14.11.2018 | 
Ուսանողական
ԱՅՑԵԼՈՒԹՅՈՒՆ-ԴԱՍԸՆԹԱՑ ՀԱՅԿԱԿԱՆ ՍԻԼԻԿՈՆԱՅԻՆ ՀՈՎԻՏ՝ «ՊԻՔՍԱՐՏ» ԸՆԿԵՐՈՒԹՅՈՒՆ
ԱՅՑԵԼՈՒԹՅՈՒՆ-ԴԱՍԸՆԹԱՑ ՀԱՅԿԱԿԱՆ ՍԻԼԻԿՈՆԱՅԻՆ ՀՈՎԻՏ՝ «ՊԻՔՍԱՐՏ» ԸՆԿԵՐՈՒԹՅՈՒՆ
ԵՊՀ շրջանավարտների և կարիերայի կենտրոնն այսօր կազմակերպել էր այցելություն-դասընթաց:

«ՊիքսԱրտ»-ը (PicsArt) լուսանկարների խմբագրիչ է՝ ստեղծված հայ ծրագրավորողների կողմից: Այն օգտատերերին թույլ է տալիս լուսանկարել և խմբագրել նկարները, կիսվել դրանցով «ՊիքսԱրտ»-ի համայնքի օգտատերերի հետ և այլ սոցիալական ցանցերում:

Խմբագրիչը լույս է տեսել 2011 թվականի նոյեմբերին, հիմնադիրներն են Հովհաննես Ավոյանը և Արտավազդ Մեհրաբյանը:

 

Դիզայներ Ժարլին Բաղումյանը պատմեց, թե ինչպես է կազմակերպվում աշխատանքային գործընթացը «ՊիքսԱրտ»-ում:

 

Տարբեր ֆակուլտետների ուսանողները ծանոթացան ընկերության կառուցվածքին, տեխնիկական գործիքներին, մարքեթինգային ռազմավարությանը:

 

Մարդկային ռեսուրսների բաժնի աշխատակիցներ Լուսինե Հարությունյանը և Վարդուհի Ջանոյանը ներկայացրին ընկերությունում աշխատանքի անցնելու հնարավորությունները, առավելությունները:

 

Լուսինե Հարությունյանը ներկայացրեց ընկերության մատրիքսային կառուցվածքը, որը թույլ է տալիս բաշխել ներուժը և հնարավորինս արդյունավետ այն օգտագործել:

 

Նրանք խոսեցին ընկերության նոր ձեռքբերման՝ արհեստական բանականության մասին, որը հնարավորություն է տալիս վերահսկել հավելվածի բովանդակությունը՝ զերծ պահելով օգտատերերին անընդունելի պատկերներից ու տեսարաններից, ինչպիսիք են բռնությունը, թմրադեղերի քարոզը:

 

Ինչպես ներկայացրեց Վարդուհի Ջանոյանը՝ «ՊիքսԱրտ»-ի նոր շուկան Չինաստանն է, և այն համարվում է երկրում ոչ չինական հավելվածներից ամենաշատ օգտագործվողը:

 

Նա անդրադարձավ ընկերության ամենակարևոր արժեքներից մեկին՝ թափանցիկությանը, որի ամենավառ ապացույցն է «no door policy»-ն՝ առանց դռների քաղաքականությունը. ընկերության թե՛ տնօրենը, թե՛ աշխատակիցներն աշխատում են միևնույն մեծ սենյակում:

 

Բացի դրանից՝ ընկերությունը կարևորում է սեփականատեր լինելու զգացողությունը և եռանդը ու մեծ ուշադրություն է դարձնում համաշխարհային միտումներին` դրանք ՝ «ՊիքսԱրտ»-ում ավելացնելու համար:

Մարի Ռաֆյան

 

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: