24.06.2019 | 
Ուսանողական
ՏԵՍԱԿԱՆ ԳԻՏԵԼԻՔՆԵՐԻ ԱՄՐԱՊՆԴՈՒՄ ԵՎ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ԿԻՐԱՌՈՒՄ. ԻՐԱՎԱԳԵՏՆԵՐԸ՝ ՊՐԱԿՏԻԿ ԴԱՍԸՆԹԱՑՆԵՐԻ ՄԱՍՆԱԿԻՑՆԵՐ
ՏԵՍԱԿԱՆ ԳԻՏԵԼԻՔՆԵՐԻ ԱՄՐԱՊՆԴՈՒՄ ԵՎ ԳՈՐԾՆԱԿԱՆ ՀՄՏՈՒԹՅՈՒՆՆԵՐԻ ԿԻՐԱՌՈՒՄ. ԻՐԱՎԱԳԵՏՆԵՐԸ՝ ՊՐԱԿՏԻԿ ԴԱՍԸՆԹԱՑՆԵՐԻ ՄԱՍՆԱԿԻՑՆԵՐ
ԵՊՀ իրավագիտության ֆակուլտետի դատական նիստերի դահլիճում այսօր ավարտվեցին քաղաքացիական իրավունքի և դատավարության ոլորտում գործնական հմտությունների փոխանցման դասընթացները: Մասնակիցները պարգևատրվեցին վկայականներով:

ԵՊՀ իրավագիտության ֆակուլտետի քաղաքացիական դատավարության ամբիոնի ասիստենտ Վահագն Գրիգորյանի նախաձեռնությամբ և ֆակուլտետի ՈՒԽ-ի համագործակցությամբ ֆակուլտետում մեկնարկել էր «Պրակտիկ դասընթացների» շարք, որի նպատակն էր ուսանողների ստացած տեսական գիտելիքները կիրառել գործնականում:

 

Ողջունելով ներկաներին՝ Վ. Գրիգորյանը համառոտ ներկայացրեց ծրագրի բովանդակությունը և նպատակները:

 

Ծրագրին ներգրավված են եղել ոչ միայն Իրավագիտության ֆակուլտետի բակալավրիատի և մագիստրատուրայի ուսանողները, այլև տարբեր բուհերից ուսանողներ:

 

Դասընթացը, Վ. Գրիգորյանի տեղեկացմամբ, փորձնական բնույթ էր կրում: «Հետագայում նախատեսվում են նմանաբնույթ դասընթացների ընդլայնում, ինչպես նաև  այլ բնույթի դասընթացների մեկնարկ»,- նշեց Վահագն Գրիգորյանը:

 

 Ողջունելով դասընթացի կազմակերպիչներին և մասնակիցներին՝ ֆակուլտետի դեկան Գագիկ Ղազինյանը նշեց, որ ֆակուլտետում տեսական գիտելիքների հետ մեկտեղ շատ կարևոր է գործնական գիտելիքների ամրապնդումը: «Այս ծրագիրը տեսական գիտելիքները գործնականում ամրապնդելու շատ կարևոր ու նպատակային օրինակներից մեկն է: Շատ կարևոր է, որ այն ոչ թե ժամանակավոր բնույթ կրի, այլ լինի շարունակական»,- ընդգծեց դեկանը:

 

Միջոցառումն ավարտվեց դասընթացներին մասնակցած ուսանողների վկայագրերի հանձնմամբ:

 

Այլ նորություններ
ԵՊՀ ՈՒԳԸ-Ն ԱՐՏԱԿԱՐԳ ԴՐՈՒԹՅԱՆ ՊԱՅՄԱՆՆԵՐՈՒՄ ՇԱՐՈՒՆԱԿՈՒՄ Է ԻՐ ԱՇԽԱՏԱՆՔՆԵՐԸ
Աշխարհում նոր տիպի կորոնավիրուսի տարածման և ՀՀ կառավարության կողմից արտակարգ դրություն հայտարարելու մասին որոշում կայացնելու առաջին իսկ օրերից ԵՊՀ ՈՒԳԸ-ն շարունակում է իրականացնել իր աշխատանքները: Մեզ հետ զրույցում ՈՒԳԸ նախագահ Մերի Փանոսյանը պատմել է, թե ինչ մեթոդներ և միջոցներ են կիրառել՝ այս ընթացքում արդյունավետ միջոցառումներ կազմակերպելու համար:
ՔԻՄԻԱՅԻ ՖԱԿՈՒԼՏԵՏԻ ՈՒՍԱՆՈՂՆԵՐԸ ՍԵՓԱԿԱՆ ՄԻՋՈՑՆԵՐՈՎ ՊԱՏՐԱՍՏԵԼ ԵՆ ԱԽՏԱՀԱՆՈՂ ՄԻՋՈՑՆԵՐ ԵՎ ԲԱԺԱՆԵԼ ՇՈՒԿԱՅԻ ԱՇԽԱՏԱԿԻՑՆԵՐԻՆ
ԵՊՀ քիմիայի ֆակուլտետի ուսանողները, իրենց նախաձեռնությամբ և ֆակուլտետի մասնագետների աջակցությամբ, ստեղծել են ախտահանիչներ և իրականացրել ակցիա՝ դրանք անվճար բաժանելով շուկայի աշխատակիցներին: