07.11.2018 | 
Հասարակություն
«ՅՈՒՐԱՔԱՆՉՅՈՒՐ ՄԱՐԴՈՒ ՀԱՋՈՂՈՒԹՅՈՒՆՆ ԻՐ ՄԵՋ է». ՄՈՒՇԵՂ ԱՎԵՏԻՍՅԱՆԸ ԽՈՍԵՑ ՀԱՋՈՂՈՒԹՅԱՆ ՀԱՍՆԵԼՈՒ ՄԱՍԻՆ
«ՅՈՒՐԱՔԱՆՉՅՈՒՐ ՄԱՐԴՈՒ ՀԱՋՈՂՈՒԹՅՈՒՆՆ ԻՐ ՄԵՋ է». ՄՈՒՇԵՂ ԱՎԵՏԻՍՅԱՆԸ ԽՈՍԵՑ ՀԱՋՈՂՈՒԹՅԱՆ ՀԱՍՆԵԼՈՒ ՄԱՍԻՆ
ԵՊՀ շրջանավարտների և կարիերայի կենտրոնի նախաձեռնությամբ այսօր ԵՊՀ Չարենցի անվան դահլիճում տեղի ունեցավ հանդիպում-քննարկում լայֆ և բիզնես քոուչ, գործարար Մուշեղ Ավետիսյանի հետ:

Մուշեղ Ավետիսյանը հանդիպման սկզբում պատմեց իր կյանքի փորձի, հաջողությունների և անհաջողությունների մասին` նշելով, որ կյանքում իր տեղը գտնելու հարցում իրեն օգնել է հայտնի գրող Ռոբերտ Կիոսակին։

Լսարանի հետ հարցուպատասխանի միջոցով նա վերհանեց մարդկանց ընկալումները կյանքի իմաստի, երջանկության և հաջողության մասին։

Մուշեղ Ավետիսյանը ներկայացրեց այն բնորոշիչները, որոնք օգնելու են հաջողության հասնելու գործում` նպատակի արժեքը, վերջնաժամկետը, իրատեսական լինելը, չափելիությունը։ Սրանք այն գործոններն են, որոնք թույլ են տալիս հասկանալու, թե ինչ ուղով է պետք գնալ, ինչպես է պետք ձևակերպել նպատակը, դրան հասնելու մարտավարությունը։

Մուշեղ Ավետիսյանը հանդիպման վերջում ամփոփեց ամենակարևորը՝ շեշտելով, որ յուրաքանչյուր մարդու հաջողությունն իր մեջ է:

ԵՊՀ շրջանավարտների և կարիերայի կենտրոնի փոխտնօրեն Կարինե Նազարյանը մեզ հետ զրույցում նշեց, որ կենտրոնը պարբերաբար իրականացնում է միջոցառումներ, որոնք նպաստում են ուսանողների և շրջանավարտների կարիերայի զարգացմանը:

«Մենք ունենք հրաշալի ակադեմիական գիտելիքներ ունեցող ուսանողներ և շրջանավարտներ, որոնք իրենց ներուժը չեն կարողանում օգտագործել, այդ իսկ պատճառով ոչ ֆորմալ կրթության ֆորմատով ոլորտային թրեյնինգները նպաստում են ունակությունների, հմտությունների բացահայտմանն ու զարգացմանը»,- նշեց Կարինե Նազարյանը:

Այլ նորություններ
«ՄԻ՛ ԸՆԿՐԿԵՔ ԴԺՎԱՐՈՒԹՅՈՒՆՆԵՐԻՑ, ՋԱՆՔ ԹԱՓԵՔ ՈՒ ԿՀԱՋՈՂԵՔ». ՈՒՍԱՆՈՂՆԵՐԻ ՀՅՈՒՐՆ ԱՐՓԻՆԵ ՀՈՎՀԱՆՆԻՍՅԱՆՆ ԷՐ
ԵՊՀ իրավագիտության ֆակուլտետի ՈՒԳԸ-ի կողմից կազմակերպվող «Հաջողության պատմություններ» հանդիպումների շարքի շրջանակում այսօր ուսանողների հարցերին պատասխանեց ԵՊՀ իրավագիտության ֆակուլտետի քաղաքացիական իրավունքի ամբիոնի դասախոս, իրավ. գիտ. թեկնածու, դոցենտ Արփինե Հովհաննիսյանը:
ՀՈՎՀԱՆՆԵՍ ԹՈՒՄԱՆՅԱՆԻ 150 ԵՎ ՎԱՀԱՆ ԹԵՔԵՅԱՆԻ 140-ԱՄՅԱԿՆԵՐԻՆ ՆՎԻՐՎԱԾ ԳՐԱԿԱՆ ԵՐԵԿՈ-ՀԱՆԴԻՍՈՒԹՅՈՒՆ՝ ԼՈՍ ԱՆՋԵԼԵՍԻ ՍՈՒՐԲ ՂԵՎՈՆԴՅԱՆՑ ԵԿԵՂԵՑՈՒՄ
«Նոր օր» շաբաթաթերթի հրավերով և ԱՄՆ-ի Արևմտյան թեմի առաջնորդ Տ. Հովնան արքեպիսկոպոս Տերետերյանի հովանավորությամբ մարտի 21-ին Լոս Անջելեսի սուրբ Ղևոնդյանց եկեղեցում տեղի ունեցավ Հովհաննես Թումանյանի 150 և Վահան Թեքեյանի 140-ամյակներին նվիրված գրական երեկո-հանդիսություն: