05.10.2017 | 
Կրթություն
ՀԱՋՈՂՎԱԾ ՀԱՄԱԳՈՐԾԱԿՑՈՒԹՅԱՆ ԵՎՍ ՄԵԿ ՕՐԻՆԱԿ
ՀԱՋՈՂՎԱԾ ՀԱՄԱԳՈՐԾԱԿՑՈՒԹՅԱՆ ԵՎՍ ՄԵԿ ՕՐԻՆԱԿ
ԵՊՀ և Ֆլորենցիայի համալսարանի ներկայացուցիչները ներկայացրին «Էրասմուս+» նախագծի շրջանակում համատեղ իրականացվող ծրագիրը:

Այսօր ԵՊՀ 6-րդ մասնաշենքի դահլիճում Ֆլորենցիայի համալսարանի պրոֆեսորադասախոսական կազմի ներկայացուցիչները Պատմության ֆակուլտետի դասախոսների և ԵՊՀ միջազգային համագործակցության վարչության աշխատակիցների հետ հանրությանը ներկայացրին միջազգային ծրագրի շրջանակում իրականացվող համագործակցությունը, ինչպես նաև մի քանի տարի շարունակ ընթացող «Մետաքսի ճանապարհ Հայաստան. Վայոց Ձոր» հետազոտական ծրագիրն ու արդյունքները:

 

Բացման խոսքով հանդես եկավ ԵՊՀ պատմության ֆակուլտետի դեկան Էդիկ Մինասյանը, ով իր գոհունակությունն ու երախտագիտությունը հայտնեց ոչ միայն իտալացի գործընկերներին, այլև ԵՊՀ ղեկավարությանը միջազգային հեղինակավոր ծրագրին մասնակցելու հնարավորություն ընձեռելու համար:

 

«Մետաքսի ճանապարհ Հայաստան. Վայոց Ձոր» հետազոտական ծրագրի ընթացքն ու ձեռքբերումների մասին խոսեց Պատմության ֆակուլտետի մշակութաբանության ամբիոնի վարիչ Համլետ Պետրոսյանը:

 

«Այս համագործակցության արդյունքում մենք ոչ միայն հնարավորություն ստացանք ուսումնասիրելու Մետաքսի ճանապարհը, այլև մեր ուսանողներից մի քանիսը մասնակցեցին Ֆլորենցիայի համալսարանում ծանոթացան և մասնակցեցին մշակութային ժառանգության պահպանման, հետազոտման և հանրահռչակման գործընթացներին»,- ասաց պրոֆեսորը:

 

ԵՊՀ միջազգային կապերին, գործընկեր բուհերի ընձեռած հնարավորություններին,  համալսարանականների՝ կրթական ծրագրերին մասնակցության և արտասահմանյան բուհերի հետ փոխանական ծրագրերի մասին խոսեց Միջազգային համագործակցության վարչության մասնագետ Նաիրա Մնացականյանը: Իսկ Ֆլորենցիայի համալսարանի միջազգային համագործակցությունը ներկայացրեց Լորելլա Պալլան:

 

 

Ելույթներից հետո իտալացի մասնագետները հայ գործընկերներին և ուսանողներին տեսապատկերների միջոցով պատմեցին Մետքասի ճանապարհի հետազոտությանը վերաբերող որոշ տվյալներ, Վայոց Ձորի հատվածի փաստագրման աշխատանքները, փաստագրումից դեպի տեղական զարգացմանն ու հանրայնացմանն ուղղված գործընթացները:

Այլ նորություններ
«ԿԱՐՈՂ ԵՆ ԱՐԴՅՈ՞Ք ՊԵՏԱԿԱՆ ԻՆՍՏԻՏՈՒՏՆԵՐԸ ԿԱՆԽՈՐՈՇԵԼ ՏՆՏԵՍԱԿԱՆ ԱՃԸ». ՊԱՐԶԱԲԱՆՈՒՄ Է ԵՊՀ ՏՆՏԵՍԱԳԻՏՈՒԹՅԱՆ ԹԵԿՆԱԾՈՒ, ԴՈՑԵՆՏ ԿԱՌԼԵՆ ԽԱՉԱՏՐՅԱՆԸ
ԵՊՀ տնտեսագիտության և կառավարման ֆակուլտետի կառավարման և գործարարության ամբիոնի վարիչ, տնտեսագիտության թեկնածու, դոցենտ Կառլեն Խաչատրյանի ներկայացրած «Պետության ինստիտուտների կայացվածությունը ` որպես տնտեսական աճի ապահովման հիմնական գործոն» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
«ԳԵԹ ՄԵԿ ԵՐԵԽԱՅԻ ԿՅԱՆՔԸ ՓՈԽԵԼՆ ԱՐԴԵՆ ՄԵԾ ՁԵՌՔԲԵՐՈՒՄ Է». «ԴԱՍԱՎԱՆԴԻ՛Ր, ՀԱՅԱՍՏԱՆ»-Ի ԼՈՒՍԱՎՈՐ ՈՒ ՄՈՒԹ ԿՈՂՄԵՐԸ
Ես Վարդուհի Մարգարյանն եմ: Սովորել եմ ԵՊՀ հոգեբանության ֆակուլտետում և մասնակցել «Դասավանդի՛ր, Հայաստան» ծրագրին ու աշխատել եմ որպես հատուկ մանկավարժ-հոգեբան Արմավիրի մարզի Վանանդի միջնակարգ դպրոցում: