19.03.2019 | 
Կրթություն
«ՀԱՄԱԼՍԱՐԱՆՈՒՄ ԿԱԶՄԱԿԵՐՊՎՈՂ ՆՄԱՆԱԲՆՈՒՅԹ ՀԱՆԴԻՊՈՒՄՆԵՐԸ ՆՊԱՍՏՈՒՄ ԵՆ ԱՇԱԿԵՐՏՆԵՐԻ ՄՏԱԾԵԼԱԿԵՐՊԻ ԸՆԴԼԱՅՆՄԱՆԸ». ԵՊՀ ԴՈՑԵՆՏ
 «ՀԱՄԱԼՍԱՐԱՆՈՒՄ ԿԱԶՄԱԿԵՐՊՎՈՂ ՆՄԱՆԱԲՆՈՒՅԹ ՀԱՆԴԻՊՈՒՄՆԵՐԸ ՆՊԱՍՏՈՒՄ ԵՆ ԱՇԱԿԵՐՏՆԵՐԻ ՄՏԱԾԵԼԱԿԵՐՊԻ ԸՆԴԼԱՅՆՄԱՆԸ». ԵՊՀ ԴՈՑԵՆՏ
ԵՊՀ մաթեմատիկայի և մեխանիկայի ֆակուլտետի դասախոսական կազմն այսօր հյուրընկալել էր Երևանի թիվ 94, 170, 65, 195, 139, 182 ավագ դպրոցների աշակերտներին:

ԵՊՀ մաթեմատիկայի և մեխանիկայի ֆակուլտետի մաթեմատիկական անալիզի և ֆունկցիանների տեսության ամբիոնի դոցենտ Սպարտակ Ռաֆայելյանն ուսանողներին ներկայացրեց ֆակուլտետի կրթական ծրագրերը:

 

Նրա խոսքով, բուհ-դպրոց համագործակցությունը շատ արդյունավետ է, բայց էլ ավելի արդյունավետ կդառնա, որ հանդիպումները նույն դպրոցի աշակերտների հետ պարբերաբար կազմակերպվեն: «Դպրոցներում «Մաթեմատիկա» առարկայից շատ թեմաներ խորացված չեն անցնում, իսկ նմանօրինակ հանդիպումների ընթացքում աշակերտներն ավելի մանրակրկիտ ստանում են իրենց հուզող հարցերի պատասխանները: Աշակերտը, մտնելով համալսարան, ոգևորվում է, շփվում դասախոսական կազմի հետ և տպավորված տուն է գնում: Նրա մասնագիտության ընտրության հարցում այս հանդիպումները կարող են մեծ ազդեցություն ունենան»,- հավելեց Սպարտակ Ռաֆայելյանը:

 

Ըստ Սպարտակ Ռաֆայելյանի՝ դպրոցներից նախապես ուղարկում են այն թեմաները, որոնց մասին ցանկանում են դասախոսություն լսել, մենք էլ այն կազմակերպում ենք:

«Այսօրվա իմ դասախոսությունը վերաբերում է ցուցչային լոգարիթմական ֆունկցիաներին և հատկություններին: Համալսարանում կազմակերպվող նմանաբնույթ հանդիպումները նպաստում են աշակերտների մտածելակերպի ընդլայնմանը»,- հավելեց ԵՊՀ դոցենտը:

 

Կարևորելով բուհ-դպրոց համագործակցությունը՝ հանդիպմանը ներկա «Մաթեմատիկա» առարկայի ուսուցիչների կարծիքով, անհրաժեշտ է, որ հանդիպումները պարբերական բնույթ ունենան և շատ ողջունելի է, որ ուսանողները մասնակցում են ոչ միայն դասախոսություններին, այլև շրջում են բուհում և ծանոթանում միջավայրին: Աշակերտները, գալով բուհ, ավելի խորքային տեղեկատվություն են ստանում համալսարանում իրականացվող կրթական ծրագրերի մասին:

 

Նշենք, որ աշակերտների հյուրընկալությունները ԵՊՀ շարունակական բնույթ են կրելու, ինչի նպատակն է նպաստել ավարտական դասարանների աշակերտների մասնագիտական կողմնորոշմանը և վերջիններիս ուղղորդել դեպի ԵՊՀ:

 

Նադեժդա Տեր-Աբրահամյան

Այլ նորություններ
ԵՊՀ ԹԻՄԸ ՈՍԿԵ ԵՎ ԱՐԾԱԹԵ ՄԵԴԱԼՆԵՐ Է ՆՎԱՃԵԼ ՄԱԹԵՄԱՏԻԿԱԿԱՆ ՄԻՋԱԶԳԱՅԻՆ ՈՒՍԱՆՈՂԱԿԱՆ ՕԼԻՄՊԻԱԴԱՅՈՒՄ
Ավարտվել է Բուլղարիայի Բլագոևգրադ քաղաքում անցկացվող 26-րդ մաթեմատիկական միջազգային ուսանողական օլիմպիադան։ Օլիմպիադային Հայաստանը ներկայացրել է Երևանի պետական համալսարանի թիմը՝ նվաճելով 3 ոսկե և 3 արծաթե մեդալներ։
ԵՊՀ-Ի ԵՎ ՊՈԼ ՎԱԼԵՐԻ ՄՈՆՊԵԼՅԵ 3 ՀԱՄԱԼՍԱՐԱՆԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎԵԼՈՒ Է
«Erasmus+» ծրագրի շրջանակում Երևանի պետական համալսարանի և Ֆրանսիայի Պոլ Վալերի Մոնպելյե 3 համալսարանի միջև հաստատված համագործակցությունն ամրապնդվում է: Այն շարունակվելու է մինչև 2020 թվականը: