09.12.2021 | 
Հասարակություն
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵԼՈՒԹՅՈՒՆ ԹԻՎ 198 ԱՎԱԳ ԴՊՐՈՑ
ՄԱՍՆԱԳԻՏԱԿԱՆ ԿՈՂՄՆՈՐՈՇՄԱՆ ՆՊԱՏԱԿՈՎ ԱՅՑԵԼՈՒԹՅՈՒՆ ԹԻՎ 198 ԱՎԱԳ ԴՊՐՈՑ
ԵՊՀ մինչհամալսարանական կրթության վարչության նախաձեռնությամբ այսօր կազմակերպվել էր այցելություն Երևանի թիվ 198 ավագ դպրոց:

Մեզ հետ զրույցում դպրոցի տնօրեն Սարգիս Խաչատրյանը նշեց, որ նմանատիպ հանդիպումները շատ կարևոր նշանակություն ունեն աշակերտների համար և հնարավորություն են տալիս կողմնորոշվելու մասնագիտական ընտրության կարևորագույն հարցում:

 

Աշակերտների հետ հանդիպումն այս անգամ անցկացնում էր ԵՊՀ փիլիսոփայության և հոգեբանության ֆակուլտետի սոցիալական փիլիսոփայության, բարոյագիտության և գեղագիտության ամբիոնի դոցենտ Ղազար Ավետիսյանը:

 

 

Հանդիպման սկզբում աշակերտները դիտեցին ԵՊՀ-ում ուսանելու մասին պատմող տեսաֆիլմ, այնուհետև Ղազար Ավետիսյանն աշակերտներին ներկայացրեց Փիլիսոփայության և հոգեբանության ֆակուլտետն ու ԵՊՀ-ում կրթություն ստանալու առավելությունները:

 

ԵՊՀ դոցենտն ապագա ուսանողներին ներկայացրեց փիլիսոփայության ոլորտում մասնագիտանալու առանձնահատկություններն ու մասնագիտությանն առնչվող մի շարք կարծրատիպեր. «Փիլիսոփայությունը վերացական երևույթ չէ, այն առավել քան առարկայական է և առնչվում է մեզնից յուրաքանչյուրին, ուստի կարող է կիրառվել շատ տարբեր ոլորտներում՝դարձնելով ձեզ ոլորտի պահանջված մասնագետներ»:

 

Այնուհետև տեղի ունեցավ հարցուպատասխան, որի ընթացքում Ղազար Ավետիսյանը պատասխանեց աշակերտներին հուզող հարցերին:

 

 

Ապագա ուսանողների ցանկությամբ ծավալվեց նաև զրույց «Հայրենասիրություն» թեմայով, որի ընթացքում քննարկվեցին արդիական մի շարք հարցեր և գաղափարներ:

 

Ղազար Ավետիսյանը հույս հայտնեց, որ նմանատիպ հանդիպումները շարունակական կլինեն, և ներկաներին ողջունելու առիթ ևս մեկ անգամ կընձեռվի՝ այս անգամ Մայր բուհի հյուրընկալ պատերից ներս:

 

Այլ նորություններ
«ԵՊՀ-Ն ՄՏԱՎՈՐ ԱՇԽԱՏԱՆՔԻ ԿԱՐԵՎՈՐԱԳՈՒՅՆ ԼԱԲՈՐԱՏՈՐԻԱ Է». ԻՐԱՆԱԳԻՏՈՒԹՅԱՆ ԱՄԲԻՈՆԻ ՎԱՐԻՉ ՎԱՐԴԱՆ ՈՍԿԱՆՅԱՆԸ 50 ՏԱՐԵԿԱՆ Է
ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը նշել է ծննդյան հիսունամյակը: Հայաստանում իրանագիտության լավագույն ավանդույթների պահպանման, դրանց զարգացման և նոր սերունդներին փոխանցելու գործում մեծ ավանդ ունեցող Վ. Ոսկանյանի հետ զրուցել ենք ձեռքբերումների, առաջիկա անելիքների ու ծրագրերի մասին:
ԵՊՀ-ՈՒՄ ՔՆՆԱՐԿՎԵԼ ԵՆ ԲԱՐՁՐԱԳՈՒՅՆ ԿՐԹՈՒԹՅԱՆ ՈՐԱԿԱՎՈՐՈՒՄՆԵՐԻ ՓՈԽՃԱՆԱՉՄԱՆ ԱՐԴԻ ՄԱՐՏԱՀՐԱՎԵՐՆԵՐԸ. ՆԵՐԿԱՅԱՑՎԵԼ ԵՆ ՀԵՏԱԶՈՏՈՒԹՅԱՆ ԱՐԴՅՈՒՆՔՆԵՐԸ
ԵՊՀ գիտական խորհրդի նիստերի դահլիճում տեղի է ունեցել «ՀՀ բուհերի կողմից իրականացվող օտարերկրյա որակավորումների և կարճաժամկետ ուսուցման/կրեդիտային շարժունության ճանաչում» հետազոտության արդյունքների, ինչպես նաև «Բարձրագույն կրթության որակավորումների փոխճանաչման մասին» համաշխարհային կոնվենցիայի ներկայացման վերաբերյալ քննարկում: