04.06.2018 | 
Կրթություն
ԱՐԱԲԵՐԵՆԻ ՀԱՇՎԵՏՈՒ ԴԱՍ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ
ԱՐԱԲԵՐԵՆԻ ՀԱՇՎԵՏՈՒ ԴԱՍ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ
Այսօր ԵՊՀ միջազգային հարաբերությունների ֆակուլտետի միջազգային հարաբերություններ բաժնում ինքնատիպ քննություն էր:

Ուսանողներին հնարավորություն էր տրվել անցած 3 տարիների ընթացքում արաբերենից ձեռք բերած գիտելիքները ցուցադրելու հաշվետու դասի ընթացքում:

 

Մեզ հետ զրույցում Միջազգային հարաբերություններ բաժնի 3-րդ կուրսի ուսանողուհի Աննա  Հարությունյանը, ներկայացնելով միջոցառման մանրամասները, նշեց, որ համակուրսեցինը մեծ ոգևորությամբ են մասնակցել յուրօրինակ դասի կազմակերպչական աշխատանքներին:

 

«Մեր բաժնում ուսանողները սովորում են երկու մասնագիտական լեզու՝ անգլերեն և արաբերեն՝ ընտրովի սկզբունքով, ,- ասաց Աննա Հարությունյանը,- և քանի որ մենք  երրորդ կուրսում ամփոփում ենք նաև լեզվի ուսուցումը, որոշեցինք երրորդ կուրսի ավարտը նշանավորել այս միջոցառման կազմակերպմամբ:

 

Միջոցառման թեման ՄԱԿ-ն էր: Ուսանողներն արաբերենով ներկայացրին միջազգային ամենամեծ կառույցի հիմնադրման, նրա կառուցվածքի, ճյուղերի, գործառույթների, հանձնաժողովների պատմությունը, ինչպես նաև անդրադարձան այս կառույցին Հայաստանի անդամագրման պատմությանը:

 

Միջոցառմանը ներկա էր նաև ԵՊՀ միջազգային հարաբերությունների ֆակուլտետի դիվանագիտական ծառայության և մասնագիտական հաղորդակցման ամբիոնի դոցենտ, դեկանի տեղակալ Արթուր Իսրայելյանը, ով մեզ հետ զրույցում ասաց, որ պատահական չէր նաև միջոցառման թեմային ընտրությունը.« Վերջերս լրացավ Հայաստանի՝ ՄԱԿ-ին անդամակցելու 26 տարին, ինչը լավ առիթ էր արաբերենով հենց այս թեմային անդրադառնալու համար: Արաբերենը ՄԱԿ-ի պաշտոնական վեց լեզուներից մեկն է»:

 

Ավելացնենք նաև, որ Միջազգային համբերությունների ֆակուլտետում նման ձևաչափի միջոցառում  առաջին անգամ  էր կազմակերպվում: Միջոցառման ընթացքում  ուսանողներն արաբերենով կատարեցին նաև երկու երգ:

Այլ նորություններ
«ՀՈՒԶԱԿԱՆ ԲԱՆԱԿԱՆՈՒԹՅԱՆ ԴԵՐԸ ԿԱՐԻԵՐԱՅԻ ԶԱՐԳԱՑՄԱՆ ԵՎ ԻՆՔՆԱԿԱՌԱՎԱՐՄԱՆ ՄԵՋ». ՍԵՄԻՆԱՐ-ԴԱՍԱԽՈՍՈՒԹՅՈՒՆ ԵՊՀ-ՈՒՄ
ԵՊՀ շրջանավարտների և կարիերայի կենտրոնի և «Գոյ» գիտագործնական համալիրի հետազոտությունների նորարարական կենտրոնի համագործակցության շրջանակում այսօր կայացավ «EQ. հուզական բանականության դերը կարիերայի զարգացման և ինքնակառավարման մեջ» խորագրով սեմինար-դասընթաց:
ՎԱՆԱՁՈՐԻ ԱՇԱԿԵՐՏՆԵՐԻՆ ՆԵՐԿԱՅԱՑՎԵՑԻՆ ԵՊՀ ԿՐԹԱԿԱՆ ԾՐԱԳՐԵՐԸ
ԵՊՀ մաթեմատիկայի և մեխանիկայի, կենսաբանության, սոցիոլոգիայի, ֆիզիկայի և քիմիայի ֆակուլտետների պրոֆեսորադասախոսական կազմի ներկայացուցիչներն այսօր այցելել են Վանաձորի թիվ 5 և «Էվրիկա» բնագիտամաթեմատիկական թեքումով հատուկ դպրոցներ` համալսարանի կրթական ծրագրերը և ֆակուլտետները ներկայացնելու համար: