17.05.2018 | 
Կրթություն
«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐԻ ԱՇԱԿԵՐՏՆԵՐՆ ԱՅՑԵԼԵՑԻՆ ԵՊՀ ՌԱԴԻՈՖԻԶԻԿԱՅԻ ՖԱԿՈՒԼՏԵՏ
«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐԻ ԱՇԱԿԵՐՏՆԵՐՆ ԱՅՑԵԼԵՑԻՆ ԵՊՀ ՌԱԴԻՈՖԻԶԻԿԱՅԻ ՖԱԿՈՒԼՏԵՏ
Այսօր ԵՊՀ մինչհամալսարանական կրթության վարչության և Կիսահաղորդիչների ֆիզիկայի և միկրոէլեկտրոնիկայի ամբիոնի նախաձեռնությամբ «Մխիթար Սեբաստացի» կրթահամալիրի 7-րդ դասարանի աշակերտներն այցելեցին ԵՊՀ ռադիոֆիզիկայի ֆակուլտետ:

Նրանք հանդիպեցին Կիսահաղորդիչների ֆիզիկայի և միկրոէլեկտրոնիկայի ամբիոնի վարիչ Վլադիմիր Հարությունյանի հետ, ով աշակերտներին պատմեց ամբիոնի գործունեության մասին:

 

Կիսահաղորդիչների ֆիզիկայի և միկրոէլեկտրոնիկայի ամբիոնի դասախոս, ուսումնական լաբորատորիայի վարիչ Միքայել Ալեքսանյանը դպրոցականներին ներկայացրեց ԵՊՀ ֆիզիկատեխնիկական հետազոտությունների կենտրոնի սարքավորումները:

 

Մ. Ալեքսանյանը մեզ հետ զրուցում նշեց, որ արդեն ավանդույթ է դարձել Կիսահաղորդիչների ֆիզիկայի և միկրոէլեկտրոնիկայի ամբիոնում հյուրընկալել հանրապետության տարբեր դպրոցների աշակերտներին և ներկայացնել ֆակուլտետի ուսումնական լաբորատորիայի աշխատանքները: Նրա խոսքով, այցի նպատակն է աշակերտներին օգնել մասնագիտության ընտրության հարցում ճիշտ կողմնորոշվել, ինչպես նաև պատմել ռադիոֆիզիկայի ֆակուլտետի գործունեության մասին:

 

«Վերջին տասնամյակում երկրորդ պլանում են հայտնվել ճշգրիտ հիմնարար գիտությունները, այդ իսկ պատճառով Ռադիոֆիզիկայի ֆակուլտետի թե՛ դասախոսները, թե՛ աշխատակիցները դեռևս շատ աշխատանքներ ունեն անելու, որպեսզի ֆակուլտետը գրավիչ ներկայանա դիմորդների համար: Այժմ ավելի շատ գովազդվում են ոչ ճշգրիտ մասնագիտությունները, սակայն երկրի տնտեսության հիմքը բարձր տեխնոլոգիաներն են: Այսօր աշխարհում չափազանց կարևոր է լավ ֆիզիկոս և ռադիոֆիզիկոս պատրաստելը»,- հավելեց նա:

 

Նադեժդա Տեր-Աբրահամյան

 

 

 

Այլ նորություններ
«ԱՍՏՂԱԳԻՏՈՒԹՅԱՆ ԿԱՊՆ ԱՅԼ ԳԻՏՈՒԹՅՈՒՆՆԵՐԻ ՀԵՏ». ՊԱՐԶԱԲԱՆՈՒՄ Է ԲՅՈՒՐԱԿԱՆԻ ԱՍՏՂԱԴԻՏԱՐԱՆԻ ՏՆՕՐԵՆ ԱՐԵԳ ՄԻՔԱՅԵԼՅԱՆԸ
ԵՊՀ քիմիայի ֆակուլտետի ՈՒԳԸ-ն Ֆարմացիայի ինստիտուտի ՈՒԳԸ-ի հետ համատեղ կազմակերպել էր պլենար դասախոսություն, որը վարում էր ՀՀ ԳԱԱ Վ. Համբարձումյանի անվան Բյուրականի աստղադիտարանի տնօրեն Արեգ Միքայելյանը:
ԵՐԿՈՒ ՆՈՐ ԴԱՍԱԳԻՐՔ. ԵՊՀ-ՈՒՄ ՌՈՒՍԵՐԵՆԻ ԴԱՍԱՎԱՆԴՈՒՄՆ ԱՎԵԼԻ ԱՐԴՅՈՒՆԱՎԵՏ Է ԴԱՐՁԵԼ
ԵՊՀ ռուս բանասիրության ֆակուլտետը երկու դասագիրք է հրատարակել։