25.02.2007 | 
Կրթություն
ՀԱՂԹԵՑ ԵՊՀ ԻՐԱՎԱԲԱՆՆԵՐԻ ԹԻՄԸ
ՀԱՂԹԵՑ ԵՊՀ  ԻՐԱՎԱԲԱՆՆԵՐԻ ԹԻՄԸ
Փետրվարի 20-ից 23-ը Ծաղկաձորում տեղի ունեցավ միջազգային մարդասիրական իրավունքի երրորդ դատախաղ-մրցույթը, որին մասնակցում էին հայաստանյան տարբեր բուհերի իրավագիտության ֆակուլտետների ներկայացուցիչներ: Երեւանի պետական համալսարանի իրավագիտության ֆակուլտետը ներկայացավ 2 թիմով:

Մասնակիցներին տրվեցին միջազգային մարդասիրական իրավունքի հիմնախնդիրներին վերաբերող իրավիճակային հարցեր, սահմանված ժամկետում թիմերը ժյուրիին ներկայացրին իրենց դիրքորոշումները: Իսկ կլոր սեղանի շուրջ անցկացված թիմային քննարկումների ժամանակ մասնակիցներն ու ժյուրիի անդամներն անդրադարձան միջազգային մարդասիրական իրավունքի հիմնախնդիրներին:

Եզրափակիչ փուլ անցան ԵՊՀ իրավագիտության ֆակուլտետի և Ռուս-հայկական (սլավոնական) պետական համալսարանի իրավագիտության ֆակուլտետի թիմերը: Եզրափակիչ փուլում թիմերը մրցեցին դատավարական սկզբունքով: ԵՊՀ իրավագիտության ֆակուլտետի թիմը հաղթող ճանաչվեց մրցույթում: Համալսարանականներին հանձնվեց պատվո գավաթը, որը մինչ մյուս մրցույթի անցկացումը մնալու է ԵՊՀ իրավագիտության ֆակուլտետում:

Այլ նորություններ
ԱՐՏԱԿԱՐԳ ԴՐՈՒԹՅԱՆ ԱՐՏԱԿԱՐԳ ԴԻՄՈՐԴՆԵՐԸ. ԵՊՀ-ՈՒՄ ԱՎԱՐՏՎԵԼ Է ԲԱԿԱԼԱՎՐԻԱՏԻ 2020-2021 ՈՒՍՈՒՄՆԱԿԱՆ ՏԱՐՎԱ ԴԻՄՈՐԴՆԵՐԻ ԴԻՄՈՒՄ-ՀԱՅՏԵՐԻ ԱՌՑԱՆՑ ԸՆԴՈՒՆՄԱՆ ԱՌԱՋԻՆ ՓՈՒԼԸ
ԵՊՀ-ում հունիսի 15-ին ավարտվել է 2020-2021 ուսումնական տարվա դիմորդների դիմում-հայտերի առցանց ընդունման առաջին փուլը, որին հայտագրվել է 4060 դիմորդ:
ԵՊՀ-ՈՒՄ ՄԱԳԻՍՏՐԱՏՈՒՐԱՅԻ ԸՆԴՈՒՆԵԼՈՒԹՅԱՆ ԴԻՄՈՒՄ-ՀԱՅՏԵՐՆ ԸՆԴՈՒՆՎՈՒՄ ԵՆ ԱՌՑԱՆՑ
ԵՊՀ գիտխորհրդի որոշմամբ մագիստրատուրայի ընդունելության հայտերն անհրաժեշտ է լրացնել առցանց: