21.04.2022 | 
Մշակույթ
«ԵՎՐԱՏԵՍԻԼ 2022» ԵՐԳԻ ՄՐՑՈՒՅԹՈՒՄ ՀԱՅԱՍՏԱՆԸ ՆԵՐԿԱՅԱՑՆՈՂ ՌՈԶԱ ԼԻՆԸ ԵՊՀ-ՈՒՄ ԷՐ
«ԵՎՐԱՏԵՍԻԼ 2022» ԵՐԳԻ ՄՐՑՈՒՅԹՈՒՄ ՀԱՅԱՍՏԱՆԸ ՆԵՐԿԱՅԱՑՆՈՂ ՌՈԶԱ ԼԻՆԸ ԵՊՀ-ՈՒՄ ԷՐ
Այսօր ԵՊՀ Շառլ Ազնավուրի անվան մշակույթի կենտրոնում տեղի ունեցավ հանդիպում «Եվրատեսիլ 2022» երգի մրցույթում Հայաստանը ներկայացնող Ռոզա Լինի հետ:

Հանդիպմանը ներկա էին ուսանողներ, դասախոսներ, Հանրային հեռուստաընկերության հանրային կապերի և թվային հաղորդակցության ղեկավար Աննա Օհանյանը, արվեստասեր այլ անձինք:

 

Մշակույթի կենտրոնի տնօրեն Կարինե Դավթյանը, ողջունելով հյուրերին, իր խոսքում նշեց. ‹‹Շատ ուրախ ենք Ռոզա Լինին ԵՊՀ-ում հյուրընկալելու համար: Վստահ ենք՝ հաջորդ անգամ նա համալսարան կգա՝ որպես հաղթող››:

 

Հանդիպման ընթացքում Ռոզան պատասխանեց ուսանողների հարցերին: Նա իր խոսքում նշեց, որ իր համար մեծ պատիվ է Հայաստանը միջազգային հանրությանը ներկայացնելը և ընդգծեց, որ եվրատեսիլյան երգերը այս տարի էլ մրցունակ են, ուստի անհրաժեշտ է մրցույթին ներկայանալ չափազանց պատրաստված. «Պարտավորեցնող է այն, որ մեր երկիրը «Եվրատեսիլ»-ում ներկայացնելու եմ ես, և ոչ թե ինչ-որ հանրահայտ երգիչ: Ամենայն պատասխանատվությամբ եմ վերաբերվում հատկապես այն փաստին, որ ես հենց Հայաստանն եմ ներկայացնելու»:

 

 

Աննա Օհանյանն էլ խոսեց նախընտրական փուլի, մասնակցի ընտրության և ներկայումս տարվող աշխատանքների մասին:

 

Հանդիպման մասնակիցներից Տաթև Ալիխանյանը (վերջինս ԵՊՀ ժուռնալիստիկայի ֆակուլտետի ուսանողուհի է), կարևորելով հանդիպումը, նշեց. ‹‹Այսօր առավոտս սկսել եմ հենց Ռոզայի երգով: Ուրախ եմ, որ համալսարանը մեզ համար ստեղծում է մշակութային գործիչների հետ հանդիպելու հնարավորություն։ Ամեն անգամ տպավորություններս անպատմելի են լինում››:

 

Հանդիպման վերջում Ռոզան և հանդիսատեսը միասին կատարեցին սիրված «Snap» երգը:

 

Այլ նորություններ
«ԻՆՁ ՀԱՄԱՐ ԿԱՐԵՎՈՐ ԵՆ ՀԱՄԱԼՍԱՐԱՆՈՒՄ ՍՏԱՑԱԾ ԿՐԹՈՒԹՅՈՒՆՆ ՈՒ ՁԵՌՔ ԲԵՐԱԾ ՄՆԱՅՈՒՆ ԱՐԺԵՔՆԵՐԸ»․ ԵՊՀ ՇՐՋԱՆԱՎԱՐՏ ԷԼԻՆԵ ՊՈՂՈՍՅԱՆ
ԵՊՀ ժուռնալիստիկայի ֆակուլտետի շրջանավարտ, հանրային կապերի մասնագետ և նկարչուհի Էլինե Պողոսյանի հետ զրուցել ենք համալսարանի ընձեռած հնարավորությունների, մասնագիտությունների ընտրության, ապագայի պլանների և այլ թեմաների շուրջ:
ԿՈՐԵԵՐԵՆԻՆ ԵՎ ԿՈՐԵԱԿԱՆ ՄՇԱԿՈՒՅԹԻՆ ՆՎԻՐՎԱԾ ՑԵՐԵԿՈՒՅԹ ԵՊՀ-ՈՒՄ
ԵՊՀ միջազգային հարաբերությունների ֆակուլտետում տեղի ունեցավ կորեերենին և կորեական մշակույթին նվիրված ցերեկույթ, որի ընթացքում ԵՊՀ-ում անցկացված կորեերենի ութամսյա դասընթացի մասնակիցներին ֆակուլտետի կողմից հանձնվեցին վկայականներ։