31.05.2019 | 
Ուսանողական
ԵՊՀ ՈՒԽ-Ն ԱՄՓՈՓԵՑ ԱՆՑԱԾ ԿԻՍԱՄՅԱԿԸ
ԵՊՀ ՈՒԽ-Ն ԱՄՓՈՓԵՑ ԱՆՑԱԾ ԿԻՍԱՄՅԱԿԸ
ԵՊՀ գիտխորհրդի նիստերի դահլիճում այսօր կայացավ ԵՊՀ ՈՒԽ կիսամյակային ամփոփիչ նիստը:

Նիստի օրակարգում ընդգրկված էր երկու հարց ՝ ԵՊՀ ՈՒԽ կիսամյակային աշխատանքների հաշվետվություն և ուսումնառության ընթացքում աչքի ընկած ՈՒԽ-ականների պարգևատրում:

 

Ուսանողներին ողջունեց ԵՊՀ ՈՒԽ նախագահ Դավիթ Ափոյանը:

 

Վերջինս ևս մեկ անգամ շնորհավորեց Մայր բուհի հիմնադրման 100  և ՈՒԽ 25-ամյակները և տեսապատկերի միջոցով ներկայացրեց կառույցի կիսամյակային հաշվետվությունը:



Ըստ հաշվետվության՝ ամենաշատ միջոցառումներ կազմակերպել են ՈՒԽ սպորտի, գիտակրթական և իրավական հանձնաժողովները:

 

Դ. Ափոյանը ներկայացրեց նաև ՈՒԽ-ի կողմից իրականացրած բոլոր միջոցառումները, ինչպես նաև ԵՊՀ հիմնադրման օրվա առթիվ կազմակերպած ֆլեշմոբերը:

 

Ուսումնառության ընթացքում ծավալած ակտիվ գործունեության համար պարգևատրվեցին ԵՊՀ 19 ֆակուլտետների ՈՒԽ-ականներ:

 

Շնորհակալագրեր ստացան այն ուսանողները, որոնք կիսամյակի ընթացքում աչքի էին ընկել կազմակերպչական աշխատանքներով:


Իսկ ուսումնառության առաջին տարվանից ՈՒԽ աշխատանքներին ակտիվ ներգրավվածություն ունեցած ուսանողները՝ Դավիթ Մաթևոսյանը (Միջազգային հարաբերությունների ֆակուլտետ), Ամալյա Սողոմոնյանը (Եվրոպական լեզուների և հաղորդակցության ֆակուլտետ), Հրանտ Ջիլավյանը (Իրավագիտության ֆակուլտետ), Մանուշակ Ալավերդյանը (Կենսաբանության ֆակուլտետ) և Իրինա Վարդանյանը (Տնտեսագիտության և կառավարման ֆակուլտետ) պարգևատրվեցին արծաթե մեդալներով:

 

 

 

 

 

 

Այլ նորություններ
ԵՊՀ-Ն ՃԱՆԱՊԱՐՀԵՑ ԱՇԽԱՐՀԱԳԵՏ ՇՐՋԱՆԱՎԱՐՏՆԵՐԻՆ
ԵՊՀ գիտխորհրդի նիստերի դահլիճում այսօր տեղի ունեցավ Աշխարհագրության և երկրաբանության ֆակուլտետի բակալավրիատի և մագիստրատուրայի շրջանավարտների դիպլոմների հանձնման հանդիսավոր արարողությունը:
ԱՐԽԻՎԱՅԻՆ ԿԱԴՐԵՐ ԵՊՀ  ԸՆԴՈՒՆԵԼՈՒԹՅԱՆ ԱՐԴՅՈՒՆՔՆԵՐԻ ՀՐԱՊԱՐԱԿՈՒՄԻՑ
1960-ականներ. տեսանյութ այն մասին, թե ինչպես են ԵՊՀ տվյալ ուստարվա դիմորդները ծանոթանում ընդունելության քննությունների արդյունքներին: