04.06.2018 | 
Ուսանողական
ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՆ ԱՌԱՋԱՐԿՈՒՄ Է ՄԱԳԻՍՏՐՈՍԱԿԱՆ ՆՈՐ ԾՐԱԳԻՐ
ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՆ ԱՌԱՋԱՐԿՈՒՄ Է ՄԱԳԻՍՏՐՈՍԱԿԱՆ ՆՈՐ ԾՐԱԳԻՐ
Այսօր ԵՊՀ կենսաբանության ֆակուլտետում տեղի ունեցավ Մանրէաբանական կենսատեխնոլոգիայի և կենսավառելիքի նորարարական կենտրոնի ներկայացումը, որի ընթացքում ուսանողները ծանոթացան գերժամանակակից վերջին սերնդի սարքավորումներին (անթթվածնային խցիկ, գերցածր ջերմաստիճանային տիրույթի սառնարան, փուլացայտերանգային մանրադիտակ, գազային և հեղուկ քրոմատագիրներ, լաբորատոր կենսառեակտոր և այլն), ինչպես նաև լաբորատորիայում իրականացվող աշխատանքներին:

ԵՊՀ կենսաքիմիայի և մանրէաբանության ամբիոնի դասախոս Կարեն Թռչունյանն ուսանողներին մանրամասն ծանոթացրեց գերժամանակակից վերջին սերնդի սարքավորումներին, որոնք անհրաժեշտ են մասնագիտական կողմնորոշման, ինչպես նաև գիտելիքները գործնականում օգտագործելու  համար: «Ուսանողներն այդքան էլ տեղեկացված չեն, իսկ մանրակրկիտ ծանոթությունը կուղղորդի նրանց, որպեսզի ճիշտ կողմնորոշվեն»,- հավելեց նա: 

 

Այնուհետև ուսանողները ծանոթացան «Կիրառական մանրէաբանություն և նորարարական կենսատեխնոլոգիաներ» մագիստրոսական ծրագրին, որը ֆակուլտետի նոր ծրագրերից է: Կարեն Թռչունյանն ուսանողներին ներկայացրեց նաև այն առարկաները, որոնք կուսումնասիրեն  այդ ծրագրում: Դրանք են՝ Մանրէների կենսատեխնոլոգիա, Մանրէաբանության վերլուծական մեթոդներ, Կենսագործընթացների կառավարում, Կենսազանգված և կենսաէներգիա և այլն:
 

Թռչունյանը հավելեց, որ ապագայում նախատեսվում է անգլերենով դասընթացներ անցկացնել, որի արդյունքում մագիստրոսական ծրագիրն ավելի կզարգանա:

 

Անգին Խաչատրյան

Այլ նորություններ
ԵՊՀ ՈՐՈՇ ՈՒՍԱՆՈՂՆԵՐ ՆՈՐ ՏԱՐԻՆ ԴԻՄԱՎՈՐԵՑԻՆ ԱՐՏԵՐԿՐՈՒՄ
Երևանի պետական համալսարանն աշխարհի տարբեր բուհերի հետ ունեցած համագործակցության շնորհիվ իր ուսանողներին հնարավորություն է տալիս սովորելու արտերկրում։ Այս տարի նրանցից շատերն ականատես եղան տոնական հրաշքին տնից ու Հայաստանից հեռու։
ysu.am-ը զրուցել է արտերկրի բուհերում սովորող հայ ուսանողների հետ, իմացել, թե ինչպես նշեցին տարեմուտը։
ԻՆՉՊԵՍ ԵՆ ՏՈՆԵԼՈՒ ՆՈՐ ՏԱՐԻՆ ԵՊՀ-ՈՒՄ ՍՈՎՈՐՈՂ ԱՐՏԱՍԱՀՄԱՆՑԻ ՈՒՍԱՆՈՂՆԵՐԸ
Երկրի մշակույթին ծանոթանալու լավագույն ձևը նրա տոներին մասնակցելն է։ Ինչպես հայտնի է, ԵՊՀ-ն համագործակցում է աշխարհի տարբեր բուհերի հետ ու հնարավորություն տալիս արտասահմանցի ուսանողներին ուսանելու այստեղ։ Այս տարի նրանք հնարավորություն ունեն ականատես լինելու տոնական հրաշքին հենց Երևանում։ ysu.am-ը զրուցել է արտասահմանցի ուսանողների հետ, պարզել, թե ինչ կարծիք ունեն նրանք Հայաստանի տոնական մթնոլորտի մասին և թե ինչպես են պատրաստվում նշել Նոր տարին։