21.05.2019 | 
Կրթություն
«ԱՌՑԱՆՑ ՈՒՍՈՒՑՄԱՆ ՏԵԽՆՈԼՈԳԻԱՆԵՐԻ ԿԻՐԱՌՈՒՄԸ ԴԱՍԱՎԱՆԴՄԱՆ ԳՈՐԾԸՆԹԱՑՈՒՄ». ԵՌՕՐՅԱ ԴԱՍԸՆԹԱՑ՝ ԵՊՀ ՖՐԱՆՍԱԽՈՍ ԴԱՍԱԽՈՍՆԵՐԻ ՀԱՄԱՐ
«ԱՌՑԱՆՑ ՈՒՍՈՒՑՄԱՆ ՏԵԽՆՈԼՈԳԻԱՆԵՐԻ ԿԻՐԱՌՈՒՄԸ ԴԱՍԱՎԱՆԴՄԱՆ ԳՈՐԾԸՆԹԱՑՈՒՄ». ԵՌՕՐՅԱ ԴԱՍԸՆԹԱՑ՝ ԵՊՀ ՖՐԱՆՍԱԽՈՍ ԴԱՍԱԽՈՍՆԵՐԻ ՀԱՄԱՐ
Եվրոպական լեզուների և հաղորդակցության ֆակուլտետը «ERASMUS+» ծրագրի շրջանակում այսօր հյուրընկալել էր Էքս-Մարսել համալսարանի լեզուների ուսուցման կենտրոնի տնօրեն, դասախոս Մարկո Կապելինին:

Ֆրանսիական բանասիրության ամբիոնի հրավերով ԵՊՀ ակադեմիական նվաճումների կենտրոնում Մարկո Կապելինին «Առցանց ուսուցման տեխնոլոգիաների կիրառումը դասավանդման գործընթացում» թեմայով եռօրյա վերապատրաստման դասընթացներ է անցկացնելու նույն ամբիոնի և ԵՊՀ ֆրանսախոս դասախոսների համար:

 

Մարկո Կապելինին մեզ հետ զրույցում նշեց, որ դասընթացներն անցկացվելու են ինտերակտիվ ձևաչափով, որի ընթացքում փորձելու է դասախոսներին փոխանցել մանկավարժական նոր մոտեցումներ:

 

«Վերապատրաստման ընթացքում ես կխոսեմ սովորողի ինքնավարության մասին, ինչպես նաև կանդրադառնամ կրթության ոլորտում տարբեր ռեսուրսների օգտագործման կարևորությանը, կներկայացնեմ ինչպես ճիշտ օգտագործել համացանցում առկա ուսուցողական տարբեր կրթական ծրագրերը: Ես նաև դասախոսներին փորձելու եմ սովորեցնել, թե ինչպես նախապատրաստել այն ուսանողներին, որոնք ցանկանում են մեկնել Ֆրանսիա՝ ուսումը շարունակելու համար»,- ասաց նա:

 

 

Ըստ մասնագետի՝ կրթության ոլորտում մանկավարժները պետք է միշտ ընդլայնեն օգտագործվող ռեսուրսները, հատկապես նոր տեխնոլոգիաները դասավանդման գործընթացում:

 

Անդրադառնալով Ֆրանսիայի կրթական համակարգին՝ նա նշեց, որ միշտ էլ նորարարության և բարեփոխումների կարիք կա:

Խոսելով իր մասնագիտության ընտրության մասին՝ Մարկո Կապելինին ասաց, որ պաշտում է իր մասնագիտությունը, և հրաշալի է, որ նա վճարվում է երիտասարդներին կրթելու և հետազոտություններ իրականացնելու համար, ինչն անում է մեծ սիրով. «Այս ամենն ինձ շատ է գոհացնում»:

 

Նադեժդա Տեր-Աբրահամյան

Այլ նորություններ
ԵՊՀ-ՈՒՄ ՏԵՂԻ Է ՈՒՆԵՑԵԼ ԻԻՀ ԽՈՐՀՐԴԱՐԱՆԻ ՀԱՅԱԶԳԻ ՊԱՏԳԱՄԱՎՈՐԻ ՊԱՐՍԿԵՐԵՆ ՄԵՆԱԳՐՈՒԹՅԱՆ ՇՆՈՐՀԱՆԴԵՍԸ
ԵՊՀ արևելագիտություն ֆակուլտետի իրանագիտության ամբիոնում այսօր տեղի են ունեցել ԻԻՀ խորհրդարանի հայազգի պատգամավոր, պատմագիտության դոկտոր Կարեն Խանլարյանի «Հայաստանի աշխարհագրության սահմանումը ըստ իսլամական աղբյուրների» պարսկերեն մենագրության շնորհանդեսը և հեղինակի հետ հանդիպումը։
ՍԱՀՄԱՆՎԵԼ Է ԵՊՀ 2019-2020 ՈՒՍՈՒՄՆԱԿԱՆ ՏԱՐՎԱ ՀԱՄԱՐ ՄԻՋԻՆ ՈՐԱԿԱԿԱՆ ԳՆԱՀԱՏԱԿԱՆԻ (ՄՈԳ) ՇԵՄԸ
ԵՊՀ-ում 2019-2020 ուսումնական տարվա համար միջին որակական գնահատականի (ՄՈԳ) շեմը բակալավրիատում սահմանվել է 11.00-ն, իսկ մագիստրատուրայում՝ 15.00-ն: