19.04.2019 | 
Քաղաքականություն
ԵՐԵՎԱՆԻ ԹԻՎ 94 ԱՎԱԳ ԴՊՐՈՑԻ ՍԱՆԵՐԸ՝ ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՈՒՄ
ԵՐԵՎԱՆԻ ԹԻՎ 94 ԱՎԱԳ ԴՊՐՈՑԻ ՍԱՆԵՐԸ՝ ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՈՒՄ
ԵՊՀ կենսաբանության ֆակուլտետում այսօր հյուրընկալվել էին Երևանի թիվ 94 ավագ դպրոցի աշակերտները:

Հիշեցնենք, որ ԵՊՀ մինչհամալսարանական կրթության վարչության կողմից պարբերաբար իրականացվող ԵՊՀ հյուրընկալությունների և դպրոցներ այցելությունների նպատակն է նպաստել ավարտական դասարանների աշակերտների մասնագիտական կողմնորոշմանը, բարձրացնել իրազեկության մակարդակը և ուղղորդել դեպի ԵՊՀ:

 

Ապագա դիմորդները նախ եղան Կենսաբանության ֆակուլտետի  կենսաքիմիայի, մանրէաբանության և կենսատեխնոլոգիայի ամբիոնում, որտեղ դոցենտ Մարգարիտա Պետրոսյանը ներկայացրեց ամբիոնի կառուցվածքը, ժամանակակից սարքավորումներով հագեցած լաբորատորիան և աշակերտներին ծանոթացրեց բույսերի աճի ու զարգացման ֆիզիոլոգիային:

 

11-րդ դասարանի աշակերտուհի Լիանա Աթաբեկյանն ընտրել է կենսաբանությունը՝ որպես ապագա մասնագիտություն:

 

Ըստ նրա՝ յուրաքանչյուր մարդ պետք է որոշակի գիտելիքներ ունենա  «Կենսաբանություն» առարկայից:

 

«Կյանք բառն ասելով՝ այն միանգամից կապում եմ կենսաբանության հետ, ուստի ապագա մասնագիտությունս արդեն որոշել եմ»,- նշեց Լիանան:

 

Երևանի թիվ 94 ավագ դպրոցի «Կենսաբանություն» առարկայի ուսուցչուհի Շաղիկ Ղազարյանը, որն ուղեկցում էր աշակերտներին, նշեց,  որ դպրոցը հագեցած չէ լաբորատորիաներով և սարքավորումներով. ԵՊՀ կենսաբանության ֆակուլտետի շնորհիվ աշակերտները հնարավորություն են ունենում կատարելու ցանկացած փորձ՝ այդպիսով ամրապնդելով իրենց տեսական գիտելիքները:

 

Հավելենք, որ ՀՀ դպրոցներ այցելություններն ու ԵՊՀ դասախոսների հյուրընկալությունները Երևանի և մարզային դպրոցներ շարունակական են լինելու:

Այլ նորություններ
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՔԱՐՏՈՒՂԱՐԸ ՊԱՐԶԱԲԱՆՈՒՄ Է. ԵՊՀ ԿԱՆՈՆԱԴՐՈՒԹՅՈՒՆԸ ՉԻ ԽԱԽՏՎԵԼ
ԵՊՀ ուսանողների հետ տարվող աշխատանքների կենտրոնի լուծարման հետ կապված այսօր հնչել է կարծիք, որ Հոգաբարձուների խորհրդի գումարվող նիստը խախտում է ԵՊՀ կանոնադրությունը՝ հակասելով «Երևանի պետական համալսարան» հիմնադրամի կանոնադրության 49-րդ հոդվածի 2-րդ կետին։
ԵՊՀ ՈՒՍԱՆՈՂՆԵՐԻ ՀԵՏ ՏԱՐՎՈՂ ԱՇԽԱՏԱՆՔՆԵՐԻ ԿԵՆՏՐՈՆԻ ՏՆՕՐԵՆՆ ԻՐ ՄՏԱՀՈԳՈՒԹՅՈՒՆՆ Է ՀԱՅՏՆԵԼ ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԻ ՎԵՐԱԲԵՐՅԱԼ. ՄԱՄՈՒԼԻ ԱՍՈՒԼԻՍ ԵՊՀ-ՈՒՄ
ԵՊՀ ուսանողների հետ տարվող աշխատանքների կենտրոնի տնօրեն Վահագն Վարագյանն այսօր հանդես եկավ մամուլի ասուլիսով՝ հայտնելով իր դիրքորոշումը՝ կապված ԵՊՀ հոգաբարձուների խորհրդի կողմից կենտրոնի լուծարման վերաբերյալ քննարկումների հետ: