25.12.2018 | 
Կրթություն
«ERASMUS+ PRINTeL»-Ը ՆՊԱՍՏՈՒՄ Է ԿՐԹՈՒԹՅԱՆ ՈԼՈՐՏՈՒՄ ՆՈՐԱՐԱՐԱԿԱՆ ՍԿԶԲՈՒՆՔՆԵՐԻ ՆԵՐԴՐՄԱՆԸ
«ERASMUS+ PRINTeL»-Ը ՆՊԱՍՏՈՒՄ Է ԿՐԹՈՒԹՅԱՆ ՈԼՈՐՏՈՒՄ ՆՈՐԱՐԱՐԱԿԱՆ ՍԿԶԲՈՒՆՔՆԵՐԻ ՆԵՐԴՐՄԱՆԸ
ԵՊՀ եվրոպական ուսումնասիրությունների կենտրոնում այսօր տեղի ունեցավ «ERASMUS+ PRINTeL» նախագծի մշտադիտարկում։

Մշտադիտարկմանը ներկա էին Որակի ապահովման կենտրոնի տնօրեն Արմեն Բուդաղյանը, կենտրոնի առաջատար մասնագետ Մարի Սանթուրջյանը, «ERASMUS+» ծրագրի համակարգողներ Լանա Կառլովան և Էդիթ Սողոմունյանը, ՀՀ բուհերի ներկայացուցիչներ և պատվիրակներ եվրոպական տարբեր կազմակերպություններից։

 

Միջոցառման սկզբում ողջունի խոսքով հանդես եկավ «ERASMUS+» ծրագրի համակարգող Լանա Կառլովան։ Նա հակիրճ ներկայացրեց ծրագիրը և գոհունակությամբ փաստեց, որ այս այն արդարացնում է սպասելիքները։

 

«Եվրամիությունը ձեզ հնարավորություն է տալիս համագործակցելու եվրոպացիների, վրացիների ու բելառուսների հետ։ Այդօրինակ համագործակցությունները նպաստում են կրթության ոլորտում նորարարական սկզբունքների ներդրմանը», - ասաց Լանա Կառլովան:

Հանդիպման ընթացքում ԵՊՀ որակի ապահովման կենտրոնի տնօրեն Արմեն Բուդաղյանը խոսեց «ERASMUS+» ծրագրի մեթոդների և գրանցած արդյունքների մասին։ Նա ասաց, որ իրենց նպատակն է խթանել դասախոսների և ուսանողների վիրտուալ շարժունությունը, դրանով նպաստել նրանց համագործակցությանը տարբեր բուհերի հետ, տարբեր երկրներում բարելավել բարձրագույն կրթության համակարգը:

 

«Մեր առջև 4 հիմնական խնդիր է դրված. դասախոսների վերապատրաստման կենտրոնների հզորացում, դասախոսների նորարարական մեթոդներով դասավանդման կարողությունների զարգացում, վիրտուալ դասավանդման և ուսումնառության ակադեմիայի ստեղծում, նորարարական դասավանդման պրակտիկայի խթանում և լավագույն փորձի տարածում»,- հավելեց պարոն Բուդաղյանը։

 

«ERASMUS+ PRINTeL» նախագծի մշտադիտարկման ժամանակ ելույթ ունեցան ու իրենց գրանցած արդյունքների մասին խոսեցին Երևանի պետական համալսարանի, ինչպես նաև Հայաստանի պետական ճարտարագիտական և Վանաձորի պետական

համալսարանների դասախոսները։

 

Մարինե Առաքելյան

Այլ նորություններ
«ՆՈՐ ՄՈՏԵՑՈՒՄՆԵՐ ՈՉ ՍՊԻՏԱԿՈՒՑԱՅԻՆ ԱՄԻՆԱԹԹՈՒՆԵՐԻ ԱՍԻՄԵՏՐԻԿ ՍԻՆԹԵԶՈՒՄ». ԴԱՍԱԽՈՍՈՒԹՅՈՒՆ ԵՊՀ-ՈՒՄ
Ֆարմացիայի ինստիտուտի և Քիմիայի ֆակուլտետի ուսանողների համար այսօր դասախոսությամբ հանդես եկավ Ռուսաստանի Ա.Նեսմեյանովի անվան էլեմենտօրգանական միացությունների ինստիտուտի ասիմետրիկ կատալիզի լաբորատորիայի ավագ գիտաշխատող, քիմ. գիտ. թեկնածու Վլադիմիր Լարիոնովը:
ԱՇԱԿԵՐՏՆԵՐԻ ԱՅՑԵՐԸ ԵՊՀ ՕԳՆՈՒՄ ԵՆ ՏԵՍԱԿԱՆ ԳԻՏԵԼԻՔՆԵՐՆ ԱՄՐԱՊՆԴԵԼ ՏԱՐԲԵՐ ԼԱԲՈՐԱՏՈՐ ՓՈՐՁԵՐՈՎ
ԵՊՀ ֆիզիկայի ֆակուլտետն այսօր հյուրընկալել էր Երևանի թիվ 148, 29 և 16 ավագ դպրոցների աշակերտներին: