19.01.2018 | 
Ուսանողական
ԵՊՀ ՈՒՍԱՆՈՂԱԿԱՆ ԽՈՐՀՈՒՐԴԸ ՆՈՐ ՆԱԽԱԳԱՀ ՈՒՆԻ
ԵՊՀ ՈՒՍԱՆՈՂԱԿԱՆ ԽՈՐՀՈՒՐԴԸ ՆՈՐ ՆԱԽԱԳԱՀ ՈՒՆԻ
Ուսանողական խորհրդի նախագահության հերթական նիստում ուսանողական կառույցի նախագահ ընտրվեց ԵՊՀ միջազգային հարաբերությունների ֆակուլտետի 4-րդ կուրսի ուսանող Դավիթ Ափոյանը:

Հունվարի 18-ին կայացած ԵՊՀ ՈՒԽ նախագահության հերթական նիստի ընթացքում ՈՒԽ նախագահ Արմեն Խաչիկյանը տեղեկացրեց, որ աշխատանքի անցնելու  կապակցությամբ հրաժարական է ներկայացրել և ՈՒԽ նախագահի պաշտոնում  առաջարկեց ԵՊՀ միջազգային հարաբերությունների ֆակուլտետի ուսանող, ՈՒԽ նախագահության անդամ Դավիթ Ափոյանի թեկնածությունը:

 

Նախագահության նիստին ներկա էր ԵՊՀ ՈՒԽ ընտրական հանձնաժողովի անդամ, Ուսանողների հետ տարվող աշխատանքների կենտրոնի փոխտնօրեն Ռաֆֆի Քարամյանը, ով նախագահության անդամներին ներկայացրեց ընտրության անցկացման կարգը՝ առաջարկելով առաջադրել այլ թեկնածուների կամ ինքնառաջադրվել:

 

 

Նախագահության անդամների կողմից այլ թեկնածուներ չառաջադրվեցին, և փակ գաղտնի քվեարկության արդյունքում միաձայն ԵՊՀ ՈՒԽ նախագահ ընտրվեց Դավիթ Ափոյանը, ով մինչ այդ զբաղեցնում էր կառույցի փոխնախագահի պաշտոնը:

 

Տեղեկացնենք նաև, որ նիստի ընթացքում ՈՒԽ նախագահությունն ընտրեց նաև ՈՒԽ փոխնախագահ: Փոխնախագահի ընտրության անցկացման համար առաջադրված երկու թեկնածուներից ընտրվեց ՈՒԽ նախագահության անդամ Դավիթ Մաթևոսյանը:

 

ՈՒԽ նախագահությունը միաժամանակ շնորհակալություն հայտնեց նախկին նախագահ Արմեն Խաչիկյանին ծավալած գործունեության և արդյունավետ աշխատանքի համար, ինչպես նաև հաջողություններ մաղթեց աշխատանքային հետագա գործունեության մեջ:

Այլ նորություններ
ԵՊՀ ՈՐՈՇ ՈՒՍԱՆՈՂՆԵՐ ՆՈՐ ՏԱՐԻՆ ԴԻՄԱՎՈՐԵՑԻՆ ԱՐՏԵՐԿՐՈՒՄ
Երևանի պետական համալսարանն աշխարհի տարբեր բուհերի հետ ունեցած համագործակցության շնորհիվ իր ուսանողներին հնարավորություն է տալիս սովորելու արտերկրում։ Այս տարի նրանցից շատերն ականատես եղան տոնական հրաշքին տնից ու Հայաստանից հեռու։
ysu.am-ը զրուցել է արտերկրի բուհերում սովորող հայ ուսանողների հետ, իմացել, թե ինչպես նշեցին տարեմուտը։
ԻՆՉՊԵՍ ԵՆ ՏՈՆԵԼՈՒ ՆՈՐ ՏԱՐԻՆ ԵՊՀ-ՈՒՄ ՍՈՎՈՐՈՂ ԱՐՏԱՍԱՀՄԱՆՑԻ ՈՒՍԱՆՈՂՆԵՐԸ
Երկրի մշակույթին ծանոթանալու լավագույն ձևը նրա տոներին մասնակցելն է։ Ինչպես հայտնի է, ԵՊՀ-ն համագործակցում է աշխարհի տարբեր բուհերի հետ ու հնարավորություն տալիս արտասահմանցի ուսանողներին ուսանելու այստեղ։ Այս տարի նրանք հնարավորություն ունեն ականատես լինելու տոնական հրաշքին հենց Երևանում։ ysu.am-ը զրուցել է արտասահմանցի ուսանողների հետ, պարզել, թե ինչ կարծիք ունեն նրանք Հայաստանի տոնական մթնոլորտի մասին և թե ինչպես են պատրաստվում նշել Նոր տարին։