22.03.2019 | 
Ուսանողական
«ԻՆՉՊԵՍ ԳՐԵԼ ԳԻՏԱԿԱՆ ԱՇԽԱՏԱՆՔ». ՍԵՄԻՆԱՐ-ՔՆՆԱՐԿՈՒՄ՝ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
«ԻՆՉՊԵՍ ԳՐԵԼ ԳԻՏԱԿԱՆ ԱՇԽԱՏԱՆՔ». ՍԵՄԻՆԱՐ-ՔՆՆԱՐԿՈՒՄ՝ ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏՈՒՄ
ԵՊՀ հայ բանասիրության ֆակուլտետի դահլիճում այսօր տեղի «Ինչպես գրել գիտական աշխատանք» խորագրով սեմինար-քննարկում:

Գիտական աշխատանք գրելու հետաքրքիր, բազմատարր աշխատանքը մշտապես եղել է ուսանողների ուշադրության կենտրոնում, որը ենթադրում է որոշակի առանձնահատկություններ և օրինաչափություններ:

 Այս առանձնահատկություններին անդրադարձավ ԵՊՀ պատմության ֆակուլտետի դասախոս, պրոֆեսոր Հայկազ Հովհաննիսյանը։ Վերջինս ներկայացրեց այն կարևոր կետերը, որոնց պետք է հետևի գիտական աշխատանք գրող ցանկացած ուսանող։ 

 

Դրանք են՝ թեմայի ընտրություն, գիտական աշխատանքների թեմայի հաստատում, հանձնարարված գրականության և նյութերի հավաքում, աշխատանքի կառուցվածքի կազմում, աղբյուրների ու գրականության մշակում, գիտական աշխատանքի շարադրում, աշխատանքի ձևավորում։ 

 

Բանախոսը նշեց, որ շատ կարևոր է ճիշտ թեմայի ընտրությունը, «չծեծված» թեմայի արծարծումը և արդիականությունը . «Ընտրված թեման պետք է իր մեջ պարունակի հետազոտությանը բնորոշ որակ, որն արժանի է ուսումնասիրության»,- նշեց Հովհաննիսյանը։ 

 

Վերջինս կարևորեց նաև ընտրած թեմայի աղբյուրագիտական հարուստ հենքը։ «Աղբյուրագիտական հենքը ենթադրում է մի քանի կարևոր տարրերի՝ արխիվային վավերագրերի, փաստական նյութերի, մամուլի, հետազոտական գրականության առկայություն»:

Որպես կանոն, գիտական աշխատանք գրելիս ուսանողը պետք է կիրառի վերլուծական, կառուցողական միտք՝ հիմնվելով փաստերի և իր կատարած հետազոտությունների վրա:

 

Հովհաննիսյանի համոզմամբ, կարևոր է նաև լեզուների իմացությունը և ստեղծագործական մտքի ճկունությունը:

Այլ նորություններ
ԵՎՐՈՊԱԿԱՆ ԼԵԶՈՒՆԵՐԻ ԵՎ ՀԱՂՈՐԴԱԿՑՈՒԹՅԱՆ ՖԱԿՈՒԼՏԵՏԸ ՃԱՆԱՊԱՐՀԵՑ 2020-2021 ՈՒՍՏԱՐՎԱ ՇՐՋԱՆԱՎԱՐՏՆԵՐԻՆ
ԵՊՀ Չարենցի անվան դահլիճում այսօր տեղի է ունեցել Եվրոպական լեզուների և հաղորդակցության ֆակուլտետի բակալավրիատի շրջանավարտների դիպլոմների հանձնման հանդիսավոր արարողությունը:
«ՏԱՐԱԾԱՇՐՋԱՆԱՅԻՆ ԱՆՎՏԱՆԳՈՒԹՅՈՒՆ. ՀՀ ՍՊԱՌՆԱԼԻՔՆԵՐԸ ՀԵՏՊԱՏԵՐԱԶՄՅԱՆ ՇՐՋԱՆՈՒՄ» ԽՈՐԱԳՐՈՎ ՀԱՆԴԻՊՈՒՄ ՏԻԳՐԱՆ ԱԲՐԱՀԱՄՅԱՆԻ ՀԵՏ
ՈՒԽ Լ. Ազգալդյանի անվան մարտական ակումբն այսօր ԵՊՀ գիտխորհրդի նիստերի դահլիճում կազմակերպել էր հանդիպում «Հենակետ» վերլուծական կենտրոնի ղեկավար Տիգրան Աբրահամյանի հետ: