06.10.2017 | 
Գիտություն
«ՄԻԳՐԱՑԻԱՆ ԱՅՍՕՐ ՇԱՏ ԱԿՏՈՒԱԼ Է ԻՆՉՊԵՍ ՀԱՅԱՍՏԱՆԻ, ԱՅՆՊԵՍ ԷԼ ԵՎՐՈՊԱՅԻ ՀԱՄԱՐ»
«ՄԻԳՐԱՑԻԱՆ ԱՅՍՕՐ ՇԱՏ ԱԿՏՈՒԱԼ Է ԻՆՉՊԵՍ ՀԱՅԱՍՏԱՆԻ, ԱՅՆՊԵՍ ԷԼ ԵՎՐՈՊԱՅԻ ՀԱՄԱՐ»
Այսօր ԵՊՀ-ում մեկնարկեց «Միգրացիա, ինքնություն, մուլտիկուլտուրալիզմ» խորագրով միջազգային երկօրյա գիտաժողովը:

Ամենամյա միջազգային գիտաժողովը կազմակերպվել է ԵՊՀ սոցիոլոգիայի ֆակուլտետի կողմից և նպատակն է գտնել սոցիոլոգիական ժամանակակից կարևոր հարցերի պատասխաններ:

 

Գիտաժողովի բացման արարողության ժամանակ ֆակուլտետի դեկան Արթուր Մկրտիչյանը, ողջունելով հյուրերին և մասնակիցներին, հույս հայտնեց, որ կարևոր հիմնախնդիրներին նվիրված գիտաժողովը արդյունավետ կանցնի. «Արդյունավետ համագործակցություն եմ ցանկանում և հուսով եմ՝ վերջնական արդյունքը կգոհացնի բոլորիս»:

 

ԵՊՀ սոցիոլոգիայի ֆակուլտետի կիրառական սոցիոլոգիայի ամբիոնի վարիչ, գիտաժողովի գլխավոր կազմակերպիչ Արթուր Աթանեսյանը նույնպես ողջունեց և հաջողություն մաղթեց գիտաժողովի մասնակիցներին և նշեց, որ ըստ զեկուցման թեմաների՝ գիտաժողովը կանցկացվի 4 բաժանմունքներում. «Այսօր աշխատանքները կշարունակվեն «Միգրացիան և միջմշակութային հաղորդակցությունը» և «Ժամանակակից միգրացիոն գործընթացները և միգրացիոն քաղաքականության հիմնախնդիրները», իսկ գիտաժողովի երկրորդ օրը՝ «Միգրացիա, ինքնություն և առօրեականություն» ու «Միգրացիա, տարածաշրջանային քաղաքականություն և անվտանգություն» բաժանմունքներում»:

 

 

Մեզ հետ զրույցում Արթուր Աթանեսյանը փաստեց, որ գիտաժողովի խորագիրը և թեմատիկան պատահական չեն ընտրվել. «Միգրացիան այսօր շատ ակտուալ է ինչպես Հայաստանի, այնպես էլ Եվրոպայի համար, իսկ այդ միգրացիոն գործընթացների հետևանքով փոխվում է ինքնությունը, որը սոցիոլոգիայի բուն հիմնախնդիրներից մեկն է, և մուլտիկուլտուրալիզմը (տարբեր մշակույթների ներկայացուցիչների համակեցությունը, բախումը և այլն)»:

 

Արթուր Աթանեսյանը հավելեց նաև, որ գիտաժողովին մասնակցում են հիմնականում ֆակուլտետի գործընկեր համալսարանների ներկայացուցիչները. «Մասնակցում են Ռուսաստանի ավելի քան տասը բուհերի ներկայացուցիչներ, մասնակիցներ են ներգրավված նաև Գերմանիայից, Վրաստանից և, իհարկե, Հայաստանից, որոնց մեծ մասը ԵՊՀ սոցիոլոգիայի ֆակուլտետի մասնագետներն են: Զեկուցումներով հանդես են գալու նաև ՀՀ նախագահի աշխատակազմի աշխատակից-վերլուծաբաններ, ԱԱԾ մասնագետ և ՀՀ ՊՆ ներկայացուցիչ»:

 

Գիտաժողովում ներկայացված զեկուցումները հոդվածների տեսքով կտպագրվեն ՀՀ ԲՈՀ-ի կողմից հաստատված գիտական ամսագրերում:

 

Տեղեկացնենք, որ միջազգային գիտաժողովը կամփոփվի վաղը:

Այլ նորություններ
ԵՊՀ ՊՐՈՖԵՍՈՐԸ ՄԻՋԱԶԳԱՅԻՆ ԳԻՏԱԿԱՆ  ԱՍՈՑԻԱՑԻԱՅԻ ԿՈՂՄԻՑ ՊԱՐԳԵՎԱՏՐՎԵԼ Է ՈՍԿԵ ՄԵԴԱԼՈՎ
ԵՊՀ ռադիոֆիզիկայի կիսահաղորդիչների ֆիզիկայի և միկրոէլեկտրոնիկայի ամբիոնի վարիչ, ֆիզմաթ. գիտ. դոկտոր, պրոֆեսոր, ՀՀ ազգային, ՀՀ ինժեներական և Միջազգային ճարտարագիտական ակադեմիաների ակադեմիկոս Վլադիմիր Հարությունյանին շնորհվել է «FOR USEFUL LABOUR» ոսկե մեդալ:
«ՓՈՐՁՈՒՄ ԵՆՔ ՎԵՐԱԿԱՆԳՆԵԼ ՀԻՆ ԱՇԽԱՐՀԻ ՆԵՐԿԱՅԱՑՈՒՑԻՉՆԵՐԻՆ». ՀԱՐՑԱԶՐՈՒՅՑ ԿԵՆՍԱԲԱՆ ՆԵԼԼԻ ՀՈՎՀԱՆՆԻՍՅԱՆԻ ՀԵՏ
Ցորենի առանձին տեսակների հայրենիքը Հայկական լեռնաշխարհն է։ Հնագիտական պեղումներով ժամանակին հայտնաբերվել են ցորենի ածխացած հատիկներ, և պարզվել է, որ 2,5 հազար տարի առաջ Արարատյան դաշտում մշակել են միահատիկ ու փափուկ ցորեններ։ Հայաստանի տարածքում գարու մշակությունը սկսվել է 5-6 հազար տարի առաջ։ Պեղումների ժամանակ հայտնաբերված հատիկների մաքրությունը և միատարրությունը վկայում են, որ մ.թ.ա. 9-6-րդ դարերում մշակել են բազմաշար գարու բարձրարժեք փոփոխակներ, որոնցից պատրաստել են գարեջուր։