11.05.2022 | 
Կրթություն, Մշակույթ
ՀԱՆԴԻՊՈՒՄ-ՔՆՆԱՐԿՈՒՄ «ԱՐՑՈՒՆՔՆԵՐԸ ԴՐԱԽՏՈՒՄ» ՎԵՊԻ ՀԵՂԻՆԱԿԻ ՀԵՏ
ՀԱՆԴԻՊՈՒՄ-ՔՆՆԱՐԿՈՒՄ «ԱՐՑՈՒՆՔՆԵՐԸ ԴՐԱԽՏՈՒՄ» ՎԵՊԻ ՀԵՂԻՆԱԿԻ ՀԵՏ
ԵՊՀ Շառլ Ազնավուրի անվան մշակույթի կենտրոնում կազմակերպվեց հանդիպում-քննարկում, որի նպատակն էր հայ լսարանին ներկայացնել և ծանոթացնել 44-օրյա պատերազմի մասին պատմող «Արցունքները դրախտում» վեպին:

Հանդիպմանը ներկա էին ԵՊՀ Շառլ Ազնավուրի անվան մշակույթի կենտրոնի տնօրեն Կարինե Դավթյանը, վեպի հեղինակը՝ դաղստանցի գրող Գամիդ Ամիրովը, «Բուկինիստ» հրատարակչության հիմնադիր տնօրեն Խաչիկ Վարդանյանը և Հանրային հեռուստաընկերության հաղորդավար Աելիտա Չիլինգարյանը:

 

ԵՊՀ Շառլ Ազնավուրի անվան մշակույթի կենտրոնի տնօրեն Կարինե Դավթյանը շնորհակալություն հայտնեց Գամիդ Ամիրովին՝ իր մարդկային տեսակի ու կատարած աշխատանքի համար:

 

 

Գամիդ Ամիրովն իր խոսքում ասաց. «Հայ ժողովուրդը իր ցավի ու տառապանքի մեջ, միևնույնն է, կարողանում է ուրախանալու համար պատճառ գտնել: Մոսկվայում սովորելու տարիներին ես շատ հայ ընկերներ եմ ձեռք բերել, և մի բան հասկացել, որ ցավի հետ մեկտեղ հայը ժպտում է, Քոչարի է պարում. նա միշտ կանգուն է, կա»:

Խաչիկ Վարդանյանը շնորհակալություն հայտնեց Գամիդ Ամիրովին, որ լինելով դաղստանցի՝ նա ուսումնասիրել է հայ մշակույթն ու գրականությունը, հայոց պատմությունը, 44-օրյա  պատերազմի ընթացքում տեղի ունեցած իրադարձությունները:

 

 

Հանդիպման վերջում ծավալվեց ակտիվ քննարկում:

 

Նշենք, որ «Արցունքները դրախտում» վեպի վերջին էջերում գրված է 3000 հայ զինվորի անուն:

 

 

Այլ նորություններ
ԵԼՀ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԸ ՀԱՄԱԼՐՎԵԼ Է ՄԱՍՆԱԳԻՏԱԿԱՆ ԴԱՍԱԳՐՔԵՐՈՎ
Եվրոպական լեզուների և հաղորդակցության ֆակուլտետի դեկան Գևորգ Բարսեղյանը Գերմանական տնտեսական միավորման անդամ Իսմայիլ Շեկին հանձնեց շնորհակալագիր՝ երախտագիտություն հայտնելով ֆակուլտետի գերմանական բանասիրության ամբիոնին նվիրաբերած դասագրքերի համար: Կազմակերպված հանդիպման ընթացքում բիզնես ոլորտի ներկայացուցիչները կիսվեցին իրենց հաջողության պատմություններով՝ ներկայացնելով կրթության և հատկապես գերմաներենի իմացության դերը բիզնեսում հաջողություն գրանցելու հարցում:
ԿԱՅԱՑԱՎ ԵՊՀ ՍՈՑԻՈԼՈԳԻԱՅԻ ՖԱԿՈՒԼՏԵՏԻ «ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐ» ՄԱԳԻՍՏՐՈՍԱԿԱՆ ԾՐԱԳՐԻ ՎԵՐԱԲԵՐՅԱԼ ՏԵՂԵԿԱՏՎԱԿԱՆ ՀԱՆԴԻՊՈՒՄ
«Հասարակայնության հետ կապեր» ծրագրի մանրամասների, ընձեռած հնարավորությունների և դիմելու ընթացակարգի վերաբերյալ դիմորդներին տեղեկատվություն տրամադրելու նպատակով ԵՊՀ սոցիոլոգիայի ֆակուլտետում կայացավ տեղեկատվական հանդիպում: Ֆակուլտետի «Հասարակայնության հետ կապեր» մագիստրոսական կրթական ծրագիրը կրճատվել է՝ դառնալով մեկամյա, ինչի շնորհիվ դիմորդները հնարավորություն կունենան մեկ տարվա ընթացքում ստանալու հասարակայնության հետ կապերի մասնագետի որակավորում, հիմնարար գիտելիքներ, մագիստրոսի աստիճան։