04.10.2019 | 
Ուսանողական
ՄԵԿՆԱՐԿԵԼ Է ՉՈՐՐՈՐԴ ՄԻՋԲՈՒՀԱԿԱՆ ԴԱՏԱԽԱՂԻ ԲԱՆԱՎՈՐ ՓՈՒԼԸ
ՄԵԿՆԱՐԿԵԼ Է ՉՈՐՐՈՐԴ ՄԻՋԲՈՒՀԱԿԱՆ ԴԱՏԱԽԱՂԻ ԲԱՆԱՎՈՐ ՓՈՒԼԸ
Այսօր մեկնարկել է ԵՊՀ իրավագիտության ֆակուլտետի և Միջազգային իրավական համագործակցության գերմանական (IRZ) հիմնադրամի կազմակերպած չորրորդ միջբուհական դատախաղի բանավոր փուլը:

Դատախաղի բանավոր փուլ են անցել Երևանի պետական համալսարանի «ԵՊՀ-1», «ԵՊՀ-2», Գավառի պետական համալսարանի «Աժդահակ», Արցախի պետական համալսարանի «Արցախ» և ՀՀ ոստիկանության կրթահամալիրի «Օրենքի պատվար» ու «Ֆեմիդա» թիմերը:



Դատախաղի ժյուրիի կազմում էին Գերմանիայի Դաշնային Հանրապետությունում հայտնի փաստաբան և նոտար Էրիխ Յոսթերը, ՀՀ վերաքննիչ քրեական դատարանի նախագահ Վազգեն Ռշտունին, ՀՀ վերաքննիչ քրեական դատարանի դատավոր Մխիթար Պապոյանը, ՀՀ գլխավոր դատախազության ՀԿԳ քննության հսկողության վարչության պետ Արսեն Մարտիրոսյանը և փաստաբան Արմինե Ֆանյանը:



Թիմերը մրցելու են և՛ որպես պաշտպանական կողմ, և՛ որպես մեղադրական կողմ, իսկ հոկտեմբերի 6-ին տեղի է ունենալու եզրափակիչ փուլը: 

Այլ նորություններ
«Ի՞ՆՉ, ՈՐՏԵ՞Ղ, Ե՞ՐԲ». ՊԱՏԱՍԽԱՆՈՒՄ ԵՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ
ԵՊՀ Պալեանների անվան դահլիճում այսօր Իրավագիտության ֆակուլտետի ՈՒԽ-ի նախաձեռնությամբ անցկացվել է «Ի՞նչ, որտե՞ղ, ե՞րբ» ներֆակուլտետային ինտելեկտուալ խաղ-մրցույթը:
ԵՊՀ ՀԱՎԱՔԱԿԱՆԸ ՄԱՍՆԱԿՑԵԼ Է ԹԻԱՎԱՐՈՒԹՅԱՆ ՄԻՋԲՈՒՀԱԿԱՆ ԱՌԱՋՆՈՒԹՅԱՆԸ
Հանրապետության ուսանողական 22-րդ մարզական խաղերի ծրագրով հոկտեմբերի 5-ին Երևանյան լճի տարածքում գտնվող ջրային մարզաձևերի մարզակայանում անցկացվեց «Դրակոնբոութ» (թիավարական մակույկներ) և «Կոնցեպտ» (վարժասարքեր) մարզաձևերի բուհական առաջնությունը, որի մասնակցել են 8 բուհերի հավաքականներ: