13.04.2007 | 
Հասարակություն
«ՍՏԱՆԴԱՐՏ»` 6 ՕՐՈՒՄ
«ՍՏԱՆԴԱՐՏ»` 6 ՕՐՈՒՄ
ԵՊՀ շրջանավարտների եւ կարիերայի կենտրոնի եւ «Լինկ» կազմակերպութան համագործակցության շրջանակներում 6 համալսարանականներ մասնակցում են «Ստանդարտ» հաշվապահական ծրագրի ուսուցման դասընթացին:

Առաջին անգամ է, որ «Լինկ»-ը դասընթաց է կազմակերպում ուսանողների համար: Կազմակերպության մասնագետ Նաիրա Մկրտչյանը, ով վարում է դասընթացը, նշում է, որ ուսանողների պատրաստվածության աստիճանը իր սպասածից շատ ավելի բարձր էր:

«Լինկ»-ը ուսանողներին ծրագրի հետ կծանոթացնի 6 դասի ընթացքում:

«Իհարկե, 6 դասաժամը քիչ է այսպիսի մեծ ծրագիրն ուսումնասիրելու համար, բայց մենք, այնուամենայնիվ, հնարավորություն ստացանք ծանոթանալու ծրագրին եւ գիտակցելու, թե հաշվապահական գործում «Ստանդարտը» որքան է հեշտացնում մասնագետի աշխատանքը»,- ասաց ԵՊՀ տնտեսագիտության ֆակուլտետի 3-րդ կուրսի ուսանող Տաթեւիկ Նավասարդյանը:

«Լինկ» կազմակերպության ծրագրերի ղեկավար Շուշան Գյուլխասյանը համաձայնեց, որ դասաժամերը ռեալ արդյունքի հասնելու համար շատ քիչ են: Սակայն նա նշեց, որ այս դասընթացը ծրագիրը լիովին սովորեցնելու նպատակ չունի եւ ավելի շատ ծանոթացնող եւ շահագրգռող բնույթ ունի:

«Մենք ուսանողների թիվը սահմանափակելու անհրաժեշտություն չունենք եւ կարող ենք միաժամանակ մի քանի խմբերի հետ աշխատել: Իսկ ամեաակտիվ ուսանողները կարող են հետագայում ծրագրի մասին ունեցած գիտելիքները խորացնել մեզ մոտ` անցկացնելով իրենց պրակտիկան այստեղ»,- տեղեկացրեց «Լինկի» ծրագրերի ղեկավար Շուշան Գյուլխասյանը:

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։