23.05.2019 | 
Կրթություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԺՆԵՎՈՒՄ ՄԱՍՆԱԿՑԵԼՈՒ ԵՆ ՀԵՂԻՆԱԿԱՎՈՐ ԴԱՏԱԽԱՂ-ՄՐՑՈՒՅԹԻ ԲԱՆԱՎՈՐ ՓՈՒԼԻՆ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԺՆԵՎՈՒՄ ՄԱՍՆԱԿՑԵԼՈՒ ԵՆ ՀԵՂԻՆԱԿԱՎՈՐ ԴԱՏԱԽԱՂ-ՄՐՑՈՒՅԹԻ ԲԱՆԱՎՈՐ ՓՈՒԼԻՆ
ԵՊՀ իրավագիտության ֆակուլտետի թիմը մասնակցել է Նելսոն Մանդելայի անվան մարդու իրավունքների համաշխարհային դատախաղ-մրցույթի գրավոր փուլին, գրանցել լավ արդյունքներ և հնարավորություն ստացել 2019 թ. հուլիսի 15-20-ը Ժնևում մասնակցելու մրցույթի բանավոր փուլին:

Նելսոն Մանդելայի անվան մարդու իրավունքների համաշխարհային դատախաղ-մրցույթը կազմակերպվում է Մարդու իրավունքների կենտրոնի և ՄԱԿ-ի մարդու իրավունքների գերագույն հանձնակատարի կողմից Մարդու իրավունքների «Գլոբալ Կամպուսի» միջազգային կազմակերպության հետ համագործակցության շրջանակում:

 

Դատախաղ-մրցույթը բաղկացած է երկու փուլից. առաջին փուլը ենթադրում է կողմերի դիրքորոշումների գրավոր ներկայացում, իսկ երկրորդ փուլում թիմերը մասնակցում են բանավոր փուլին և ներկայացնում իրենց դիրքորոշումները:

 

Այս տարի դատախաղ-մրցույթին մասնակցության հայտ էր ներկայացրել ավելի քան 150 համալսարանների թիմեր, որոնց թվում՝ այնպիսի հեղինակավոր համալսարաններից, ինչպիսիք են Մեծ Բրիտանիայի Օքսֆորդի համալսարանը և Ամերիկայի Միացյալ Նահանգների Յելի համալսարանը:

 

ԵՊՀ թիմն առաջին փուլի արդյունքներով հայտնվել է աշխարհի 48 լավագույն թիմերի շարքում և հնարավորություն ստացել 2019 թ. հուլիսի 15-20-ը Ժնևում մասնակցելու բանավոր փուլին:

 

ԵՊՀ թիմը ներկայացնում են ԵՊՀ իրավագիտության ֆակուլտետի 3-րդ կուրսի ուսանողներ Դավիթ Ղարիբյանը և Դիանա Քառյանը: Թիմի մարզիչն է ԵՊՀ իրավագիտության ֆակուլտետի սահմանադրական ամբիոնի ասպիրանտ Սոսե Բարսեղյանը:

 

Ի դեպ, այս տարի դատախաղ-մրցույթի գործում ներառված են արդիական բազմաթիվ հիմնախնդիրներ, մասնավորապես արհեստական ինտելեկտի օգտագործումը քրեական դատավարության շրջանակում, զենք կրելու իրավունքը, անձնական տվյալների պաշտպանություն և այլն:

 

 

Պատրաստեց Քնար Միսակյանը

 

Այլ նորություններ
ՎԻՐՏՈՒԱԼ ՇՐՋԱՅՑ ՀԱՅԱՍՏԱՆԻ ՊԱՏՄՈՒԹՅԱՆ ԹԱՆԳԱՐԱՆՈՒՄ
ԵՊՀ պատմության ֆակուլտետի ուսանողական գիտական ընկերության և Հայաստանի պատմության թանգարանի համատեղ նախաձեռնությամբ օգոստոսի 3-ին տեղի ունեցավ վիրտուալ շրջայց Հայաստանի պատմության թանգարանում։ Էքսկուրսիան անցկացրեց թանգարանի էքսկուրսիոն բաժնի վարիչ Լիլիթ Հովհաննիսյանը:
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում: