03.05.2019 | 
Քաղաքականություն
ՍԱՐԱՏՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՎ ԵՊՀ-Ի ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎՈՒՄ Է
ՍԱՐԱՏՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՎ ԵՊՀ-Ի ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎՈՒՄ Է
ԵՊՀ ռեկտոր Արամ Սիմոնյանն այսօր հյուրընկալեց Ն. Գ. Չերնիշևսկու անվան Սարատովի պետական համալսարանի ռեկտոր Ալեքսեյ Չումաչենկոյին:

Հանդիպմանը ներկա էր Միջազգային համագործակցության վարչության պետ Ալեքսանդր Մարգարովը:

 

Երևանի պետական համալսարանը պայմանագրեր և համաձայնագրեր ունի աշխարհի շուրջ 50 երկրների 200 համալսարանների, հաստատությունների և միջազգային կազմակերպությունների հետ:

 

Շնորհիվ այդ համագործակցությունների՝ իրականացվում են համալսարանի դասախոսների և ուսանողների փոխանակման ծրագրերի կազմակերպում, գիտական և ուսումնական համատեղ միջոցառումների, սեմինարների, աշխատանքային հանդիպումների, գիտաժողովների և գիտակրթական ցուցահանդեսների անցկացում, գրականության փոխանակում:



Հանդիպման ընթացքում կողմերն անդրադարձան համալսարանների գործունեությանը, խոսեցին կրթության ոլորտում առկա խնդիրների մասին:

 

ԵՊՀ ռեկտոր Ա. Սիմոնյանը հյուրին ներկայացրեց ԵՊՀ Ճշգրիտ  և բնագիտամաթեմատիկական ուղղվածությամբ ֆակուլտետների պատմությունը, գործունեությունը, ձեռքբերումները, ինչպես նաև ընդգծեց համալսարանում առկա խնդիրները:

 

Սարատովի պետական համալսարանի ռեկտոր Ալեքսեյ Չումաչենկոն կարևորեց համալսարանների միջև դասախոսների և ուսանողների փոխանակման ծրագրերի կազմակերպումը և նշեց, որ համագործակցությունը զարգացնելը հույժ կարևոր և առաջնային է:

Տեղեկացնենք, որ ԵՊՀ-ի և Ն. Գ. Չերնիշեվսկու անվան Սարատովի պետական համալսարանի միջև կնքված պայմանագրի արդյունքում վերոնշյալ համալսարանից ԵՊՀ-ում սովորում է 9 ուսանող:


Անգին Խաչատրյան

Այլ նորություններ
ԵՊՀ-Ն ՌԱԶՄԱՎԱՐԱԿԱՆ ԳՈՐԾԸՆԿԵՐՈՒԹՅԱՆ ԵՎ ԵՐԿԱՐԱԺԱՄԿԵՏ ՀԱՄԱԳՈՐԾԱԿՑՈՒԹՅԱՆ ՆՈՐ ՀՈՒՇԱԳԻՐ Է ԿՆՔԵԼ
ԵՊՀ հումանիտար և հասարակագիտական մասնագիտությունների գծով պրոռեկտոր Էլինա Ասրիյանը և ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանը նոյեմբերի 29-ին ստորագրել են երկու կառույցների միջև համագործակցության հաստատման հուշագիր:
ՆՈՐ ՄՐՑՈՒՅԹ ԵՊՀ ԴԱՍԱԽՈՍՆԵՐԻ ՀԱՄԱՐ. ՀԱՂԹՈՂՆԵՐԻՆ ՊԱՐԳԵՎԱՏՐԵԼՈՒՑ ՀԵՏՈ ԵՊՀ-Ն ՆԵՐԿԱՅԱՆԱԼՈՒ Է ՆՐԱՆՑ ԴԱՍԱԽՈՍՈՒԹՅՈՒՆՆԵՐՈՎ
ԵՊՀ-ում նախատեսվում է կազմակերպել և անցկացնել «ԵՊՀ-ում դասավանդման գերազանցության մրցանակ» խորագրով ամենամյա մրցույթ, որի նպատակի, ինչպես նաև կազմակերպման և անցկացման կարգի վերաբերյալ զրուցել ենք ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանի հետ: