09.11.2018 | 
Հասարակություն
ԲԱՑ ԴՌՆԵՐԻ ՕՐ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՈՒՄ
 ԲԱՑ ԴՌՆԵՐԻ ՕՐ ԿԵՆՍԱԲԱՆՈՒԹՅԱՆ ՖԱԿՈՒԼՏԵՏՈՒՄ
ԵՊՀ կենսաբանության ֆակուլտետում այսօր բաց դռների օր էր:

Ֆակուլտետը հյուրընկալել էր Երևանի N 139 և N 184 ավագ և N 108 միջնակարգ դպրոցների ավարտական դասարանների աշակերտները:

Աշակերտներին սկզբում դիմավորեց Մինչհամալսարանական կրթության վարչության աշխատակից Սաթենիկ Աբրահամյանը, որից հետո նրանք հանդիպեցին Կենսաբանության ֆակուլտետի մարդու և կենդանիների ֆիզիոլոգիայի ամբիոնի վարիչ Աննա Կարապետյանի, Բուսաբանության և սնկաբանության ամբիոնի վարիչ Սիրանուշ Նանագյուլյանին ու Էկոլոգիայի և բնության պահպանության ամբիոնի վարիչի պաշտոնակատար, դեկանի տեղակալ Կարեն Ղազարյանի հետ:

Աննա Կարապետյանն աշակերտներին ներկայացրեց Կենսաբանության ֆակուլտետի կառուցվածքը, մասնագիտության առանձնահատկություններն ու նրբությունները. «Կենսաբանությունը մի գիտություն է, որը փոխկապակցված է բոլոր գիտությունների հետ: Մարդը կենսաբանությանն առնչվում է ողջ կյանքի ընթացքում»,- ասաց ամբիոնի վարիչը:

Վերջինս անդրադարձավ մարդուն, բնությանն ու կենդանական աշխարհին սպառնացող խնդիրներին, վտանգներին և հրավիրեց աշակերտների ուշադրությունը:



Բուսաբանության և սնկաբանության ամբիոնի կարևորության և հիմնախնդիրների մասին խոսեց ամբիոնի վարիչ Սիրանուշ Նանագյուլյանը: Նա ներկայացրեց, թե որքան պահանջված են աշխատաշուկայում բուսաբաններն ու սնկաբանները:

Ծանոթանալով ֆակուլտետի կառուցվածքին՝ աշակերտները շրջեցին ամբիոներով, ստացան իրենց հուզող հարցերի պատասխանները, լսեցին դասախոսություններ:

Երևանի N108 միջնակարգ դպրոցի «Կենսաբանություն» առարկայի ուսուցչուհին Ն. Անատոլյանը, որը հենց Կենսաբանության ֆակուլտետի շրջանավարտներից է, փաստեց, որ այս այցելություններն օգնում են աշակերտներին մասնագիտության կողմնորոշման հարցում:

Անգին Խաչատրյան

Այլ նորություններ
«ՀԱՅԱԳԻՏՈՒԹՅՈՒՆԸ, ԼԻՆԻ ՀԱՅԱՍՏԱՆՈՒՄ, ԹԵ ԱՐՏԵՐԿՐՈՒՄ, ՊԵՏՔ Է ՇԱՐՈՒՆԱԿ ՆԵՐԿԱՅԱՑՆԻ ՄԵՐ ՀՈԳԵՎՈՐ ՈՒ ՆՅՈՒԹԱԿԱՆ ՄՇԱԿՈՒՅԹԻ ՄԱՐԳԱՐՏԱՀԱՏԻԿՆԵՐԸ». ՀԱՅԱԳԻՏԱԿԱՆ ԾՐԱԳՐԵՐԻ ՄԵԿՆԱՐԿ ԼՈՍ ԱՆՋԵԼԵՍՈՒՄ
Վերջերս Լոս Անջելեսում մեկնարկել են հայագիտական ծրագրերի լայն ուսումնասիրություններ։ ԱՄՆ-ի արևմտյան թեմի առաջնորդարանի հովանու ներքո իրականացվող ծրագրերին մասնակցել է բանասիրական գիտ. թեկնածու, դոցենտ Նորայր Պողոսյանը:
ԵՐԿՐԻ ՄԱԳՆԻՍԱԿԱՆ ԴԱՇՏՆ ԱՆԿԱՆՈՆ ՎԱՐՔ Է ԴՐՍԵՎՈՐՈՒՄ. ՄԱՍՆԱԳԵՏՆԵՐԸ ԴԵՌԵՎՍ ԲԱՑԱՏՐՈՒԹՅՈՒՆ ՉՈՒՆԵՆ
Հյուսիսային մագնիսական բևեռն անկախատեսելիորեն Կանադայից շարժվում է դեպի Սիբիր: Շարժումը ստիպում է փորձագետներին այսօր թարմացնել աշխարհի մագնիսական մոդելը (World Magnetic Model), որն օգնում է գլոբալ նավիգացիային: