08.11.2018 | 
Հասարակություն
ԳԻՏԱՀԵՏԱԶՈՏԱԿԱՆ ՍՏԱԺԱՎՈՐՈՒՄ ԵՊՀ-ՈՒՄ. ԱՍՏԱՆԱՅԻ ԵՎՐԱՍԻԱԿԱՆ ՀԱՄԱԼՍԱՐԱՆԻ 4 ՈՒՍԱՆՈՂՆԵՐ ՔԻՄԻԱՅԻ ՖԱԿՈՒԼՏԵՏՈՒՄ ԷԻՆ
ԳԻՏԱՀԵՏԱԶՈՏԱԿԱՆ ՍՏԱԺԱՎՈՐՈՒՄ ԵՊՀ-ՈՒՄ. ԱՍՏԱՆԱՅԻ ԵՎՐԱՍԻԱԿԱՆ ՀԱՄԱԼՍԱՐԱՆԻ 4 ՈՒՍԱՆՈՂՆԵՐ ՔԻՄԻԱՅԻ ՖԱԿՈՒԼՏԵՏՈՒՄ ԷԻՆ
Աստանայի Լ. Ն. Գումիլյովի անվան Եվրասիական համալսարանի չորս մագիստրանտներ 10-օրյա ժամկետով ԵՊՀ քիմիայի ֆակուլտետում անցնում են գիտահետազոտական ստաժավորում, ինչպես նաև ֆակուլտետի ներկայացուցիչների ուղեկցությամբ մասնակցում մշակութային ծրագրերի:

ԵՊՀ-ի և Աստանայի Լ. Ն. Գումիլյովի անվան Եվրասիական համալսարանի միջև համագործակցության պայմանագրի շրջանակում մագիստրանտներ Գալիմ Բայբոլովը, Ինա Նուրախմետովան, Ժուլդիզ Ռամազանովան և Ալբինա Սմագուլովան նոյեմբերի 3-ից իրենց թեզերի վերաբերյալ քննարկումներ են անցկացնում Քիմիայի ֆակուլտետի պրոֆեսորադասախոսական կազմի ներկայացուցիչների հետ:

 

Եվրասիական համալսարանի մագիստրանտները լսել են մասնագիտական դասախոսություններ, շփվել ուսանողների հետ, ինչպես նաև այցելել են Սևան, տեսել Գառնիի հեթանոսական տաճարը, եղել են Մատենադարանում և այլ թանգարաններում:

 

Ղազախստանից ժամանած ուսանողներն այսօր Քիմիայի ֆակուլտետի պրոֆեսորադասախոսական կազմի ներկայացուցիչներին և ուսանողներին պատմեցին իրենց երկրի մասին՝ ներկայացնելով երկու խոշոր քաղաքների՝ Աստանայի և Ալմաթիի առանձնահատկությունները, ճարտարապետական նշանակալի կառույցներն ու կոթողները:

 

Մագիստրանտները պատմեցին նաև իրենց համալսարանի մասին՝ մասնավորապես խոսելով ֆակուլտետի կրթական ծրագրերի և լաբորատորիաների մասին: Ուսանողները վստահեցրին, որ Ղազախստանում առկա են օրգանական և անօրգանական նյութերի հսկայական քիմիական գործարաններ: Ըստ այդմ՝ քիմիկոսների պահանջարկը մեծ է:

 

Քնար Միսակյան

Այլ նորություններ
«ԻՏԱԼԵՐԵՆԸ ԵՊՀ-ՈՒՄ ԴԱՍԱՎԱՆԴՎՈՒՄ Է ՈՐՊԵՍ ՄԱՍՆԱԳԻՏԱԿԱՆ ԼԵԶՈՒ». ՀԱՄԱԼՍԱՐԱՆԸ ՀՅՈՒՐԸՆԿԱԼԵՑ ԻՏԱԼԻԱՅԻ ԴԵՍՊԱՆԻՆ
ՀՀ-ում Իտալիայում արտակարգ և լիազոր դեսպան Ն.Գ. պարոն Վինչենցո դել Մոնակոյին իր աշխատասենյակում հյուրընկալեց ԵՊՀ ռեկտոր Արամ Սիմոնյանը:
«ՀԱՅԵՐԸ ԵՎ ՃԱՊՈՆԱՑԻՆԵՐԸ ՇԱՏ ԸՆԴՀԱՆՐՈՒԹՅՈՒՆՆԵՐ ՈՒՆԵՆ». ՃԱՊՈՆԻԱՅԻ ԴԵՍՊԱՆԸ ՀՅՈՒՐԸՆԿԱԼՎԵԼ ԷՐ ԵՊՀ-ՈՒՄ
Ջուն Յամադայն այսօր հանդիպել է Միջազգային հարաբերությունների ֆակուլտետի պրոֆեսորադասախոսական կազմի և ուսանողների հետ: