03.09.2018 | 
Ուսանողական
«ՈՒՍՈՒՄՆԱՌՈՒԹՅԱՆ ԱՄԲՈՂՋ ԸՆԹԱՑՔՈՒՄ ԵՂԵ՛Ք ԻՐԱԶԵԿ ՈՒ ՊԱՀԱՆՋԱՏԵՐ». ՈՒԳԸ ՆԱԽԱԳԱՀԸ՝ ԱՌԱՋԻՆԿՈՒՐՍԵՑԻՆԵՐԻՆ
«ՈՒՍՈՒՄՆԱՌՈՒԹՅԱՆ ԱՄԲՈՂՋ ԸՆԹԱՑՔՈՒՄ ԵՂԵ՛Ք ԻՐԱԶԵԿ ՈՒ ՊԱՀԱՆՋԱՏԵՐ». ՈՒԳԸ ՆԱԽԱԳԱՀԸ՝ ԱՌԱՋԻՆԿՈՒՐՍԵՑԻՆԵՐԻՆ
ԵՊՀ ուսանողական գիտական ընկերությունը (ՈՒԳԸ) գիտական ներուժ ու հետաքրքրությունների լայն շրջանակ ունեցող ուսանողներին և ասպիրանտներին միավորող և համահամալսարանական ակտիվ գործունեություն ծավալող ամենակարևոր կառույցներից է:

Սիրելի՛ առաջինկուրսեցիներ, կառույցի, ապա և իմ անունից, սրտանց շնորհավորում եմ Ձեզ գիտելիքի և դպրության օրվա կապակցությամբ: Մաղթում եմ հագեցած, արդյունավետ և մասնագիտական որակյալ կրթությամբ ուղեկցվող ուսանողական բուռն տարիներ: Ուսումնառության ամբողջ ընթացքում եղե՛ք իրազեկ ու պահանջատեր՝ երբեք չմոռանալով, որ համալսարանական միջավայրում կրթության հանդեպ սերն ու նոր գիտելիք ստանալու անմնացորդ ցանկությունն առաջնային պետք է լինեն, քանի որ միայն այդ կերպ է հնարավոր ինտեգրվել և ինքնադրսևորվել ակադեմիական հաստատությունում:

 

 

ԵՊՀ ՈՒԳԸ նախագահ Վանատուր Շերենց

 

ՈՒԳԸ-ի նպատակն ուսանողների հոգևոր և գիտաստեղծարար կարողությունների զարգացումն ու ամրապնդումն է, լսարանային և արտալսարանային պայմաններում ակադեմիական միջավայրի ձևավորումն ու պրակտիկ ինքնակրթության խրախուսումը: Այդ նպատակով ՈՒԳԸ-ն կազմակերպում է երիտասարդական գիտաժողովներ, սեմինար-դասախոսություններ, մասնագիտական ճամբարներ ու աշխատաժողովներ, որոնք առաջին հերթին միտված են առաջատար փորձի փոխանցմանը, այլընտրանքային կրթության ու ոչ ստանդարտ մտածողության զարգացմանն ու գիտամշակութային լայն աշխարհայացքի ձևավորմանը:

 

Արդեն այս ուսումնական տարվանից առաջին կուրսեցիները կարող են թե՛ կամավորագրվել, թե՛ անդամակցել ՈՒԳԸ-ին՝ դիմելով ֆակուլտետային ՈՒԳԸ ստորաբաժանման նախագահին, ինչից հետո տվյալ ուսանողների համար ամբիոնի/բաժնի վարիչը պետք է երաշխավորագիր ներկայացնի, իսկ դեկանը՝ հաստատի կազմը: Այսպիսով՝ ուսանողները հնարավորություն կստանան ներգրավվելու և մասնակցելու միջոցառումների կազմակերպմանը, հրավիրել պրոֆեսիոնալ մասնագետների, վարել առանձին սեմինարներ, զեկուցել ֆակուլտետային և տարեկան գիտական նստաշրջանների ժամանակ և տպագրվել ԲՈԿ-ի կողմից հաստատված ԵՊՀ ՈՒԳԸ գիտական հոդվածների ժողովածուում:

 

Պատրաստեց Քնար Միսակյանը

 

Այլ նորություններ
«Ի՞ՆՉ, ՈՐՏԵ՞Ղ, Ե՞ՐԲ». ՊԱՏԱՍԽԱՆՈՒՄ ԵՆ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ
ԵՊՀ Պալեանների անվան դահլիճում այսօր Իրավագիտության ֆակուլտետի ՈՒԽ-ի նախաձեռնությամբ անցկացվել է «Ի՞նչ, որտե՞ղ, ե՞րբ» ներֆակուլտետային ինտելեկտուալ խաղ-մրցույթը:
ԵՊՀ ՀԱՎԱՔԱԿԱՆԸ ՄԱՍՆԱԿՑԵԼ Է ԹԻԱՎԱՐՈՒԹՅԱՆ ՄԻՋԲՈՒՀԱԿԱՆ ԱՌԱՋՆՈՒԹՅԱՆԸ
Հանրապետության ուսանողական 22-րդ մարզական խաղերի ծրագրով հոկտեմբերի 5-ին Երևանյան լճի տարածքում գտնվող ջրային մարզաձևերի մարզակայանում անցկացվեց «Դրակոնբոութ» (թիավարական մակույկներ) և «Կոնցեպտ» (վարժասարքեր) մարզաձևերի բուհական առաջնությունը, որի մասնակցել են 8 բուհերի հավաքականներ: