10.05.2019 | 
Հասարակություն
ԵՊՀ ԱՇԽԱՏԱԿԻՑՆԵՐՆ ԱՐԴԵՆ ՈՒՆԵՆ ՆՈՐ ԲԺՇԿԱԿԱՆ ԱՊԱՀՈՎԱԳՐՈՒԹՅՈՒՆ
ԵՊՀ ԱՇԽԱՏԱԿԻՑՆԵՐՆ ԱՐԴԵՆ ՈՒՆԵՆ ՆՈՐ ԲԺՇԿԱԿԱՆ ԱՊԱՀՈՎԱԳՐՈՒԹՅՈՒՆ
2019 թ. ապրիլին բժշկական ապահովագրությունը շարունակելու նպատակով ԵՊՀ-ն հայտարարել էր մրցույթ, որի արդյունքում դիմել էին հինգ ապահովագրական կազմակերպություններ, որոնցից հաղթող է ճանաչվել «Նաիրի Ինշուրանս» ապահովագրական ընկերությունը, որի հետ էլ ԵՊՀ-ն մայիսի 10-ից կնքել է պայմանագիր:

Առողջության ապահովագրությունը գործելու է սույն թվականի մայիսի 10-ից մինչև դեկտեմբերի 31-ը համալսարանի հիմնական աշխատողների և գիտական (գիտատեխնիկական) աշխատանքներում (ծրագրերում) ներգրավված աշխատողների համար:

 

ԵՊՀ աշխատողները կարող են  մինչև հունիսի 10-ը համապատասխան վճարում կատարելուց հետո ապահովագրել նաև իրենց ընտանիքի անմիջական անդամներին` մինչև 65 տարեկան ամուսին կամ կին և մինչև 18 տարեկան զավակ:

 

Հարկ է նշել, որ մինչև ապահովագրական քարտերի պատրաստ լինելն աշխատողները կարող են օգտվել առողջության ապահովագրությունից իրենց անձնագրերով: Ապահովագրական քարտերը պատրաստ կլինեն մինչև մայիսի 20-ը:

 

Տեղեկացնենք նաև, որ ԵՊՀ կայքում ներկայացված են նաև աշխատողների բժշկական ապահովագրության պայմանների մանրամասները:


Առավել մանրամասն տեղեկությունների և հարցերի համար կարող եք դիմել ԵՊՀ արհեստակցական կազմակերպություն (Կենտրոնական մասնաշենք, 4-րդ հարկ, 411 սենյակ, հեռ.՝ 010-55-46-12, 060-710-176, ներքին՝ 11-76 կամ 11-72): 

 

Անգին Խաչատրյան

Այլ նորություններ
ԵՊՀ ՃՇԳՐԻՏ ԵՎ ԲՆԱԳԻՏԱԿԱՆ ՄԱՍՆԱԳԻՏՈՒԹՅՈՒՆՆԵՐԻ ԳԾՈՎ ՊՐՈՌԵԿՏՈՐ ՆՇԱՆԱԿՎԵԼ ՌԱՖԱՅԵԼ ԲԱՐԽՈՒԴԱՐՅԱՆԸ
ԵՊՀ ռեկտորի ժամանակավոր պաշտոնակատար Գեղամ Գևորգյանի հրամանով «Երևանի պետական համալսարան» հիմնադրամի ճշգրիտ և բնագիտական մասնագիտությունների գծով պրոռեկտոր է նշանակվել ՀՀ ԳԱԱ մաթեմատիկայի ինստիտուտի նախկին տնօրեն, ԵՊՀ ասիստենտ Ռաֆայել Բարխուդարյանը:
ԵՊՀ ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅԱՆ ԵՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԳԾՈՎ ՊՐՈՌԵԿՏՈՐ Է ՆՇԱՆԱԿՎԵԼ ԱՐԹՈՒՐ ԻՍՐԱՅԵԼՅԱՆԸ
ԵՊՀ ռեկտորի ժամանակավոր պաշտոնակատար Գեղամ Գևորգյանի հրամանով «Երևանի պետական համալսարան» հիմնադրամի միջազգային համագործակցության և հասարակայնության հետ կապերի գծով պրոռեկտոր է նշանակվել ԵՊՀ դիվանագիտական ծառայության և մասնագիտական հաղորդակցման ամբիոնի դոցենտ Արթուր Իսրայելյանը: