07.07.2014 | 
Հասարակություն
ՔԱՂԱՔԱԳԵՏՆԵՐԻ ՀԱՎԱՔ ՌԴ-ՈՒՄ
ՔԱՂԱՔԱԳԵՏՆԵՐԻ ՀԱՎԱՔ ՌԴ-ՈՒՄ
Հուլիսի 1-ից 3-ը ԵՊՀ միջազգային հարաբերությունների ֆակուլտետի ներկայացուցիչները մասնակցել են «ՌԴ ազգային շահերը. առաջնահերթություններ, ռազմավարություն և հեռանկարներ» խորագրով հավաքին:

ՌԴ Վլադիմիրի մարզի Սուզդալ քաղաքում կազմակերպված միջոցառմանը մասնակցել են ԵՊՀ միջազգային հարաբերությունների ֆակուլտետի միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը և ասիստենտ Երեմ Վարդազարյանը:

 

Քաղաքագետների միջազգային հավաքի հիմնական նպատակներից է բուհերի համար ստեղծել նոր՝ ազգային գաղափարախոսությունների վրա հիմնված ուսումնական դասագրքեր ու հրաժարվել արևմտյան արժեքներ տարածող և ներկայումս կիրառվող դասագրքերից:

 

ՌԴ նախագահ Վլադիմիր Պուտինն իր ուղերձի մեջ նշել է, որ կարևորում է միջազգային համագործակցության ամրապնդումը քաղաքագիտության ոլորտում, ինչպես նաև քաղաքագետների դերի բարձրացումը պետական կառավարման համակարգում:

 

Քաղաքագետների ռուսաստանյան միության առաջին համագումարի շրջանակներում համալսարանականները մասնակցել են միջազգային հարաբերությունների ժամանակակից խնդիրները քննարկող բաժանմունքի, ինչպես նաև ուկրաինական ճգնաժամին նվիրված կլոր սեղանի աշխատանքներին:

 

Հայ քաղաքագետները հանդիպումներ են ունեցել նաև ռուս գործընկերների հետ, ինչի արդյունքում պայմանավորվածություն է ձեռք բերվել համագործակցության վերաբերյալ պայմանագրեր ստորագրել ԵՊՀ միջազգային հարաբերությունների ֆակուլտետի և Մոսկվայի Լոմոնոսովի անվան պետական համալսարանի քաղաքագիտության ֆակուլտետի, ինչպես նաև Պյատիգորսկի պետական լեզվաբանական համալսարանի միջազգային հարաբերությունների ինստիտուտի միջև:

Այլ նորություններ
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ․ ՄԱՍ 2-ՐԴ
Համալսարանականները շարունակում են ամփոփել անցնող տարվա ընթացքում կատարած աշխատանքներն ու գրանցած հաջողությունները։ Տարին մշակութային էր, ԵՊՀ ուսանողների և շրջանավարտների համար՝ հագեցած աշխատանքի առաջարկներով։
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ. ՄԱՍ 1-ԻՆ
Ավարտվում է 2022 թվականը, և համալսարանականները ներկայացնում են անցնող տարվա ընթացքում գրանցված հաջողություններն ու ձեռքբերումները, ինչպես նաև անդրադառնում ապագայի ծրագրերին։ Հաջողությունները եղել են բոլոր ուղղություններով՝ գիտականից մինչև ֆինանսական։