27.07.2022 | 
Մշակույթ
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
Աշխարհահռչակ օպերային երգիչ Սարգիս Բաժբեուկ-Մելիքյանը ԵՊՀ Շառլ Ազնավուրի անվան մշակույթի կենտրոնում գործող «YSU band»-ի գեղարվեստական ղեկավարն է: Սարգիսի հետ զրուցել ենք «YSU band»-ի ձևավորման, առաջիկա պլանների և այլ հարցերի շուրջ:

Կյանքիս որևէ փուլ պետք է կապվեր համալսարանի հետ:

 

Երբ ընտրում էի մասնագիտությունս, Երևանի պետական համալսարանի անունը շատ էր հոլովվում մեր ընտանիքում․ ծնողներս ցանկանում էին՝ հենց այստեղ սովորեմ, սակայն ընտրելով ճարտարապետի մասնագիտությունը՝ կրթություն ստացա այլ բուհում: Ի վերջո, կյանքիս որևէ փուլ պետք է կապվեր համալսարանի հետ, և այժմ Հայաստանում իմ գործունեությունը ծավալվում է նաև ԵՊՀ Շառլ Ազնավուրի անվան մշակույթի կենտրոնում՝ «YSU բենդ»-ում: Կարծում եմ՝ կարճ ժամանակահատվածում արդեն գրանցել ենք բավականին լուրջ հաջողություններ: Ինձ համար շատ կարևոր է, որ մեր բենդը օրինակ լինի մյուս բուհերի համար:

 

 

Ես տեսնում եմ՝ ինչպես է փոխվում ուսանողների մտածելակերպը:

 

Ի սկզբանե բենդի ձևավորման գաղափարն ինձ դուր էր գալիս: Մշակույթի կենտրոնի տնօրեն Կարինե Դավթյանի մշակած ծրագիրը բավականին արդյունավետ է. ես տեսնում եմ՝ ինչպես է փոխվում ուսանողների մտածելակերպը: Առաջիկայում պլանավորել ենք մի քանի համերգ, սակայն նաև նպատակ ունենք միջազգային մրցույթների մասնակցելու։

 

ԵՊՀ Շառլ Ազնավուրի անվան մշակույթի կենտրոնում ուսանողներն ստանում են մասնագիտական երկրորդ կրթություն։

 

Մեր ուսանողները շատ տաղանդավոր են, թիմը՝ բավականին մեծ։ Կարող եմ ասել, որ ԵՊՀ Շառլ Ազնավուրի անվան մշակույթի կենտրոնի յուրաքանչյուր ուսանող իր տեղն է գտնում արվեստի որևէ բնագավառում, այդ թվում՝ թատրոնում կամ երաժշտության մեջ:

 

 

Մշակույթի կենտրոնի դռները բաց են համալսարանի բոլոր ուսանողների առջև:

 

Վստահ եմ՝ երիտասարդները, տեսնելով Երևանի պետական համալսարանի ուսանողական ու մշակութային ակտիվ կյանքը, կկարողանան կողմնորոշվել իրենց ապագա մասնագիտության և բուհի ընտրության հարցում:

 

ԵՊՀ այն ուսանողները, ովքեր ցանկանում են լինել մշակույթի կենտրոնի մի մասնիկը, կարող են գալ, լսել, փորձել իրենց ուժերը՝ անկախ նրանից, թե տիրապետում են երաժշտական այս կամ այն գործիքին, թե ոչ։

 

Կարինե Հովհաննիսյան

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
ԵՊՀ-ՈՒՄ ՄԵԿՆԱՐԿԵԼ Է «ԱՐՑԱԽԻ ՄՇԱԿՈՒԹԱՅԻՆ ԺԱՌԱՆԳՈՒԹՅՈՒՆ» ԽՈՐԱԳՐՈՎ ՄԻՋԱԶԳԱՅԻՆ ԳԻՏԱԺՈՂՈՎԸ
Երևանի պետական համալսարանում մեկնարկած գիտաժողովին նախորդել էին առցանց եղանակով կազմակերպված երկու գիտաժողովներ՝ ի պաշտպանություն Արցախի մշակութային կոթողների: Հրավիրյալ քսանութ գիտնականներ Երևան են ժամանել Բելգիայից, Շվեյցարիայից և Գերմանիայից։