19.09.2018 | 
Հասարակություն
ՆՈՐ ՀԱՄԱԳՈՐԾԱԿՑՈՒԹՅՈՒՆ ՀԱՅԱԳԻՏՈՒԹՅԱՆ ՈԼՈՐՏՈՒՄ ԿԱԼԻՖՈՐՆԻԱՅԻ ՀԱՄԱԼՍԱՐԱՆԻ ՀԵՏ
ՆՈՐ ՀԱՄԱԳՈՐԾԱԿՑՈՒԹՅՈՒՆ ՀԱՅԱԳԻՏՈՒԹՅԱՆ ՈԼՈՐՏՈՒՄ ԿԱԼԻՖՈՐՆԻԱՅԻ ՀԱՄԱԼՍԱՐԱՆԻ ՀԵՏ
Այսօր ԵՊՀ ռեկտորը հյուրընկալել էր Կալիֆորնիայի համալսարանի կանցլեր Ջեն Բլոկին և պրոֆեսոր Էրիկ Իսրայելյանին:

Հանդիպմանը ներկա էին նաև ԵՊՀ ուսումնական աշխատանքների գծով պրոռեկտոր Ալեքսանդր Գրիգորյանը, Միջազգային համագործակցության վարչության պետ Ալեքսանդր Մարգարովը և Հայագիտական հետազոտությունների ինստիտուտի փոխտնօրեն Մհեր Հովհաննիսյանը:

 

Հանդիպման սկզբում ԵՊՀ ռեկտորը հյուրերին ներկայացրեց համալսարանի կառուցվածքը, գործունեության ոլորտները, իրականացվող աշխատանքները, ինչպես նաև միջազգային գործընկերների հետ համագործակցության շրջանակները:

 

ԵՊՀ միջազգային համագործակցության վարչության պետ Ալեքսանդր Մարգարովն էլ խոսեց այն ծրագրերի մասին, որոնք կազմակերպվում են օտարերկրյա ուսանողների և սփյուռքահայ երիտասարդների համար:

 

Ջեն Բլոկը և Էրիկ Իսրայելյանը նշեցին, որ շատ ուրախ կլինեն համագործակցություն հաստատել ԵՊՀ-ի հետ՝ հայագիտական ուսումնասիրություններ իրականացնելու համար. «Մենք ցանկանում ենք կանոնակարգված փոխհամագործակցություն սկսել Հայաստանի գիտակրթական այս կենտրոնի հետ՝  համատեղ հետազոտություններ և այլ միջոցառումներ կազմակերպելու համար»:

 

ԵՊՀ ռեկտորը և Մհեր Հովհաննիսյանը հյուրերին պատմեցին Հայագիտական հետազոտությունների ինստիտուտի գործունեության մասին, ծանոթացրին հրատարակած աշխատանքների հետ և խոսեցին աշխարհում գործող  հայագիտական կենտրոնների մասին:

 

Հանդիպման ավարտին երկու համալսարանների ներկայացուցիչները փաստեցին, որ հանդիպումը բավականին օգտակար էր, ինչպես նաև պատրաստ են համագործակցել միմյանց հետ:

 

Քնար Միսակյան

 

Այլ նորություններ
ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԵՐԵՔ ՈՒՍԱՆՈՂՆԵՐԸ՝ «ԼՐԱԳՐՈՂԱԿԱՆ ՄԵՆԱՄԱՐՏ» ՀԵՌՈՒՍՏԱՆԱԽԱԳԾԻ ՄԱՍՆԱԿԻՑՆԵՐ
ԵՊՀ ժուռնալիստիկայի ֆակուլտետի երեք ուսանողներ՝ Աննա Կոստանյանը, Էլեն Աղաջանյանը (4-րդ կուրս) և Ռիմա Գրիգորյանը (2-րդ կուրս), մասնակցել են Եվրոպական միության կողմից համաֆինանսավորվող «Տեղեկատվության մատչելիություն և հետաքննական լրագրություն առավել իրազեկված քաղաքացիների համար» ծրագրի շրջանակում իրականացվող «Լրագրողական մենամարտ» հեռուստանախագծին և հասել մինչև եզրափակիչ:
ՔՆՆԱՐԿՈՒՄ՝ ԲԱՐՁՐԱԳՈՒՅՆ ԿՐԹՈՒԹՅԱՆ ՀԻՄՆԱԽՆԴԻՐՆԵՐԻ, ՄԱՐՏԱՀՐԱՎԵՐՆԵՐԻ ԵՎ ԴՐԱՆՑ ՀՆԱՐԱՎՈՐ ԼՈՒԾՈՒՄՆԵՐԻ ՎԵՐԱԲԵՐՅԱԼ
ԵՊՀ Չարենցի անվան դահլիճում «Մեդիա կենտրոն»-ի նախաձեռնությամբ անցկացվեց «Բարձրագույն կրթության հիմնախնդիրները, առկա մարտահրավերներն ու դրանց հնարավոր լուծումները բարձրագույն կրթության զարգացման ռազմավարությունում» թեմայով քննարկում: