24.11.2020 | 
Հասարակություն
ԳԻՏԱԿԱՆ ՆՈՐ ՀՈԴՎԱԾՆԵՐԸ՝ ԱՐԴԵՆ ՏՊԱԳԻՐ․ ԼՈՒՅՍ ԵՆ ՏԵՍԵԼ ԵՊՀ ՈՒԳԸ ԳԻՏԱԿԱՆ ՀՈԴՎԱԾՆԵՐԻ ԺՈՂՈՎԱԾՈՒԻ ՆՈՐ ՀԱՏՈՐՆԵՐԸ
ԳԻՏԱԿԱՆ ՆՈՐ ՀՈԴՎԱԾՆԵՐԸ՝ ԱՐԴԵՆ ՏՊԱԳԻՐ․ ԼՈՒՅՍ ԵՆ ՏԵՍԵԼ ԵՊՀ ՈՒԳԸ ԳԻՏԱԿԱՆ ՀՈԴՎԱԾՆԵՐԻ ԺՈՂՈՎԱԾՈՒԻ ՆՈՐ ՀԱՏՈՐՆԵՐԸ
Լույս են տեսել «ԵՊՀ ՈՒԳԸ գիտական հոդվածների ժողովածու» երիտասարդական գիտական պարբերականի Բնական և ֆիզիկամաթեմատիկական գիտությունների 1.1 (31), Հումանիտար և հասարակական գիտությունների 1.2 (32) համարները։

Մեզ հետ զրույցում ԵՊՀ ՈՒԳԸ նախագահ Մերի Փանոսյանը տեղեկացրեց, որ պարբերականի երկու հատորների էջերում տեղ են գտել 60 հոդվածներ, որոնք ընտրվել են գիտական ամենամյա նստաշրջանում հնչած գրեթե 430 զեկուցումներից: Նրա խոսքով, տպագրված բոլոր հոդվածներն անցել են մասնագիտական գրախոսության փուլ, իսկ հետո արդեն երաշխավորվել տպագրության:

 

Մերի Փանոսյանը փաստեց, որ ժողովածուում տեղ գտած հոդվածների հեղինակների 78 %-ն իգական սեռի ներկայացուցիչ է, 22 %-ը՝ արական,  75% տոկոսը ԵՊՀ-ից է, 12 %-ը՝ արտասահմանյան բուհերից, իսկ 13 %-ը՝ Հայաստանում գործող այլ բուհերից: Նրա տեղեկացմամբ, հոդվածների 82 %-ը հայերեն է, 14 %-ը՝ ռուսերեն, իսկ 4 %-ը՝ անգլերեն:

 

ՈՒԳԸ նախագահը մեզ հետ զրույցում ասաց նաև, որ երկրում ստեղծված իրավիճակով պայմանավորված՝ ՈՒԳԸ ԳԽ-ն որոշել է, որ լույս տեսած նոր համարների շնորհանդես տեղի չի ունենա, սակայն կսահմանվի ժամանակացույց, որով ԵՊՀ ֆակուլտետները հոդվածագիրներին կտրամադրեն ժողովածուի իրենց օրինակները. «Բացի դրանից՝ մենք որոշեցինք հետաձգել նաև լուսաբանումը, քանի որ նպատակահարմար չգտանք մեր երկրի համար  դժվարին ժամանակահատվածում անդրադառնալ այս միջոցառմանը»:

 

Ի դեպ, տպագրված հոդվածները հասանելի են նաև ԵՊՀ կայքում:

 

Քնար Միսակյան

Այլ նորություններ
«ՊԱՏՄՈՒԹՅՈՒՆԸ ՊԵՏՔ Է ՄՆԱ ՍԵՐՈՒՆԴՆԵՐԻՆ». ՀԱՆՐԱԳԻՏԱՐԱՆ՝ ՆՎԻՐՎԱԾ ԱՐՑԱԽՅԱՆ ԵՐԿՐՈՐԴ ՊԱՏԵՐԱԶՄԻ ԶՈՀԵՐԻՆ
Երևանի պետական համալսարանի պատմության ֆակուլտետի դեկան Էդիկ Մինասյանը նախաձեռնել է Արցախյան երկրորդ պատերազմում զոհվածների մասին «Հերոսապատում» հանրագիտարանային շարքի ստեղծումը։ Աշխատության մեջ ներկայացվելու են պատերազմի մասնակիցների կատարած սխրանքները, կենսագրությունը, լուսանկարները, նրանց մասին հուշերն ու պատմությունները։
«ԵՊՀ-Ն ԿՐԹՈՒԹՅԱՆ ԵՎ ԳԻՏՈՒԹՅԱՆ ԼՈԿՈՄՈՏԻՎՆ Է». ԿԳՄՍ ՆԱԽԱՐԱՐԸ ՊԱՏԱՍԽԱՆԵԼ Է ՀԱՄԱԼՍԱՐԱՆԱԿԱՆՆԵՐԻ ՀԱՐՑԵՐԻՆ
ՀՀ ԿԳՄՍ նախարար Վահրամ Դումանյանն այսօր այցելել էր ԵՊՀ: Նախարարը հարազատ բուհ էր եկել պրոֆեսոր Արմեն Թռչունյանին հայրենիքին մատուցած ծառայությունների համար հետմահու 1-ին աստիճանի մեդալով պարգևատրելու համար: