06.05.2019 | 
Քաղաքականություն
ԵՊՀ ՌԵԿՏՈՐԸ ՀԱՆԴԻՊԵՑ ՅՈՀԱՆՆԵՍ ԼԵՓՍԻՈՒՍԻ ԹՈՌ ՄԱՆՖՐԵԴ ԱՇԵԿԻ ԵՎ «LEPSIUSHAUS»-Ի ՏՆՕՐԵՆ ՌՈԼՖ ՀՈՍՖԵԼԴԻ ՀԵՏ
ԵՊՀ ՌԵԿՏՈՐԸ ՀԱՆԴԻՊԵՑ ՅՈՀԱՆՆԵՍ ԼԵՓՍԻՈՒՍԻ ԹՈՌ ՄԱՆՖՐԵԴ ԱՇԵԿԻ ԵՎ «LEPSIUSHAUS»-Ի ՏՆՕՐԵՆ ՌՈԼՖ ՀՈՍՖԵԼԴԻ ՀԵՏ
ԵՊՀ ռեկտոր Արամ Սիմոնյանն իր աշխատասենյակում այսօր ընդունեց Յոհաննես Լեփսիուսի թոռ Մանֆրեդ Աշեկին և «Lepsiushaus»-ի՝ Պոտսդամում Լեփսիուսի տուն-թանգարանի տնօրեն Ռոլֆ Հոսֆելդին:

Միջոցառումը կազմակերպել էր Միջազգային համագործակցության վարչությունը:

Հանդիպմանը ներկա էին Ուսումնական աշխատանքների գծով պրոռեկտոր Մենուա Սողոմոնյանը, Գիտական քաղաքականության և միջազգային համագործակցության գծով պրոռեկտոր Արսեն Բաբաջանյանը, պատմական գիտությունների դոկտոր, պրոֆեսոր Աշոտ Հայրունին:

Ռեկտորը նախ ողջունեց հյուրերին, ապա ներկայացրեց համալսարանի հիմնադրման պատմությունը և կառուցվածքը, անդրադարձավ ԵՊՀ-ում գործող կրթական ծրագրերին, գիտական գործունեությանը, միջազգային համագործակցությանը:

Արամ Սիմոնյանը պատմեց նաև Գերմանական բանասիրության ամբիոնի գործունեության, դասախոսներին գերմանական համալսարաններ վերապատրաստման ուղարկելու մասին:

Ուսումնական աշխատանքների գծով պրոռեկտոր Մենուա Սողոմոնյանը ներկայացրեց ԵՊՀ-ի՝ «Erasmus+» ծրագրին անդամակցելու մանրամասները՝ անդրադառնալով գերմանական համալսարանների հետ համագործակցությանը:

Մանֆրեդ Աշեկն իր խորին շնորհակալությունը հայտնեց հյուրընկալության համար և մատնանշեց հայերի՝ Յոհաննես Լեփսիուսի ժառանգության նկատմամբ սրտացավ վերաբերմունքը:

Նա կարևորեց հայ-գերմանական հարաբերությունները, որոնց կայացման գործում մեծ են Լեփսիուսի և այլ երախտավորների ջանքերը:

 


Մարի Ռաֆյան

Այլ նորություններ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԳԻՏԱԿԱՆ ԽՈՐՀՐԴԻ ՀԱՅՏԱՐԱՐՈՒԹՅՈՒՆ
Ղեկավարվելով «Երևանի պետական համալսարան» հիմնադրամի կանոնադրության 49-րդ կետի 12-րդ ենթակետով, ԵՊՀ գիտական խորհրդի կանոնակարգի 4-րդ կետի 12-րդ ենթակետով՝ ԵՊՀ գիտական խորհուրդը ընդունում է հետևյալ հայտարարությունը.
ՀԱՅՏՆԻ Է ՀՈԳԱԲԱՐՁՈՒՆԵՐԻ ԽՈՐՀՐԴԻ՝ ՀԱՄԱԼՍԱՐԱՆԱԿԱՆ ԿԱԶՄԻ 8-ՐԴ ԱՆԴԱՄԸ. ԱՄՓՈՓՎԵԼ ԵՆ ՔՎԵԱՐԿՈՒԹՅԱՆ ԵՐԿՐՈՐԴ ՓՈՒԼԻ ԱՐԴՅՈՒՆՔՆԵՐԸ
ԵՊՀ մեծ դահլիճում այսօր տեղի է ունեցել Հոգաբարձուների խորհրդի՝ համալսարանի ստորաբաժանումներից առաջադրված պրոֆեսորադասախոսական կազմի թեկնածուների ընտրության երկրորդ փուլը: