10.02.2020 | 
Հասարակություն
«ՍԻՐԻԱՀԱՅԵՐԻ ՄԻՈՒԹՅԱՆ» ՑՈՒՑԱՀԱՆԴԵՍ-ՎԱՃԱՌՔԸ ԵՊՀ-ՈՒՄ
«ՍԻՐԻԱՀԱՅԵՐԻ ՄԻՈՒԹՅԱՆ» ՑՈՒՑԱՀԱՆԴԵՍ-ՎԱՃԱՌՔԸ ԵՊՀ-ՈՒՄ
ԵՊՀ 8-րդ մասնաշենքի նախասրահում «Սիրիահայերի միություն» ՀԿ-ն այսօր կազմակերպել էր ցուցահանդես-վաճառք:

Արդեն երրորդ տարին է՝ ՀԿ-ն կազմակերպում է ցուցահանդես-վաճառք իրականացրած ծրագրերի շրջանակում, որոնք նպաստում են սիրիահայերի տնտեսական ինտեգրմանը և հայրենիքում նրանց գոյատևման ապահովմանը:

 

 

«Մենք կազմակերպել ենք այս ցուցահանդեսը, որ սիրիահայերը մասնակցեն, ցուցադրեն իրենց աշխատանքները և, անշուշտ, վաճառեն: Սփյուռքի նախարարությունը սրանից առաջ կազմակերպել էր նմանաբնույթ ցուցահանդես-վաճառք, այս անգամ էլ «Սիրիահայերի միություն» ՀԿ-ն որոշեց հանդես գալ նախաձեռնությամբ»,- նշեց «Սիրիահայերի միության» Տիկնաց յանձնախումբի ատենապետուհի Այտա Սանդուրյանը:

 

Ի դեպ, Տիկնաց յանձնախմբի 9 անդամները, որոնք բոլորն էլ գործարար կանայք են, նույնպես ցուցադրել են իրենց աշխատանքները:

 

 

Ա. Սանդուրյանը տեղեկացրեց, որ մի քանի անգամ ԵՊՀ-ում նմանօրինակ նախաձեռնությամբ հանդես են եկել, և ամեն անգամ մասնակիցները գոհ են մնացել վաճառքի արդյունքներից:

 

«Այս տարի ունենք մոտ 30 մասնակից, ընդ որում՝ ներգրավել ենք նաև քաղաքացիներին, որոնք նույնպես ներկայացել են իրենց աշխատանքներով. կարծում եմ՝ սա հիանալի համագործակցության սկիզբ է»,- ասաց նա:

 

 

Ցուցադրվող աշխատանքները չորս ոլորտից են՝ ասեղնագործություն, սնունդ, ձեռքի աշխատանքների արվեստ և արծաթե զարդեր:

 

Այտա Սանդուրյանը հավելեց, որ «Սիրիահայերի միություն» ՀԿ-ն հիմնադրվել է 2014 թ., տարբեր միջոցառումներ է իրականացնում՝ նպատակ ունենալով նպաստելու, որ ՀԿ-ի ավելի քան 100 անդամները զարգացնեն ու ընդլայնեն իրենց գործունեության ոլորտը, Հայաստանում համապատասխան շուկա գտնեն և իրենց ապագան կառուցեն հայրենիքում:

 

Հասմիկ Ասլանյան

Այլ նորություններ
ԵՊՀ ԻՐԱՎԱԲԱՆԱԿԱՆ ԿԼԻՆԻԿԱՆ ՇՆՈՐՀԱՎՈՐԵԼ ԵՎ ՎԿԱՅԱԳՐԵՐ Է ՇՆՈՐՀԵԼ ԻՐ 20-ՐԴ ՏԱՐՎԱ ՇՐՋԱՆԱՎԱՐՏՆԵՐԻՆ
Իրավաբանական կլինիկան 2019-2020 ուսումնական տարում տոնում է իր 20-ամյակը։ Ինչպես նախորդ տարիներին, կլինիկան 20-րդ տարվա շրջանավարտներին ևս ճանապարհում է վկայագրերով, որոնք այս տարի ուսանողներին նախապես ուղարկվել էին փոստով։
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ԹԻՄԸ ՀԱՂԹԵԼ Է ԱՐԲԻՏՐԱԺ ԽԱՂ-ՄՐՑՈՒՅԹՈՒՄ
ԵՊՀ իրավագիտության ֆակուլտետի թիմը մասնակցել ու հաղթող է ճանաչվել Հայաստանի ամերիկյան համալսարանի մեդիացիոն և արբիտրաժային կլինիկայի և ՀՀ արբիտրների ասոցիացիայի կողմից կազմակերպվող ամենամյա դատախաղ-մրցույթին, որը գրավոր եղանակով անցկացվել է հունիսի 19-30-ը։