27.02.2019 | 
Գիտություն
«ԽԵԼԱՑԻ ՊԱՅՄԱՆԱԳՐԵՐԻ» ՄՈՒՏՔԸ ԵՊՀ
«ԽԵԼԱՑԻ ՊԱՅՄԱՆԱԳՐԵՐԻ» ՄՈՒՏՔԸ ԵՊՀ
ԵՊՀ շրջանավարտների և կարիերայի կենտրոնը «Բլոքչեյն թեքնոլոջիզ քորփորեյշն» ընկերության հետ «Blocklab» ծրագրի շրջանակում այսօր անցկացրին հանդիպում-վեբինար:

«Blocklab» ծրագիրը բլոքչեյն տեխնոլոգիաների ստարտափների ինկուբատոր է, որի առաջին փուլի ժամանակ «Բլոքչեյն» տեխնոլոգիաների մասնագետ Փիթեր Միկկելսենը պատմեց բլոքչեյն տեխնոլոգիաների և խելացի պայմանագրերի մասին։

«Եթե մենք փորձենք միմյանց հետ համեմատել խելացի պայմանագրերն ու արհեստական ինտելեկտը, ապա պետք է փաստենք, որ խելացի պայմանագրերի դեպքում համապատասխան ալգորիթմներ ստեղծելու հնարավորություններն ավելի մեծ են, բացի դրանից՝ տվյալների պահպանման անվտանգությունը նույնպես բարձր մակարդակի վրա է»,- ասաց Փիթեր Միկկելսենը:



Անդրադառնալով տվյալների կուտակման առավել անվտանգ մեթոդներին՝ Փիթեր Միկկելսենը նշեց, որ վերջիններս միջնորդի գործառույթ ունեցող համակարգեր են:

Երբ այդ անվտանգ մեթոդների և խելացի պայմանագրերի միացման գործընթացը ճիշտ է իրականացվում, այն հնարավորություն է տալիս նաև գումար վաստակել:

Վեբինարի երկրորդ մասում մասնակիցները թիմերի բաժանվեցին և քննարկում ծավալեցին: Այնուհետև ընտրվեցին լավագույն թիմերը, որոնք հետագայում հնարավորություն են ունենալու «Blocklab»-ի անդամ դառնալ:

Հաղթող թիմերի անդամները հնարավորություն կստանան երեք ամիս շարունակ աշխատելու լավագույն մասնագետների հետ, ստանալու մասնագիտական խորհրդատվություն և իրականացնելու իրենց թե՛բիզնես, թե՛ տեխնոլոգիական նպատակները։



Հաջողակ ստարտափերը մասնակցելու են «Մայքրոսոֆթ ինովացիոն» կենտրոնի կողմից իրականացվող «Դեմո Օր» ծրագրին:

Հանդիպում-վեբինարի վերջում կապ հաստատվեց նաև ընկերության նյույորքյան մասնաճյուղի ներկայացուցիչների հետ, որոնք փոխանցեցին խելացի պայմանագրերի մասին ունեցած իրենց տեղեկատվությունը և փորձը:

 

Անի Պողոսյան

Այլ նորություններ
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը:
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒ ՄՈՍԿՎԱՅԻ Մ. ԼՈՄՈՆՈՍՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ՄԱՍՆԱՃՅՈՒՂԻ ՄԻՋԵՎ
Երևանի պետական համալսարանի տնտեսագիտության և կառավարման ֆակուլտետի ու Մոսկվայի Մ. Լոմոնոսովի պետական համալսարանի Երևանի մասնաճյուղի միջև այսօր կնքվել է համագործակցության համաձայնագիր։