07.02.2019 | 
Քաղաքականություն
ՄԱՍՆԱԳԻՏՈՒԹՅԱՆ ԸՆՏՐՈՒԹՅՈՒՆ. ՔԻՄԻԱՅԻ ՖԱԿՈՒԼՏԵՏԸ ՀՅՈՒՐԸՆԿԱԼԵՑ ԱՎԱԳ ԴՊՐՈՑԻ ԱՇԱԿԵՐՏՆԵՐԻՆ
ՄԱՍՆԱԳԻՏՈՒԹՅԱՆ ԸՆՏՐՈՒԹՅՈՒՆ. ՔԻՄԻԱՅԻ ՖԱԿՈՒԼՏԵՏԸ ՀՅՈՒՐԸՆԿԱԼԵՑ ԱՎԱԳ ԴՊՐՈՑԻ ԱՇԱԿԵՐՏՆԵՐԻՆ
Երևանի թիվ 159 դպրոցի 10-րդ և 11-րդ դասարանների աշակերտներն այսօր հյուրընկալվել էին ԵՊՀ քիմիայի ֆակուլտետում:

Աշակերտներին ողջունեց ֆակուլտետի դեկանի տեղակալ Արմեն Գալստյանը:

Վերջինս աշակերտներին ներկայացրեց ֆակուլտետի կառուցվածքն ու  գործունեությունը:

«Ֆակուլտետում կրթությունն իրականացվում է ժամանակակից սարքավորումներով հագեցած լաբորատորիաներում,- ասաց Արմեն Գալստյանը,- որոնք հնարավորություն են տալիս պատրաստելու այդ ոլորտում մեծ պահանջարկ ունեցող բանիմաց մասնագետներ:

 

Այնուհետև աշակերտները շրջեցին ֆակուլտետի լաբորատորիաներով և ծանոթացան սարքավորումներին:

Նրանց համար ֆակուլտետի աշխատակիցներն իրականացրին հետաքրքրաշարժ փորձեր, ծանոթացրին ամբիոներում կատարվող գիտական և ուսումնական աշխատանքներին:

Ֆակուլտետի անօրգանական և անալիտիկ քիմիայի ամբիոնի դոցենտ Ռոբերտ Ադամյանն էլ աշակերտներին հնարավորություն տվեց քիմիայի դասի ժամանակ ստացած տեսական գիտելիքները գործնականում կիրառել:

 

Աշակերտները մեծագույն ոգևորվածությամբ և հետաքրքրասիրությամբ հետևում էին այն բոլոր փորձերին, որոնք իրականացնում էր Ռոբերտ Ադամյանը:

Վերջում Ռոբերտ Ադամյանը նշեց, որ այս այցելությունը լավ հնարավորություն է ավագ դպրոցի աշակերտների համար, որը կօգնի կողմնորոշվել մասնագիտության ընտրության հարցում:

Այլ նորություններ
ՀԱՍՏԻՔԱՑՈՒՑԱԿԻ ՀԱՍՏԱՏՈՒՄ ԵՎ ԿԱՌՈՒՑՎԱԾՔԱՅԻՆ ՓՈՓՈԽՈՒԹՅՈՒՆՆԵՐ. ՏԵՂԻ Է ՈՒՆԵՑԵԼ ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՆԻՍՏԸ
Օրակարգային երեք հարցով տեղի է ունեցել ԵՊՀ հոգաբարձուների խորհրդի նիստը, որն անցկացվել է հարցման կարգով:
ԵՊՀ ՀՈԳԱԲԱՐՁՈՒՆԵՐԻ ԽՈՐՀՐԴԻ ՔԱՐՏՈՒՂԱՐԸ ՊԱՐԶԱԲԱՆՈՒՄ Է. ԵՊՀ ԿԱՆՈՆԱԴՐՈՒԹՅՈՒՆԸ ՉԻ ԽԱԽՏՎԵԼ
ԵՊՀ ուսանողների հետ տարվող աշխատանքների կենտրոնի լուծարման հետ կապված այսօր հնչել է կարծիք, որ Հոգաբարձուների խորհրդի գումարվող նիստը խախտում է ԵՊՀ կանոնադրությունը՝ հակասելով «Երևանի պետական համալսարան» հիմնադրամի կանոնադրության 49-րդ հոդվածի 2-րդ կետին։