31.03.2021 | 
Հասարակություն
ԵՊՀ-Ն ՀՐԱՎԻՐՈՒՄ Է ՄԱՍՆԱԿՑԵԼՈՒ ՀՈՒՇԱՐՁԱՆԻ ՃԱՐՏԱՐԱՊԵՏԱԿԱՆ ԲԱՑ ՄՐՑՈՒՅԹԻ
ԵՊՀ-Ն ՀՐԱՎԻՐՈՒՄ Է ՄԱՍՆԱԿՑԵԼՈՒ ՀՈՒՇԱՐՁԱՆԻ ՃԱՐՏԱՐԱՊԵՏԱԿԱՆ ԲԱՑ ՄՐՑՈՒՅԹԻ
ԵՊՀ-ն հայտարարում է 2020 թ. սեպտեմբերի 27-ին Ադրբեջանի կողմից Արցախի Հանրապետության դեմ սանձազերծված պատերազմին մասնակցած և հայրենիքի համար իրենց կյանքը զոհաբերած ԵՊՀ ուսանողների ու աշխատակիցների հիշատակը հավերժացնող հուշարձանի (հուշահամալիրի) էսքիզային առաջարկի բաց մրցույթ:

Մրցույթը նպատակ ունի ընտրելու կառուցման համար լավագույն նախագծային առաջարկությունը: Այն բաց է հետաքրքրված բոլոր անհատների, խմբերի և կազմակերպությունների համար՝ առանց որևէ սահմանափակման:

 

Մրցույթին ներկայացվող էսքիզային առաջարկը պետք է պարունակի կառուցվող հուշահամալիրի նախագծային և կառուցման ընդհանուր արժեքի, կառուցման ժամանակացույցի, ինչպես նաև նյութի տեսակի, գույնի, չափերի վերաբերյալ տեղեկություն:

 

Մրցույթին ներկայացված փաթեթները քննարկվելու և գնահատվելու են հանձնաժողովի փակ նիստում հայտերի ներկայացման ավարտից հետո 10-օրյա ժամկետում՝ պահպանելով մասնակիցների գաղտնիությունը:

 

Ներկայացված բոլոր նախագծերը, ներառյալ հանձնաժողովի կողմից չընդունվածները, ցուցադրվելու են մեկ շաբաթ՝ մրցույթի արդյունքներն ամփոփելուց առաջ և ևս մեկ շաբաթ՝ մրցույթի հաղթողներին հայտարարելուց հետո:

 

Մրցույթի գլխավոր մրցանակին արժանացած էսքիզային նախագիծը հիմք է ընդունվելու կառույցի իրականացման համար: Հեղինակի հետ կնքվելու է համապատասխան պայմանագիր:

 

Տեղեկացնենք, որ մրցույթի մրցանակային ֆոնդը կազմում է 1.000.000 ՀՀ դրամ, որից գլխավոր մրցանակը կազմում է 500.000 ՀՀ դրամ, երկրորդ մրցանակը՝ 300.000 ՀՀ դրամ, երրորդ մրցանակը՝ 200.000 ՀՀ դրամ:

 

Հուշահամալիրի էսքիզային առաջարկների ներկայացման վերջնաժամկետը 2021 թապրիլի 30-ն է։ Էսքիզային առաջարկներն անհրաժեշտ է ներկայացնել Երևանի պետական համալսարանի կենտրոնական մասնաշենքի (ք. Երևան, Ալեք Մանուկյան 1) 507 սենյակ կամ ուղարկել monument@ysu.am էլ. փոստին:

 

Մրցույթին մասնակցելու պահանջների և կանոնների մասին մանրամասն կարող եք ծանոթանալ այստեղ:

 

Պատրաստեց Քնար Միսակյանը  

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը: