04.06.2018 | 
Կրթություն
ՀԱՅԱԶԳԻ ՀԱՅՏՆԻ ԴԱՏԱԽԱԶ ՆԻԿՈԼԱՍ ՔՈՒՄՋՅԱՆ ԴԱՍԱԽՈՍՈՒԹՅՈՒՆ ԿԱՐԴԱՑ ԵՐԻՏԱՍԱՐԴ ԻՐԱՎԱԳԵՏՆԵՐԻ ՀԱՄԱՐ
ՀԱՅԱԶԳԻ ՀԱՅՏՆԻ ԴԱՏԱԽԱԶ ՆԻԿՈԼԱՍ ՔՈՒՄՋՅԱՆ ԴԱՍԱԽՈՍՈՒԹՅՈՒՆ ԿԱՐԴԱՑ ԵՐԻՏԱՍԱՐԴ ԻՐԱՎԱԳԵՏՆԵՐԻ ՀԱՄԱՐ
Այսօր ԵՊՀ իրավագիտության ֆակուլտետում հյուրընկալվել էր հայազգի իրավաբան, Միջազգային քրեական դատարանում (ICC) և բազմաթիվ միջազգային տրիբունալներում (Սիեռա Լիոնե, Կամբոջա, Հարավսլավիա) միջազգային քրեական գործերով հանդես եկած հայտնի դատախազ Նիկոլաս Քումջյանին:

ԵՊՀ իրավագիտության ֆակուլտետի ՈՒԳԸ-ի և Քրեական իրավունքի ամբիոնի համատեղ ջանքերով հրավիրված մասնագետը «Developments in international criminal law in the past quarter century-where we have been and where we are going» թեմայով դասախոսություն կարդաց, որը վերաբերում էր միջազգային քրեական իրավունքի զարգացման հիմնախնդիրներին:

 

Միջոցառմանը մասնակցում էին ԵՊՀ-ի և այլ համալսարանների ուսանողներ, ասպիրանտներ, ինչպես նաև պետական և հասարակական մի շարք հաստատությունների ներկայացուցիչներ:

 

Միջոցառմանը բացման խոսքով հանդես եկավ ֆակուլտետի դեկան Գ. Ղազինյանը, ով կարևորեց հյուրի կողմից իր փորձով կիսվելու այս բացառիկ հնարավորությունը և Հայաստանի խորհրդանիշների մասին պատմող գիրք նվիրեց Ն. Կումջյանին:

 

 

Դասախոսության ընթացքում բանախոսը ներկայացրեց, թե ինչ զարգացումներ է ունենում միջազգային քրեական իրավունքը նախորդ դարից մինչև արդի ժամանակները: Ն. Քումջյանը տեսանյութի միջոցով ներկայացրեց նաև հետաքրքիր դեպքեր իր աշխատանքային պրակտիկայից, խոսեց դաժան և անմարդկային պատիժների անթույլատրելիության մասին:

 

Հանդիպման ավարտին ուսանողները Միջազգային քրեական դատարանի իրավասության տակ գտնվող գործերին վերաբերող մի շարք հարցեր ուղղեցին բանախոսին:

Այլ նորություններ
ԵՊՀ-ՈՒՄ ԴԱՍԵՐԸ ՄԵԿՆԱՐԿԵԼՈՒ ԵՆ ՓԵՏՐՎԱՐԻ 11-ԻՑ
2018-2019 ուստարվա 2-րդ կիսամյակի առկա ուսուցման ուսումնական պարապմունքները սկսվելու են փետրվարի 11-ից, իսկ հեռակա ուսուցման ուսումնական պարապմունքները՝ մարտի 11-ից:
ԵՊՀ ՄԻՋԱԶԳԱՅԻՆ ՀԱՐԱԲԵՐՈՒԹՅՈՒՆՆԵՐԻ ՖԱԿՈՒԼՏԵՏՈՒՄ ԿԻՐԱՌՎՈՒՄ ԵՆ ՈՒՍՈՒՄՆԱՌՈՒԹՅԱՆ ԺԱՄԱՆԱԿԱԿԻՑ ՄԻՋՈՑՆԵՐ
Երևանի պետական համալսարանում «Moodle» էլեկտրոնային ուսուցման համակարգի ներդրման առաջին քայլերն արվել են ՏՏ կրթական և հետազոտական կենտրոնի կողմից դեռևս 2008 թվականին: Առաջին առցանց դասընթացները կենտրոնի աշխատակիցների կողմից հարթակում տեղադրվել են դեռևս 2009-2010 թվականներին: