19.02.2021 | 
Հասարակություն
«ՎԱՐՔԱԳԾԻ ԳԵՆԵՏԻԿԱՆ». ԴՊՐՈՑԱԿԱՆՆԵՐՆ ԱՅՑԵԼԵԼ ԵՆ ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ
«ՎԱՐՔԱԳԾԻ ԳԵՆԵՏԻԿԱՆ». ԴՊՐՈՑԱԿԱՆՆԵՐՆ ԱՅՑԵԼԵԼ ԵՆ ԵՊՀ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏ
ԵՊՀ մինչհամալսարանական կրթության վարչության նախաձեռնությամբ Կենսաբանության ֆակուլտետում այսօր հյուրընկալվել էին «Հերացի» ավագ դպրոցի աշակերտները:

Մինչհամալսարանական կրթության վարչության կողմից կազմակերպվող և իրականացվող այցերի նպատակը բարձր դասարանների աշակերտների մասնագիտական կողմնորոշմանը նպաստելը, իրազեկության մակարդակը բարձրացնելը և դեպի ԵՊՀ ուղղորդելն է:

 

«Հերացի» ավագ դպրոցի աշակերտների համար Կենսաբանության ֆակուլտետում այսօր «Վարքագծի գենետիկան» թեմայով դասախոսությամբ է հանդես եկել Գենետիկայի և բջջաբանության ամբիոնի ավագ լաբորանտ Անժելա Սարգսյանը:

 

 

Նա աշակերտներին ներկայացրել է, թե ինչպիսին է տարբեր վարքային հատկանիշների ձևավորման ժամանակ գենետիկական գործոնների ներդրումը: Բացի դրանից՝ հանդիպմանը քննարկվել է, թե ինչ ազդեցություն է թողնում սթրեսը ԴՆԹ-ի վրա:

 

Անժելա Սարգսյանը մեզ հետ զրույցում, խոսելով աշակերտների այցելության մասին,  բարձր գնահատեց նախաձեռնությունը և ասաց, որ դեռ դպրոցական տարիքից նրանք պետք է հաղորդակից դառնան գիտական գործունեությանը, որպեսզի ավելի հեշտ կողմնորոշվեն մասնագիտության ընտրության հարցում:

 

Քնար Միսակյան

Այլ նորություններ
ԿՅԱՆՔԻՑ ՀԵՌԱՑԵԼ Է ԵՊՀ ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԻ ԳԵՐՄԱՆԱԿԱՆ ԲԱՆԱՍԻՐՈՒԹՅԱՆ ԱՄԲԻՈՆԻ ՎԱՐԻՉ, ՊՐՈՖԵՍՈՐ ՅՈՒՐԻԿ ԳԱԲՐԻԵԼՅԱՆԸ
Երևանի պետական համալսարանը կրել է ցավալի կորուստ: Կորոնավիրուսի հետևանքով մահացել է ԵՊՀ եվրոպական լեզուների և հաղորդակցության ֆակուլտետի գերմանական բանասիրության ամբիոնի վարիչ, պրոֆեսոր Յուրիկ Գաբրիելյանը:
ՀԱՅԿԱԿԱՆ ԱՐՏԱԴՐԱՆՔՆԵՐԻ ԱՐՏԱՀԱՆՄԱՆ ՀՆԱՐԱՎՈՐՈՒԹՅՈՒՆՆԵՐԸ. ՀԱՆԴԻՊՈՒՄ-ՔՆՆԱՐԿՈՒՄ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏՈՒՄ
ԵՊՀ կառավարման և գործարարության ամբիոնի նախաձեռնությամբ այսօր Տնտեսագիտության և կառավարման ֆակուլտետի ավարտական կուրսի ուսանողները հանդիպել են «ՌեԱրմենիա» հարթակի տնօրեն Գևորգ Պողոսյանի հետ և քննարկել ստարտափերի ձևավորման ու զարգացման հեռանկարները և համաշխարհային շուկայում ներկայանալու հնարավորությունները: