18.05.2018 | 
Քաղաքականություն
ԴԱՍԱԽՈՍՈՒԹՅՈՒՆ՝ ՎՐԱՑ-ՕՍԱԿԱՆ ԵՎ ՎՐԱՑ-ԱԲԽԱԶԱԿԱՆ ԿՈՆՖԼԻԿՏՆԵՐԻ ՄԱՍԻՆ
ԴԱՍԱԽՈՍՈՒԹՅՈՒՆ՝ ՎՐԱՑ-ՕՍԱԿԱՆ ԵՎ ՎՐԱՑ-ԱԲԽԱԶԱԿԱՆ ԿՈՆՖԼԻԿՏՆԵՐԻ ՄԱՍԻՆ
Այսօր ԵՊՀ միջազգային հարաբերությունների ֆակուլտետում ուսանողների համար «Մերօրյա հակամարտություններ. վրաց-օսական և վրաց-աբխազական կոնֆլիկտներ» թեմայով դասախոսությամբ հանդես եկավ Միջազգային հարաբերությունների ֆակուլտետի «Տարածաշրջանային քաղաքականություն» մագիստրոսական ծրագրի շրջանավարտ Լենա Զաքարյանը:

Դասախոսությունը կազմակերպել էր  Միջազգային հարաբերությունների ֆակուլտետի ՈՒԳԸ-ն, որի նպատակն է երիտասարդ մասնագետներին հնարավորություն տալ դասախոսություններ կարդալ այն թեմաների մասին, որոնք իրենց ուսումնասիրության առարկան են եղել մագիստրոսական ծրագրի շրջանակում:

 

Լենա Զաքարյանի մագիստրոսական ծրագրի նեղ մասնագիտացումը վերաբերում է Վրաստանի արտաքին քաղաքականությանը,  անվտանգությանը և  Կովկասում ունեցած ազդեցությանը:

 

Դասախոսության ընթացքում Լենա Զաքարյանը մանրամասն ներկայացրեց վրաց-օսական և վրաց-աբխազական  կոնֆլիկտները՝ խոսելով վերջիններիս ծագման և ներկա փուլում ընթացող դիվանագիտական գործընթացների  մասին:

 

Բանախոսն  ուսանողներին ծանոթացրեց  հակամարտության առկա բանակցային գործընթացներին, ներկայացրեց այդ կոնֆլիկտների կարգավորման ուղղությամբ բանակցող հիմնական կողմերին, ինչպես նաև միջազգային միջնորդ պետությունների և կառույցների դիրքորոշումները , վերջիններիս ուղղորդական ջանքերը հակամարտությունների կարգավորման ուղղությամբ:

 

Դասախոսության ընթացքում անդրադարձ կատարվեց նաև կոնֆլիկտների ազդեցությունը Կովկասի տարածաշրջանում՝ զուգահեռներ անցկացնելով Լեռնային Ղարաբաղի հակամարտության հետ:

  

 

Այլ նորություններ
ՀԱՄԱՊԱՏԱՍԽԱՆ ՔԱՆԱԿԻ ԿՐԵԴԻՏՆԵՐ ՉՀԱՎԱՔԱԾ ԵՎ ՈՒՍՄԱՆ ՎԱՐՁԵՐԸ ՉՎՃԱՐԱԾ ՈՒՍԱՆՈՂՆԵՐԸ ԿՀԵՌԱՑՎԵՆ. ԵՊՀ ՌԵԿՏՈՐԱՏԻ ՆԻՍՏՈՒՄ ԱՄՓՈՓՎԵՑ ՔՆՆԱՇՐՋԱՆԸ
Այսօր ԵՊՀ գիտխորհրդի նիստերի դահլիճում տեղի ունեցավ ռեկտորատի հերթական նիստը, որի ընթացքում ամփոփվեց 2017-2018 ուստարվա երկրորդ կիսամյակի քննաշրջանը:
4 ԴԵԿԱՆՆԵՐԻ ՈՒ 31 ԱՄԲԻՈՆԻ ՎԱՐԻՉՆԵՐԻ ԸՆՏՐՈՒԹՅՈՒՆՆԵՐԻ ՀԱՍՏԱՏՈՒՄ, ՆՈՐ ՊՐՈՖԵՍՈՐՆԵՐ, ԴՈՑԵՆՏՆԵՐ. ԹԵԺ ՔՆՆԱՐԿՈՒՄ՝ ԵՊՀ ԳԻՏԽՈՐՀՐԴՈՒՄ
Այսօր ԵՊՀ գիտխորհրդի նիստերի դահլիճում տեղի ունեցավ գիտխորհրդի հերթական նիստը, որի օրակարգում ընդգրկված էին ութ օրակարգային և մի քանի ընթացիկ հարցեր: