27.10.2017 | 
Քաղաքականություն
ԱՊԱԳԱ ԴԻՄՈՐԴՆԵՐՆ ԱՅՑԵԼԵՑԻՆ ԵՊՀ
ԱՊԱԳԱ ԴԻՄՈՐԴՆԵՐՆ ԱՅՑԵԼԵՑԻՆ ԵՊՀ
ԵՊՀ մինչհամալսարանական կրթության վարչությունը շարունակում է կազմակերպել ավագ դպրոցների աշակերտների այցերը Մայր բուհ:

Մասնագիտական կողմնորոշման նպատակով «Քվանտ» վարժարանի և համար 198 ավագ դպրոցի աշակերտներն այսօր այցելեցին ԵՊՀ կենսաբանության, ֆիզիկայի, քիմիայի, պատմության, ռոմանագերմանական բանասիրության ֆակուլտետներ:

 

Քիմիայի ֆակուլտետում հյուրընկալված հ. 198 ավագ դպրոցի աշակերտները հնարավորություն ունեցան ծանոթանալու ֆակուլտետի լաբորատորիաներին և փորձերի օգնությամբ ամրապնդելու դպրոցում ստացած տեսական գիտելիքները:

 

Ավագ դպրոցի կենսաբանության և քիմիայի ուսուցչուհի Լուսինե Բալայանը կարևորեց համալսարանի հետ համագործակցությունը և նշեց, որ այն նպաստում է կրթության որակի, արդյունավետության բարձրացմանը. «Որպես խորացված հոսքի ուսուցման մեթոդ` մեր համագործակցությունը իրականացնում ենք այսպես: Դպրոցն այսպիսի նյութական բազա չունի, այդ պատճառով փորձում ենք գործնական ուսուցման բացը լրացնել համալսարան այցելություններով»:

 

ԵՊՀ քիմիայի ֆակուլտետի օրգանական քիմիայի ասիստենտ Հայաստան Ալվանջյանը հ. 198 ավագ դպրոցում հանդես է եկել դասախոսությամբ. «Դասընթացի համապատասխան մասն ավարտելուց հետո այստեղ՝ ֆակուլտետում, այսօր կատարում ենք փորձեր աշակերտների տեսական գիտելիքները գործնականում կիրառելու համար»:

 

Տիկին Ալվանջյանի խոսքով՝ այս համագործակցությունը հստակեցնում է աշակերտների ակնկալիքները ապագա մասնագիտությունից, ինչպես նաև խթանում է նրանց հետաքրքրությունը առարկայի, համալսարանի նկատմամբ. «Քիմիան այն առարկան չէ, որը կարելի է հասկանալ միայն տեսական մակարդակով: Գործնական հմտությունների զարգացումն ու կիրառումը ավելացնում են աշակերտների սերը դասընթացի նկատմամբ»:

 

Քիմիայի ֆակուլտետի օրգանական քիմիայի ամբիոնի լաբորանտ Լիլիթ Արիստակեսյանն էլ աշակերտներին ծանոթացրեց լաբորատորիաներում անվտանգության և քիմիական նյութերի հետ շփման կանոններին:

 

 

Ռոմանագերմանական բանասիրության ֆակուլտետի արտասահմանյան գրականության ամբիոնում «Քվանտ» վարժարանի սաները հնարավորություն ունեցան ավելի հանգամանալից ծանոթանալու Շեքսպիրի ստեղծագործություններից մի քանիսին: Հանդիպումն ընթանում էր նաև հարց ու պատասխանի ձևաչափով:

Այլ նորություններ
ԴԱՍԱԽՈՍՈՒԹՅՈՒՆ՝ ՎՐԱՑ-ՕՍԱԿԱՆ ԵՎ ՎՐԱՑ-ԱԲԽԱԶԱԿԱՆ ԿՈՆՖԼԻԿՏՆԵՐԻ ՄԱՍԻՆ
Այսօր ԵՊՀ միջազգային հարաբերությունների ֆակուլտետում ուսանողների համար «Մերօրյա հակամարտություններ. վրաց-օսական և վրաց-աբխազական կոնֆլիկտներ» թեմայով դասախոսությամբ հանդես եկավ Միջազգային հարաբերությունների ֆակուլտետի «Տարածաշրջանային քաղաքականություն» մագիստրոսական ծրագրի շրջանավարտ Լենա Զաքարյանը:
ԵՊՀ ԻՆՖՈՐՄԱՏԻԿԱՅԻ ԵՎ ԿԻՐԱՌԱԿԱՆ ՄԱԹԵՄԱՏԻԿԱՅԻ ՖԱԿՈՒԼՏԵՏԻ ԴԵԿԱՆ Է ՎԵՐԸՆՏՐՎԵԼ ՎԱՀՐԱՄ ԴՈՒՄԱՆՅԱՆԸ
ԵՊՀ ինֆորմատիկայի և կիրառական մաթեմատիկայի ֆակուլտետի գիտխորհրդի նիստում 21 կողմ ձայնով ֆակուլտետի դեկան է վերընտրվել ֆիզիկամաթեմատիկական գիտությունների դոկտոր, պրոֆեսոր Վահրամ Դումանյանը: Նշենք, որ ընտրությունն անցկացվել է մայիսի 11-ին, որին ներկա է եղել ԵՊՀ ռեկտոր Արամ Սիմոնյանը: