09.03.2020 | 
Հասարակություն
ԵՊՀ ԱՇԽԱՏԱԿԻՑՆԵՐՆ ՈՒՆԵՆ ԱՌՈՂՋՈՒԹՅԱՆ ԱՊԱՀՈՎԱԳՐՈՒԹՅՈՒՆ
ԵՊՀ ԱՇԽԱՏԱԿԻՑՆԵՐՆ ՈՒՆԵՆ ԱՌՈՂՋՈՒԹՅԱՆ ԱՊԱՀՈՎԱԳՐՈՒԹՅՈՒՆ
ԵՊՀ-ի և «Արմենիա» ապահովագրական ընկերության միջև կնքվել է ԵՊՀ աշխատողների առողջության ապահովագրության պայմանագիր, որը գործում է
մարտի 2-ից:

Մեզ հետ զրույցում ԵՊՀ ընդհանուր հարցերի գծով պրոռեկտոր Արման Մալխասյանն ասաց, որ նախապես հայտարարված մրցույթին դիմել է 4 ապահովագրական կազմակերպություն, որոնցից հաղթող է ճանաչվել «Արմենիա» ապահովագրական ընկերությունը:

 

«Հաղթող ճանաչված ընկերության հետ ԵՊՀ-ն փետրվարի 19-ին կնքել է պայմանագիր, որն ուժի մեջ է 8 ամիս»,- փաստեց Արման Մալխասյանը: Նրա հավաստմամբ, ԵՊՀ հիմնական աշխատակիցներն արդեն կարող են օգտվել առողջության ապահովագրությունից իրենց անձնագրերով: 

 

Տեղեկացնենք, որ բժշկական ապահովագրություն կարող են ունենալ նաև ԵՊՀ աշխատակիցների ընտանիքների անդամները՝ հայտ ներկայացնելով ապահովագրական ընկերությանը:

 

Այստեղ կարող եք ծանոթանալ առողջության ապահովագրությունից օգտվելու կարգին և ապահովագրական ընկերության հետ համագործակցող բժշկական կենտրոնների ցանկին։

 

Քնար Միսակյան

Այլ նորություններ
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին:
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը: