10.03.2017 | 
Հասարակություն
ՆԵՐԿԱՅԱՑՎԵՑԻՆ ԲԱՆԿՈՒՄ ԱՇԽԱՏԵԼՈՒ ՀՆԱՐԱՎՈՐՈՒԹՅՈՒՆՆԵՐԸ
ՆԵՐԿԱՅԱՑՎԵՑԻՆ ԲԱՆԿՈՒՄ ԱՇԽԱՏԵԼՈՒ ՀՆԱՐԱՎՈՐՈՒԹՅՈՒՆՆԵՐԸ
Այսօր ԵՊՀ «Հովհաննես Ադամյան» սրահում տեղի ունեցավ հանդիպում «Ինեկոբանկ»-ի ներկայացուցիչների հետ:

Ծրագիրն իրականացվել է ԵՊՀ շրջանավարտների և կարիերայի կենտրոնի ու «Ինեկոբանկ»-ի համագործակցության արդյունքում: Նպատակն է բանկում ներգրավել վճռական, նպատակասլաց, նորարարական գաղափարներ ունեցող երիտասարդների:

 

Ծրագրին մասնակցելու հայտ են ներկայացրել 60 ուսանողներ և շրջանավարտներ: Հիմնական թիրախային խումբը բակալավրիատի ավարտական կուրսի և մագիստրատուրայի ուսանողներն են:

 

«Նախաձեռնությունը երիտասարդներին հնարավորություն է տալիս ծանոթանալու «Ինեկոբանկ»-ում իրենց կարիերայի կառուցման մոտեցումներին, այսինքն՝ թե ինչպես կարելի է աշխատանքի ընդունվել այնտեղ, ինչ թափուր աշխատատեղեր կան, որոնք են աշխատակիցներին առաջադրվող պահանջները»,- մեզ հետ զրույցում նշեց Շրջանավարտների և կարիերայի կենտրոնի աշխատակցուհի Արծվիկ Սարգսյանը:

 

Հանդիպման ընթացքում քննարկվեցին մասնակիցների կարծիքները աշխատանքի և գործատուների կողմից ներկայացվող չափանիշների վերաբերյալ. մեկի համար առաջնայինը խստությունն է, մյուսը նախընտրում է ընկերական միջավայրը: Բանկի ներկայացուցիչները վստահեցնում են, որ իրենց թիմում ջերմ մթնոլորտ է, ղեկավարությունը փորձում է բացահայտել յուրաքանչյուրի հնարավորությունները:

 

«Նախագծի շրջանակներում ուսանողներին գործնական գիտելիքներ ձեռք բերելու, ինքնադրսևորվելու, զարգանալու հնարավորություններ կընձեռվեն: Մենք փորձելու ենք գնահատել մասնակիցների անձնային որակական հատկանիշները, աշխարհայացքը, ձգտումները, ինչպես նաև համապատասխանությունը թափուր աշխատատեղերին»,- ասաց «Ինեկոբանկ»-ի անձնակազմի հավաքագրման և ընտրության բաժնի ղեկավարի ժամանակավոր պաշտոնակատար Աննա Դավթյանը:

 

Ինքնակենսագրականների հիման վրա մասնակիցների մի մասը կանցնի թեստավորում, որը ներառում է ֆինանսական և տրամաբանական հարցեր: Այս փուլը հաղթահարածները կհրավիրվեն հարցազրույցի, լավագույններն էլ աշխատանքի կանցնեն «Ինեկոբանկ»-ում: Թափուր աշխատատեղերի թվում ինչպես հաճախորդի հետ անմիջական շփում պարունակող, այնպես էլ չպարունակող հաստիքներ են: Նշենք նաև, որ մասնակիցները աշխատանքի ընդունվելու հնարավորություն կունենան և՛Երևանի, և՛ ՀՀ մարզերի մասնաճյուղերում:

 

Այլ նորություններ
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին:
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը: