28.09.2017 | 
Հասարակություն
ՄԱՅՐ ԲՈՒՀԸ ՀՅՈՒՐԸՆԿԱԼԵԼ ԷՐ ԻՐ ԱՊԱԳԱ ՍԱՆԵՐԻՆ
ՄԱՅՐ ԲՈՒՀԸ ՀՅՈՒՐԸՆԿԱԼԵԼ ԷՐ ԻՐ ԱՊԱԳԱ ՍԱՆԵՐԻՆ
Սեպտեմբերի 27-ին հ. 42, 103 և 105 ավագ դպրոցների մի խումբ աշակերտներ այցելեցին ԵՊՀ ֆիզիկայի և կենսաբանության ֆակուլտետներ:

ԵՊՀ մինչհամալսարանական կրթության վարչության կողմից կազմակերպված այցի նպատակը դպրոցների ավարտական դասարանների աշակերտների մասնագիտական կողմնորոշմանը նպաստելը, իրազեկության մակարդակը բարձրացնելը և դեպի ԵՊՀ ուղղորդելն էր:

 

Ինչպես մեզ հետ զրույցում ասաց ԵՊՀ մինչհամալսարանական կրթության վարչության պետ Վաչագան Գալստյանը, այցերը հնարավորություն են տալիս ապագա ուսանողներին տեղում ծանոթանալու ուսումնական գործընթացի կազմակերպմանն ու անցկացմանը:

 

 

Ապագա ուսանողներին ԵՊՀ ֆիզիկայի ֆակուլտետում դիմավորեցին ֆակուլտետի դեկանի տեղակալ Լևոն Ասլանյանը և դասախոս Ժիրայր Նինոյանը, իսկ Կենսաբանության ֆակուլտետում՝ դեկանի տեղակալ Կարեն Ղազարյանը, ինչպես նաև դասախոսներ Գալինա Հովհաննիսյանը և Ինգա Բազուկյանը:

 

Հանդիպման ընթացքում աշակերտները ոչ միայն ծանոթացան Մայր բուհի պատմությանը, կրթական ծրագրերին, այլև լսեցին դասախոսություններ և իրականացրին փորձեր:

 

ԵՊՀ մինչհամալսարանական կրթության վարչության աշխատակից Սաթենիկ Աբրահամյանը փաստեց, որ վարչության աշխատանքները շարունակական են լինելու:

 

Այլ նորություններ
Ո՞ՐՆ Է ԼԱԶԱՐՅԱՆՆԵՐ ՏՈՀՄԻ ՀԱՋՈՂՈՒԹՅԱՆ ԳԱՂՏՆԻՔԸ. ՊԱՐԶԱԲԱՆՈՒՄ  Է ԵՊՀ ՊԱՏՄԱԿԱՆ ԳԻՏՈՒԹՅՈՒՆՆԵՐԻ ԴՈԿՏՈՐ, ՊՐՈՖԵՍՈՐ ՀԱՅԿԱԶ ՀՈՎՀԱՆՆԻՍՅԱՆԸ
Պատմական գիտությունների դոկտոր, պրոֆեսոր Հայկազ Հովհաննիսյանի ներկայացրած «Մատենադարանի Լազարյանների արխիվը որպես 18‐19‐րդ դարերի հայոց պատմության սկզբնաղբյուր» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
ՆՈՐ ՀԱՄԱԳՈՐԾԱԿՑՈՒԹՅՈՒՆ ՀԱՅԱԳԻՏՈՒԹՅԱՆ ՈԼՈՐՏՈՒՄ ԿԱԼԻՖՈՐՆԻԱՅԻ ՀԱՄԱԼՍԱՐԱՆԻ ՀԵՏ
Այսօր ԵՊՀ ռեկտորը հյուրընկալել էր Կալիֆորնիայի համալսարանի կանցլեր Ջեն Բլոկին և պրոֆեսոր Էրիկ Իսրայելյանին: