13.05.2022 | 
Կրթություն
ՍԵՐՎԻՍԻ ՈԼՈՐՏԻ ՆԵՐԿԱՅԱՑՈՒՑԻՉՆԵՐԸ ԿԻՍՎԵՑԻՆ ՀԱՋՈՂՈՒԹՅԱՆ ՊԱՏՄՈՒԹՅՈՒՆՆԵՐՈՎ
ՍԵՐՎԻՍԻ ՈԼՈՐՏԻ ՆԵՐԿԱՅԱՑՈՒՑԻՉՆԵՐԸ ԿԻՍՎԵՑԻՆ ՀԱՋՈՂՈՒԹՅԱՆ ՊԱՏՄՈՒԹՅՈՒՆՆԵՐՈՎ
Այսօր ԵՊՀ ֆիզիկայի ֆակուլտետի կոնֆերենց դահլիճում տեղի ունեցավ տեղեկատվական հանդիպում, որի ընթացքում սերվիսի ոլորտի հայտնի ներկայացուցիչներն ուսանողների հետ կիսվեցին իրենց հաջողության պատմություններով:

ԵՊՀ աշխարհագրության և երկրաբանության ֆակուլտետի ՈՒԳԸ-ն կազմակերպել էր հանդիպում «One way» ընկերության «One talk» նախաձեռնության շրջանակում: Հանդիպման ընթացքում բանախոսները ներկայացրին իրենց հաջողության պատմությունը՝ ուսանողներին տալով մասնագիտական խորհուրդներ: Խոսելով բիզնեսում հաջողության հասնելու մասին՝ նորաձևության մարքեթինգի մասնագետ, բիզնեսի մարզիչ Աննա Սալոմեն նշեց. «Բիզնեսում պետք է վստահել ներքին ձայնին, այլ ոչ թե բարեկամներին»:

 

 

Բանախոս Արմեն Ղազարյանը ներկայացրեց,  թե ինչպես պետք է գիտելիքը վերածել աշխատանքի և գործել հանուն ինչ-որ արդյունքի, որը ոչ միայն սեփական շահն է հետապնդում, այլև համայնքի ու պետության:

 

 

Խոսելով հանդիպման կարևորությունից՝ ֆակուլտետի ՈՒԳԸ նախագահ Մարիամ Տաշյանը նշեց. «Այսպիսի հանդիպումները բարձրացնում են ուսանողների՝ տուրիզմի վերաբերյալ իրազեկվածության մակարդակը: Բանախոսները ոլորտի առաջատարներից են՝ «One way» զբոսաշրջային կազմակերպության ներկայացուցիչները, և սա ուսանողների համար նրանց հետ ծանոթանալու, նրանց աշխատանքի ու հաջողությունների մասին իմանալու, ինչո՞ւ ոչ, նաև նրանց թիմի անդամ դառնալու հնարավորություն է»:

 

 

ԵՊՀ սերվիսի ամբիոնի վարիչ Սեյրան Սուվարյանը, խոսելով մասնագիտության արդիականության ու աշխատաշուկայում մեծ պահանջարկի մասին, նշեց. «Տուրիզմ ասելով՝ շատերը հասկանում են ընդամենը ձեռներեցություն, սակայն մեր ֆակուլտետում այն դրվում է գիտամեթոդական տեսության հիմքերի վրա: Տուրիզմը հաճախ դիտարկվում է պրակտիկ տեսանկյունից, սակայն այս ոլորտի մեթոդաբանությունը, դրա ընդլայնումն ու զարգացումը ենթադրում են ավելի խորը և նեղ մասնագիտական գիտելիքներ:

 

 

Մագիստրոսական թեզի շրջանակում արված հետազոտության արդյունքները ցույց տվեցին, որ ֆակուլտետն ավարտածների մոտ 75%-ն աշխատում է իր մասնագիտությամբ: Այսօր շուկան է թելադրում՝ ինչպիսի մասնագետներ պատրաստես, բայց Մայր բուհը, ճիշտ է, մի կողմից «ենթարկվում է» շուկային, սակայն մյուս կողմից էլ նա ինքն է «սովորեցնում» շուկային»:

Այլ նորություններ
«ԼԱՎԱԳՈՒՅՆ ՈՒՍԱՆՈՂԻ ԿՈՉՈՒՄԸ ՊԱՐՏԱՎՈՐԵՑՆՈՂ Է ԵՎ ՉԱՓԱԶԱՆՑ ՊԱՏԱՍԽԱՆԱՏՈՒ». ԳՐԵՏԱ ԳԱՍՊԱՐՅԱՆ
ԵՊՀ պատմության ֆակուլտետի ուսանող Գրետա Գասպարյանը մագիստրոսի կրթական ծրագրով «Լավագույն ուսանող» հանրապետական մրցույթի՝ մշակույթ-սպորտ ոլորտի 3-րդ տեղի մրցանակակիր է։ Գրետայի հետ զրուցել ենք մասնագիտության ընտրության, մրցույթին մասնակցելու որոշման, ուսանողական ակտիվ կյանքի և ապագայի պլանների մասին։
ՄԵՏԱՂ ՊԱՐՈՒՆԱԿՈՂ ՄԻԱՑՈՒԹՅՈՒՆՆԵՐԻ ԱԶԴԵՑՈՒԹՅՈՒՆԸ ԴՆԹ-Ի ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐԻ ՎՐԱ ԷԼԵԿՐՈՆԱՅԻՆ ՓՆՋՈՎ ՃԱՌԱԳԱՅԹԱՀԱՐՄԱՆ ԴԵՊՔՈՒՄ. ԳԻՏԱԿԱՆ ԹԵՄԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Մետաղ պարունակող միացությունների ազդեցությունը ԴՆԹ-ի կառուցվածքային փոփոխությունների վրա էլեկտրոնային փնջով ճառագայթահարման դեպքում» գիտական թեման: Այն ներկայացրել է ԵՊՀ ֆիզիկայի ֆակուլտետի՝ մոլեկուլային ֆիզիկայի ամբիոնը: Թեմայի մասին զրուցել ենք աշխատանքային խմբի ղեկավար, ֆիզմաթ. գիտ. թեկն․ Լուսինե Ալոյանի հետ: