Քննաշրջանի ընթացքում որևէ առարկայից դրական (10 և բարձր) միավոր ստացած ուսանողին տվյալ քննությունը վերահանձնել չի թույլատրվում, սակայն 10-ի շեմը չհաղթահարած ուսանողն ակադեմիական պարտքերի մարման շրջանում պետք է վերահանձնի եզրափակիչ քննությունը:

Դասընթացը համարվում է առարկայական պարտք, եթե ուսանողը տվյալ դասընթացի համար սահմանված բոլոր բաղադրիչներից կիսամյակի ընթացքում ստացել է 0 միավոր: Արդյունքում ուսանողը հնարավորություն ունի մինչև ավարտական ուսումնական տարվա սկիզբը վճարովի հիմունքներով կրկնելու դասընթացը և հանձնելու քննությունները, եթե առարկայական պարտքերի կրեդիտների գումարը չի գերազանցում 12 կրեդիտը: 

Ստուգարքային դասընթացի ստուգարքին չներկայացած ուսանողը հնարավորություն ունի այն հանձնելու ակադեմիական պարտքերի մարման շրջանում:

Եթե կրթական ծրագրում ակադեմիական պարտքերի մարման շրջանից հետո առաջացած առարկայական պարտքերի կրեդիտների գումարը չի գերազանցում 12-ը, ապա համաձայն սահմանված կարգի՝ ուսանողը հնարավորություն ունի առարկայական պարտքերը մարելու մինչև ավարտական ուսումնական տարվա սկիզբը՝ վճարովի հիմունքներով վերահանձնելով դասընթացները ևս 2 անգամ:

Քննաշրջանից և պարտքերի մարման շրջանից հետո ակադեմիական անբավարար առաջադիմություն ունեցող ուսանողի՝ համալսարանից հեռացման վերաբերյալ հրամանը տրվում է կիսամյակի քննաշրջանի ակադեմիական պարտքերի վերահանձնման արդյունքների ամփոփումից հետո՝ համաձայն ԵՊՀ ռեկտորատի սահմանած չափանիշների:

Ավարտական աշխատանքի պաշտպանությանը թույլատրված, սակայն չներկայացած կամ անբավարար գնահատված ուսանողը հնարավորություն ունի պաշտպանելու ավարտական աշխատանքը հաջորդ ուստարիների ընթացքում:

Մագիստրոսական թեզի ատեստավորումը չանցած ուսանողը հեռացվում է համալսարանից ակադեմիական անբավարար առաջադիմության պատճառով: Հեռացված ուսանողը վերականգնման դեպքում հնարավորություն ունի շարունակելու նախկինում հաստատված թեմայով մագիստրոսական թեզը:

Քննության վերահանձնման և դասընթացի կրկնության կարգի այլ մանրամասների հնարավոր է ծանոթանալ այստեղ։

Կարինե Հովհաննիսյան