07.12.2018 | 
Քաղաքականություն
ԴՊՐՈՑԱԿԱՆՆԵՐԸ ԵՊՀ-ՈՒՄ ԾԱՆՈԹԱՑԱՆ ԱՆՉԱՓԱՀԱՍՆԵՐԻ` ՀՀ ՍԱՀՄԱՆԱԴՐՈՒԹՅԱՄԲ ԵՐԱՇԽԱՎՈՐՎԱԾ ԻՐԱՎՈՒՆՔՆԵՐԻՆ
ԴՊՐՈՑԱԿԱՆՆԵՐԸ ԵՊՀ-ՈՒՄ ԾԱՆՈԹԱՑԱՆ ԱՆՉԱՓԱՀԱՍՆԵՐԻ` ՀՀ ՍԱՀՄԱՆԱԴՐՈՒԹՅԱՄԲ ԵՐԱՇԽԱՎՈՐՎԱԾ ԻՐԱՎՈՒՆՔՆԵՐԻՆ
ԵՊՀ մինչհամալսարանական կրթության վարչության կողմից իրականացվող «Մասնագիտական կողմնորոշման օր» ծրագրի շրջանակում այսօր Երևանի N 170 ավագ դպրոցի 11-րդ դասարանի աշակերտները Մայր բուհի կրթական ծրագրերին ծանոթանալու նպատակով այցելեցին ԵՊՀ իրավագիտության և միջազգային հարաբերությունների ֆակուլտետներ:

Իրավագիտության ֆակուլտետում աշակերտներին դիմավորեց ֆակուլտետի իրավաբանական կլինիկայի խորհրդատու Գոհար Ավագյանը, որը նրանց ներկայացրեց ֆակուլտետի կրթական ծրագրերը և Իրավաբանական կլինիկայի գործունեության կարգը:

Հանդիպման ընթացքում Գոհար Ավագյանն ապագա ուսանողներին պատմեց մարդու հիմնարար իրավունքների ու ազատությունների, մարդու իրավունքների և պարտականությունների տարբերությունների մասին, ինչպես նաև ներկայացրեց անչափահասների` ՀՀ Սահմանադրությամբ երաշխավորված իրավունքները: 

Նա ավելի մանրամասն նկարագրեց, թե ինչպես անչափահասները կարող են վերականգնել ու պաշտպանել իրենց խախտված իրավունքները: Հանդիպման ընթացքում աշակերտներին ներկայացվեցին ՀՀ գործող դատական ատյանների կարգը, ՀՀ Սահմանադրությամբ երաշխավորված իրավունքները, մասնավորապես կրթության և խոսքի ազատության իրավունքները: Գ. Ավագյանը խոսեց նաև անմեղության կանխավարկածի սկզբունքի մասին:

Հարցուպատասխանի միջոցով աշակերտների համար պարզաբանեցին ՀՀ քրեական դատավարության հետ կապված որոշակի հիմնարար սկզբունքներ, ինչպես նաև ՀՀ քրեական օրենսդրության մեջ կողոպուտի, շորթման և գողության տարբերությունները:

Ըստ Գ. Ավագյանի՝ նման հանդիպումները բարձրացնում են աշակերտների իրավագիտակցության մակարդակը:   

 

Հաջորդ հանդիպումը ԵՊՀ միջազգային հարաբերությունների ֆակուլտետում էր:

Դիվանագիտական ծառայության և մասնագիտական հաղորդակցման ամբիոնի վարիչ Նուբար Չալըմյանն աշակերտներին ներկայացրեց ֆակուլտետի կառուցվածքը, ինչպես նաև մասնագիտական առաձնահատկությունները:

 

Կարևորելով օտար լեզուների իմացությունը՝ պարոն Չալըմյանը նշեց, որ դիվանագետի լավագույն զենքը հենց օտար լեզվի իմացությունն է:

Աշակերտները ոգևորությամբ մասնակցեցին դասին: Նրանցից Էմիլ Չոբանյանը նպատակ ունի ընտրելու հենց դիվանագետի մասնագիտությունը:

 

Էմիլի բնորոշմամբ, այս այցը լավագույն օգնությունն էր աշակերտներին:

 

 

Այլ նորություններ
«ՍՈՎՈՐԵՔ ԳԻՐՔԸ ԿԱՐԴԱԼ ԹՈՒՂԹ ՈՒ ԳՐԻՉՈՎ, ՈՐ ԱՅՆՏԵՂ ԱՌԿԱ ՄՏՔԵՐԸ, ՆՈՐՈՒԹՅՈՒՆՆԵՐԸ, ԻՐԱԴԱՐՁՈՒԹՅՈՒՆՆԵՐԸ, ՄԱՐԴԿԱՅԻՆ ՏԻՊԵՐԸ ՎԵՐԼՈՒԾԵՔ ՈՒ ՊԱՏԿԵՐԵՔ ՍԵՓԱԿԱՆ ԳՐՉՈՎ». ԱՐԾՐՈՒՆ ԱՎԱԳՅԱՆ
«Մայրենիի օրվա» կապակցությամբ այսօր Երևանի Խրիմյան Հայրիկի անվան թիվ 10 հիմնական դպրոց էր հյուրընկալվել ԵՊՀ հայ բանասիրության ֆակուլտետի դեկան Արծրուն Ավագյանը:
ՆԱԽԱԳԾԵՐԻ ԸՆԴՈՒՆՈՒՄ, ՆՈՐ ՈՐՈՇՈՒՄՆԵՐ, ԲՈՒՌՆ ՔՆՆԱՐԿՈՒՄՆԵՐ. ՏԵՂԻ ՈՒՆԵՑԱՎ ԵՊՀ ԳԻՏԽՈՐՀՐԴԻ ՆԻՍՏԸ
Օրակարգային 7 և ընթացիկ հարցերով այսօր տեղի ունեցավ ԵՊՀ գիտխորհրդի հերթական նիստը: