵՊՀ-ՈՒՄ ԴԱՍԱԽՈՍՈՒԹՅՈՒՆ ԿԱՐԴԱՑ ՔՐԻՍՏԻՆ ՊՇԻԽՀՈԼՑԸ
ԵՊՀ ՀՀԻ ցեղասպանագիտության բաժինն այսօր կազմակերպել էր «Աղետ և Շոա. պատմական զարգացումները համեմատության մեջ» թեմայով բաց դասախոսություն:

Դասախոսությունը կարդաց Քրիստին Պշիխհոլցը, որն աշխատում է «Lepsiushaus»-ում (Յոհաննես Լեփսիուսի տունը, որն 2011 թվականից նաև ցեղասպանությունների գիտահետազոտական կենտրոն է) և դասավանդում Պոտսդամի համալսարանի ռազմական պատմության ամբիոնում:

Նա ուսումնասիրում է էթնիկ բռնությունների նկատմամբ գերմանական ընկալումներն Առաջին համաշխարհային պատերազմի տարիներին: «Lepsiushaus»-ի գիտական ղեկավար, պատմաբան Ռոլֆ Հոսֆելդի հետ խմբագրել է «Գերմանական ռեյխը և հայերի ցեղասպանությունը» հատորը:

Շոա բառը եբրայերենից թարգմանաբար նշանակում է աղետ, կործանում: Հրեաներն այս բառն օգտագործում են՝ նկարագրելու հրեա ժողովրդի՝ որպես էթնոսի ոչնչացմանն ուղղված նացիստների գործողությունները:

Հայագիտական հետազոտությունների ինստիտուտի ցեղասպանագիտության բաժնի վարիչ, պատմ. գիտ. թեկնածու Սուրեն Մանուկյանը, ողջունելով ներկաներին, անդրադարձավ դասախոսության թեմային՝ Հայերի ցեղասպանության և Հոլոքոստի պատմական զարգացումների համեմատությանը:

Քրիստին Պշիխհոլցը, շնորհակալություն հայտնելով հյուրընկալության համար, ասաց, որ իր համար մեծ պատիվ է լինել Հայաստանում: Նա անդրադարձավ քաղաքական և հասարակական այն հանգամանքներին, որոնք նախորդել են երկու համաշխարհային պատերազմներին:

Քրիստին Պշիխհոլցը խոսեց նաև ցեղասպանագիտության ազդեցությունների մասին:

Քննարկման ժամանակ Քրիստին Պշիխհոլցը նշեց, որ հայերի ցեղասպանությունը, կարելի է ասել, որ ընդունված և ճանաչված է գիտական-ակադեմիական շրջանակներում, և ժխտողականությունը հեռու է այդ ոլորտներից և ցածր մակարդակի վրա է գտնվում, ուստի անգամ արժանի չէ լուրջ ուշադրության:

Դասախոսության և քննարկման ամբողջական տարբերակը հասանելի է ստորև:

Այլ նորություններ
 «ԳԻՏԱԿԱՆ ԱՐՑԱԽ» ՊԱՐԲԵՐԱԿԱՆԻ 7-ՐԴ ՀԱՄԱՐԻ ՔՆՆԱՐԿՈՒՄԸ ԵՊՀ-ՈՒՄ
Երևանի պետական համալսարանի Պալեանների անվան դահլիճում այսօր տեղի է ունեցել «Գիտական Արցախ» պարբերականի 2020 թ. 4-րդ (ընդհանուր առմամբ 7-րդ) համարի քննարկումը խմբագրական խորհրդի անդամների և հոդվածագիրների հետ։
ՌՈՒՍ ՀԱՅՏՆԻ ՖԻԶԻԿՈՍ ԻԳՈՐ ԿՈՒՐՉԱՏՈՎԻՆ ՆՎԻՐՎԱԾ ՄԻՋՈՑԱՌՈՒՄ ԵՊՀ-ՈՒՄ
Երևանի պետական համալսարանի ֆիզիկայի ֆակուլտետում այսօր տեղի է ունեցել ռուս մեծ գիտնական Իգոր Կուրչատովի կիսանդրու հանձնման հանդիսավոր արարողությունը, այնուհետ ցուցադրվել է նրա մասին պատմող հոլովակ ու միջուկային արդյունաբերության զարգացման մասին դասախոսություն ֆակուլտետի ուսանողների համար։