18.12.2017 | 
Հասարակություն
ԴԱՍԱԽՈՍՈՒԹՅՈՒՆԸ ՆՎԻՐՎԱԾ ԷՐ ԵՂԵՌՆԻՆ ԵՎ ՄԵԾ ՏԵՐՈՒԹՅՈՒՆՆԵՐԻ ԱՐՁԱԳԱՆՔԻՆ
ԴԱՍԱԽՈՍՈՒԹՅՈՒՆԸ ՆՎԻՐՎԱԾ ԷՐ ԵՂԵՌՆԻՆ ԵՎ ՄԵԾ ՏԵՐՈՒԹՅՈՒՆՆԵՐԻ ԱՐՁԱԳԱՆՔԻՆ
Դեկտեմբերի 15-ին Հայոց ցեղասպանության թանգարան-ինստիտուտում տեղի ունեցավ «Հայոց ցեղասպանությունը և մեծ տերությունների դիրքորոշումը» թեմայով դասախոսություն:

Այն վարում էր Միջազգային հարաբերությունների ֆակուլտետի միջազգային հարաբերությունների և դիվանագիտության ամբիոնի դասախոս, պատմ. գիտ. թեկնածու Շիրակ Թորոսյանը:

 

Դասախոսությունն ունկնդրում էին Միջազգային հարաբերությունների ֆակուլտետի չորրորդ կուրսի ուսանողները: Շիրակ Թորոսյանի խոսքով՝ ամեն տարի Հայոց ցեղասպանության թանգարան-ինստիտուտում կազմակերպվում է այդ թեմայով դասախոսություն:

 

Թանգարան-ինստիտուտի աշխատակիցները նախ ուսանողներին ծանոթացրին ցուցադրվող նյութերին և դրանց վերաբերյալ բովանդակային մեկնաբանություններ տվեցին: Ներկայացված դիտակտիկ նյութերը պատկերում էին աբդուլհամիդյան կոտորածներից մինչև Լոզանի խորհրդաժողովն ընկած ժամանակահատվածը:

 

Ուսանողների շրջայցը թանգարան-ինստիտուտով ամփոփվեց դասախոսությամբ, որը ներկայացվեց երկու մասով:

 

Առաջին հատվածում Շիրակ Թորոսյանն անդրադարձավ Ցեղասպանության երիտթուրքական ծրագրին, կոտորածների իրականացման ընթացքին, ձևերին, ինչպես նաև ներկայացրեց Եղեռնի հետևանքով առաջացած մարդկային, նյութական, հոգևոր, մշակութային կորուստները: Այնուհետև խոսվեց մեծ տերությունների՝ Հայոց ցեղասպանության վերաբերյալ դիրքորոշման մասին:

 

Շիրակ Թորոսյանն իր դասախոսության մեջ առանձնացրեց մեծ տերություններին, որոնք Օսմանյան կայսրության դաշնակիցներն էին (Եռյակ դաշինք), և Անտանտի դաշինքի երկրներին (Անգլիա, Ֆրանսիա, Ռուսաստան):

 

Պարոն Թորոսյանը ներկայացրեց նաև Հայոց ցեղասպանությանը Գերմանիայի ներգրավվածությանը, որն իր հերթին կարող էր կանխել կամ մեղմել ստեղծված իրավիճակը:

 

Ուսանողները դասախոսության ընթացքում իրենց հետաքրքրող հարցերը ուղղում էին բանախոսին:

 

«Ուսանողները, ոչ միայն տեսականորեն, այլև գործնականում առնչվելով նկարների, տեսանյութերի, տարբեր փաստաթղթերի հետ, ավելի լավ են յուրացնում հիմնախնդիրը, ինչը շատ կարևոր է ապագա միջազգայնագետ-դիվանագետների համար: Սա նրանց թույլ կտա իրենց հետագա գործունեության ընթացքում ճիշտ ներկայացնել խնդիրը միջազգային տարբեր հարթակներում»,- մեզ հետ զրույցում ասաց Շիրակ Թորոսյանը:

 

 

Դասախոսությունից հետո Շիրակ Թորոսյանը և ուսանողներն այցելեցին Ծիծեռնակաբերդի հուշահամալիր:

Այլ նորություններ
«ԿԱՐՈՂ ԵՆ ԱՐԴՅՈ՞Ք ՊԵՏԱԿԱՆ ԻՆՍՏԻՏՈՒՏՆԵՐԸ ԿԱՆԽՈՐՈՇԵԼ ՏՆՏԵՍԱԿԱՆ ԱՃԸ». ՊԱՐԶԱԲԱՆՈՒՄ Է ԵՊՀ ՏՆՏԵՍԱԳԻՏՈՒԹՅԱՆ ԹԵԿՆԱԾՈՒ, ԴՈՑԵՆՏ ԿԱՌԼԵՆ ԽԱՉԱՏՐՅԱՆԸ
ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ, տնտեսագիտության թեկնածու, դոցենտ Կառլեն Խաչատրյանի ներկայացրած «Պետության ինստիտուտների կայացվածությունը ` որպես տնտեսական աճի ապահովման հիմնական գործոն» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
«ՀԱՂՈՐԴԱԿՑՈՒԹՅԱՆ ՄԵՋ ԱՆՄԵՂՈՒԹՅՈՒՆ ՉԿԱ». ՃԱՌԱԳԻՐ ՎԱԶՐԻԿ ԲԱԶԻԼ
Այսօր ԵՊՀ ժուռնալիստիկայի ֆակուլտետի հյուրն էր հայազգի գերմանաբնակ հրապարակախոս, հաղորդակցության և հանրային կապերի մասնագետ, գերմանախոս երկրների ճառագիրների ասոցիացիայի նախկին նախագահ, փիլիսոփայության դոկտոր Վազրիկ Բազիլը: