04.05.2007 | 
Ուսանողական
ԻՆՔՆԱԲՈՒԽ ՇԱՐԺՈՒՄ
ԻՆՔՆԱԲՈՒԽ ՇԱՐԺՈՒՄ
Կրթական հիմնախնդիրներով մտահոգված ուսանողներն այսօր իրենց պահանջը նամակով ներկայացրել են ՀՀ վարչապետ Սերժ Սարգսյանին:

«Հույս» նորաստեղծ ուսանողական–երիտասարդական շարժումն արդեն չորս ամիս է գործունեություն է ծավալում բուհերում կրթական կոռուպցիան հաղթահարելու եւ կրթական մի շարք հիմնախնդիրներ վեր հանելու ուղղությամբ:

Առավոտյան Երեւանի պետական համալսարանի կենտրոնական մասնաշենքի բակից «Հույս… իմ երկրի, իմ ապագայի» ու նմանատիպ պաստառներով «Հույս» ուսանողական–երիտասարդական շարժման կազմակերպիչներն ու նրանց հազարավոր համախոհներ երթով շարժվեցին դեպի ՀՀ Կառավարության շենք:

Վարչապետին ուղղված նամակով շարժման կազմակերպիչները պահանջում էին ընդունելության քննությունների խիստ վերահսկողություն, ընդունվող ուսանողների քանակի հստակեցում, պրոֆեսորադասախոսական անձնակազմի աշխատավարձերի բարձրացում, ԿԳ նախարարի պորտֆելի անկուսակցականություն, ինչպես նաեւ «Բարձրագույն եւ հետբուհական կրթության» մասին ՀՀ օրենքի համաձայն` բուհերի գիտական խորհուրդների 25 տոկոսը եւս ընտրել բուհի սովորողներից:

«Խորապես հավատացած ենք, որ երիտասարդությունը, առավել եւս` ուսանողությունը, լինելով հասարակության շարժիչ ուժ, առավելագույն ներդրում պետք է ունենա այսօրվա եւ վաղվա հզոր Հայաստանի կառուցման գործում»,- նշված է վարչապետին ուղղված նամակում:
Ուսանողների նամակն ընդունեց տարածքային կառավարման նախարարի տեղակալ Ալեքսանդր Ղազարյանը եւ հավաստիացրեց, որ նամակին պատասխան կտրվի:

««Հույս» ուսանողական–երիտասարդական շարժումը կապ չունի որեւէ քաղաքական կուսակցության հետ, պարզապես, նախընտրական շրջանում մեզ մտահոգող պահանջը ներկայացնում ենք նաեւ մոտ ապագայում ձեւավորվող կառավարությանը»,- ասում է նախաձեռնող խմբի անդամ Համլետ Մանուկյանը:

«Մենք պահանջում ենք որակյալ կրթության իրավունքի պաշտպանություն եւ սպասում ենք վարչապետի արձագանքին»,- ասաց նախաձեռնող խմբի անդամ Ժաննա Բուդաղյանը:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: